ವೈವಾಹಿಕ ಜೀವನಕ್ಕೆ ಕಾಲಿಟ್ಟ ಖ್ಯಾತ ಗಾಯಕ ವಾಸುಕಿ ವೈಭವ್​ : ಯಾರು ಈ ಹುಡುಗಿ..?

Vasuki Vaibhav Marriage :  ಸ್ಯಾಂಡಲ್​ವುಡ್​ನ ಖ್ಯಾತ ಗಾಯಕ ಹಾಗೂ ಸಂಗೀತ ನಿರ್ದೆಶಕ ವಾಸುಕಿ ವೈಭವ್​ ಇಂದು ವೈವಾಹಿಕ ಜೀವನಕ್ಕೆ ಕಾಲಿರಿಸಿದ್ದಾರೆ. ಬೆಂಗಳೂರಿನ ಜೆಪಿ ನಗರದಲ್ಲಿರುವ ಸಂಸ್ಕೃತಿ ಗೋಕುಲಂ ಕಲ್ಯಾಣ ಮಂಟಪದಲ್ಲಿ ವಾಸುಕಿ ವೈಭವ್​ ತಮ್ಮ ಬಹುಕಾಲದ ಗೆಳತಿ ಬೃಂದಾ ವಿಕ್ರಂ (Brunda Vikarm)  ಎಂಬವರ ಜೊತೆಯಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟಿದ್ದಾರೆ. ಅಯ್ಯಂಗಾರ್​ ಸಂಪ್ರದಾಯದಂತೆ ಇಬ್ಬರ ವಿವಾಹ ಕಾರ್ಯಕ್ರಮ ಶಾಸ್ತ್ರೋಸ್ತ್ರವಾಗಿ ನೆರವೇರಿದೆ.

ಮದುವೆ ಕಾರ್ಯಕ್ರಮದಲ್ಲಿ ವಾಸುಕಿ ವೈಭವ್​ ಹಾಗೂ ಬೃಂದಾ ಕುಟುಂಬಸ್ಥರು, ಆಪ್ತರು ಹಾಗೂ ಸ್ನೇಹಿತರಿಗೆ ಆಹ್ವಾನ ನೀಡಲಾಗಿತ್ತು. ಈಗಾಗಲೇ ಸಾಕಷ್ಟು ಸೋಶಿಯಲ್​ ಮೀಡಿಯಾ ಪೇಜ್​ಗಳಲ್ಲಿ ಇಬ್ಬರ ಮದುವೆಯ ಫೋಟೋಗಳು ವೈರಲ್​ ಆಗುತ್ತಿದೆ. ಬಿಗ್​ಬಾಸ್​ ಸೀಸನ್​ 7ರ ಸ್ಪರ್ಧಿ ಕೂಡ ಆಗಿರುವ ವಾಸುಕಿ ವೈಭವ್​ ಈ ಸೀಸನ್​ನ ರನ್ನರ್​ ಅಪ್​ ಆಗಿ ಹೊರಹೊಮ್ಮಿದ್ದರು. ಈ ಸೀಸನ್​ನಲ್ಲಿ ವಾಸುಕಿ ವೈಭವ್​ ಕಿರುತೆರೆ ನಟಿ ಚಂದನಾ ಜೊತೆಯಲ್ಲಿ ಹೆಚ್ಚಾಗಿ ಕಾಣಿಸಿಕೊಂಡಿದ್ದರು.

ಬಿಗ್​ಬಾಸ್​ ಮನೆಯ ಹೊರಗೂ ಇವರ ಸ್ನೇಹ ಮುಂದುವರಿದಿತ್ತು. ಹೀಗಾಗಿ ಅಭಿಮಾನಿಗಳು ಕೊನೆಕ್ಷಣದವರೆಗೂ ವಾಸುಕಿ ವೈಭವ್​ ಹಾಗೂ ಚಂದನಾ ಅನಂತಕೃಷ್ಣ ವೈವಾಹಿಕ ಜೀವನಕ್ಕೆ ಕಾಲಿರಿಸಲಿದ್ದಾರೆ ಎಂದೆ ನಂಬಿದ್ದರು. ಆದರೆ ಈಗ ಸೋಶಿಯಲ್​ ಮೀಡಿಯಾದಲ್ಲಿ ಫೋಟೋಗಳು ಹರಿದಾಡುತ್ತಿದ್ದು ವಾಸುಕಿ ವೈಭವ್​ ಬಹುಕಾಲದ ಗೆಳತಿಯ ಫೋಟೋ ರಿವೀಲ್​ ಆಗಿದೆ.

ಇದನ್ನೂ ಓದಿ :  ಸುಧಾರಾಣಿ 21 ವರ್ಷದ ಬಳಿಕ ಮತ್ತೆ ಡ್ಯುಯೇಟ್: ಸ್ಪೆಶಲ್ ವಿಡಿಯೋ ವೈರಲ್

ವಾಸುಕಿ ವೈಭವ್​ ಗಾಯಕನ ಜೊತೆ ಜೊತೆಯಲ್ಲಿ ರಂಗಭೂಮಿ ಕಲಾವಿದ ಸಹ ಹೌದು. ಸುದೀಪ್​ ಅಭಿನಯದ ವಿಕ್ರಾಂತ್​ ರೋಣ ಹಾಗೂ ಇತ್ತೀಚಿಗೆ ತೆರೆಕಂಡ ಟಗರು ಪಲ್ಯ ಸೇರಿದಂತೆ ಕೆಲವು ಸಿನಿಮಾಗಳಲ್ಲಿಯೂ ವಾಸುಕಿ ವೈಭವ್​ ಬಣ್ಣ ಹಚ್ಚಿದ್ದಾರೆ. ಇನ್ನು ವಾಸುಕಿ ವೈಭವ್​ ಪತ್ನಿ ಬೃಂದಾ ವಿಕ್ರಂ ಕೂಡ ರಂಗಕಲಾವಿದೆ ಹಾಗೂ ಶಿಕ್ಷಕಿ ಕೂಡ ಆಗಿದ್ದಾರೆ.

ಬಹುಕಾಲದಿಂದ ಇವರಿಬ್ಬರು ಜೊತೆಯಾಗಿ ರಂಗಭೂಮಿಯಲ್ಲಿ ಕೆಲಸ ಮಾಡಿದ್ದಾರೆ. ವಾಸುಕಿ ವೈಭವ್​ ಈವರೆಗೆ ಎಲ್ಲಿಯೂ ಕೂಡ ತಮ್ಮ ಹಾಗೂ ಬೃಂದಾ ಸಂಬಂಧದ ಬಗ್ಗೆ ಸಾರ್ವಜನಿಕವಾಗಿ ಹೇಳಿಕೊಂಡಿರಲೇ ಇಲ್ಲ. ಕೆಲವು ದಿನಗಳ ಹಿಂದೆಯಷ್ಟೇ ಆ್ಯಂಕರ್​ ಅನುಶ್ರೀ ಯುಟ್ಯೂಬ್​ ಚಾನೆಲ್​ನಲ್ಲಿ ಅನುಶ್ರೀ ವಾಸುಕಿ ವೈಭವ್​ ಮದುವೆ ಸುದ್ದಿ ಕೇಳಿದ ಸಂದರ್ಭದಲ್ಲಿ ಹಿರಿಯ ನಟಿ ತಾರಾ ಅನುರಾಧಾ ವಾಸುಕಿ ವೈಭವ್​ ಶೀಘ್ರದಲ್ಲಿಯೇ ವೈವಾಹಿಕ ಜೀವನಕ್ಕೆ ಕಾಲಿಡಲಿದ್ದಾರೆ ಎಂಬ ಸುದ್ದಿಯನ್ನು ರಿವೀಲ್​ ಮಾಡಿದ್ದರು.

ಇದನ್ನೂ ಓದಿ : ರಾಜಕೀಯಕ್ಕೆ ನಟಿ ರಾಧಿಕಾ ಕುಮಾರಸ್ವಾಮಿ ! ಬರ್ತಡೇ ದಿನವೇ ಬಿಗ್ ಅನೌನ್ಸ್ ಮೆಂಟ್ ?

ಇದಾದ ಬಳಿಕ ವಾಸುಕಿ ವೈಭವ್​ ಹಾಗೂ ಚಂದನಾ ಅನಂತ ಕೃಷ್ಣ ವಿವಾಹವಾಗುತ್ತಿದ್ದಾರೆ ಎಂಬ ಸುದ್ದಿ ಎಲ್ಲೆಡೆ ಹರಿದಾಡಿತ್ತು. ವಾಸುಕಿ ವೈಭವ್​ ಸ್ಯಾಂಡಲ್​ವುಡ್​ನ ಸಾಕಷ್ಟು ಸಿನಿಮಾಗಳಿಗೆ ಸಂಗೀತ ನಿರ್ದೇಶನ ಮಾಡಿದ್ದಾರೆ. ಇವುಗಳಲ್ಲಿ 2018ರಲ್ಲಿ ತೆರೆಕಂಡ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಾಸರಗೋಡು ಸಿನಿಮಾದ ಹಾಡುಗಳು ವಾಸುಕಿ ವೈಭವ್​ ಸಿನಿ ಕೆರಿಯರ್​ಗೆ ದೊಡ್ಡ ಮಟ್ಟದ ಬ್ರೇಕ್​ ನೀಡಿತ್ತು. ಇದಾದ ಬಳಿಕ ಮುಂದಿನ ನಿಲ್ದಾಣ, ಹರಿಕತೆ ಅಲ್ಲ ಗಿರಿಕತ, ತತ್ಸಮ ತದ್ಭವ ಹೀಗೆ ಸಾಲು ಸಾಲು ಸಿನಿಮಾದ ಹಾಡುಗಳಿಗೆ ವಾಸುಕಿ ವೈಭವ್​ ದನಿಯಾಗಿದ್ದಾರೆ.

ಇದನ್ನೂ ಓದಿ : ಅಬ್ಬಬ್ಬಾ… ಬಿಗ್​ಬಾಸ್​​ ಮನೆಯಲ್ಲೇ ಪ್ರೆಗ್ನೆನ್ಸಿ ಟೆಸ್ಟ್​ ಮಾಡಿಸಿಕೊಂಡ ಸ್ಪರ್ಧಿ

singer Vasuki Vaibhav who entered married life: Who is this girl ?