BPL TO APL : ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆ ರಾಜ್ಯಾದ್ಯಂತ ಅನರ್ಹ ಬಿಪಿಎಲ್ ಕಾರ್ಡ್ದಾರರನ್ನು ಗುರುತಿಸಿದೆ. ಈಗಾಗಲೇ ಅನರ್ಹ ಬಿಪಿಎಲ್ ಕಾರ್ಡುಗಳನ್ನು ಎಪಿಎಲ್ ಕಾರ್ಡುಗಳನ್ನಾಗಿ ಪರಿವರ್ತನೆ ಮಾಡುತ್ತಿದೆ. ಇದೀಗ ರಾಜ್ಯ ಸರಕಾರ ಬರೋಬ್ಬರಿ 14 ಲಕ್ಷ ಬಿಪಿಎಲ್ ಕಾರ್ಡುಗಳನ್ನು ಎಪಿಎಲ್ ಕಾರ್ಡ್ ಆಗಿ ಪರಿವರ್ತಿಸಿದೆ.
ಬಿಪಿಎಲ್ ಕಾರ್ಡುಗಳ ವಿಚಾರದಲ್ಲಿ ರಾಜ್ಯ ಸರಕಾರ ಕೆಲವೊಂದು ಮಾನದಂಡಗಳನ್ನು ಪ್ರಕಟಿಸಿತ್ತು. ಇದೇ ಮಾರ್ಗಸೂಚಿಯ ಅಡಿಯಲ್ಲಿ ಎಪಿಎಲ್ ಕಾರ್ಡುಗಳನ್ನು ಎಪಿಎಲ್ ಪರಿವರ್ತಿಸುತ್ತಿದೆ. ಒಂದೊಮ್ಮೆ ಎಪಿಎಲ್ ಕಾರ್ಡುಗಳಾಗಿ ಬದಲಾವಣೆ ಆದ್ರೆ, ಅವರು ಅನ್ನಭಾಗ್ಯ ಯೋಜನೆಯ ಅಡಿಯಲ್ಲಿ ಪಡಿತರ ಪಡೆಯುವ ಅವಕಾಶ ಕಳೆದುಕೊಳ್ಳಲಿದ್ದಾರೆ.
14 ಲಕ್ಷ ಬಿಪಿಎಲ್ ಕಾರ್ಡ್ ರದ್ದು..! ಎಪಿಎಲ್ ಆಗಿ ಪರಿವರ್ತನೆ
ಸರ್ಕಾರವು ಸುಮಾರು 13.87 ಲಕ್ಷದಿಂದ 15.12 ಲಕ್ಷ ಕಾರ್ಡ್ಗಳನ್ನು ಮರುಪರಿಶೀಲನೆಗೆ ಒಳಪಡಿಸಿದೆ. ಇಲ್ಲಿ ಮುಖ್ಯವಾಗಿ ಗಮನಿಸಬೇಕಾದ ಅಂಶವೆಂದರೆ, ಈ ಕಾರ್ಡ್ಗಳನ್ನು ಸಂಪೂರ್ಣವಾಗಿ ರದ್ದುಗೊಳಿಸುವ ಬದಲಿಗೆ ಎಪಿಎಲ್ (Non-Priority Household) ಕಾರ್ಡ್ಗಳಾಗಿ ಬದಲಾಯಿಸಲಾಗುತ್ತಿದೆ. ಇದರಿಂದಾಗಿ ಅವರು ಗುರುತಿನ ಚೀಟಿಯಾಗಿ ಕಾರ್ಡ್ ಬಳಸಬಹುದು, ಆದರೆ ಉಚಿತ ಪಡಿತರ ಸೌಲಭ್ಯ ಲಭ್ಯವಿರುವುದಿಲ್ಲ.
ಪರಿವರ್ತನೆಗೆ ಮಾನದಂಡಗಳೇನು?
ಕರ್ನಾಟಕ ಸರಕಾರ ಪ್ಯಾನ್ (PAN) ಮತ್ತು ಆಧಾರ್ ಡೇಟಾವನ್ನು ಬಿಪಿಎಲ್ ರದ್ದತಿಗೆ ಮುಂದಾಗಿದೆ. ಹಾಗಾದ್ರೆ ಬಿಪಿಎಲ್ ಕಾರ್ಡು ಹೊಂದಿರಲು ಬೇಕಾದ ಮಾನದಂಡಗಳು ಯಾವುವು ಅನ್ನೋ ಮಾಹಿತಿ ಇಲ್ಲಿದೆ.
- ಆದಾಯ ಮಿತಿ: ವಾರ್ಷಿಕ ಆದಾಯ ₹1.2 ಲಕ್ಷಕ್ಕಿಂತ ಹೆಚ್ಚಿರುವ ಕುಟುಂಬಗಳು.
- ತೆರಿಗೆ ಪಾವತಿದಾರರು: ಆದಾಯ ತೆರಿಗೆ (IT) ಅಥವಾ GST ಪಾವತಿಸುವವರು.
- ಸರ್ಕಾರಿ ಉದ್ಯೋಗ: ಕುಟುಂಬದ ಸದಸ್ಯರು ಸರ್ಕಾರಿ ಅಥವಾ ಅರೆ-ಸರ್ಕಾರಿ ಹುದ್ದೆಯಲ್ಲಿದ್ದರೆ.
- ಆಸ್ತಿ ಮತ್ತು ವಾಹನ: 7.5 ಎಕರೆಗಿಂತ ಹೆಚ್ಚು ಒಣ ಭೂಮಿ ಅಥವಾ ಸ್ವಂತ ಬಳಕೆಗಾಗಿ ನಾಲ್ಕು ಚಕ್ರದ ವಾಹನ ಹೊಂದಿರುವವರು (ವಾಣಿಜ್ಯ ವಾಹನಗಳನ್ನು ಹೊರತುಪಡಿಸಿ).
- ಬಳಕೆಯಾಗದ ಕಾರ್ಡ್: ಸತತ 6 ತಿಂಗಳುಗಳ ಕಾಲ ಪಡಿತರ ಪಡೆಯದ ಕಾರ್ಡ್ಗಳು.
ಇದನ್ನೂ ಓದಿ : HDFC Bank : ಎಚ್ಡಿಎಫ್ಸಿ ಬ್ಯಾಂಕ್ ಗ್ರಾಹಕರಿಗೆ ಬಂಪರ್ ಗಿಫ್ಟ್: ಈಗ ನಿಮ್ಮ ಸಾಲದ EMI ಹೊರೆ ಇಳಿಕೆ
ತಪ್ಪುಗಳಾಗಿದ್ದರೆ ಸರಿಪಡಿಸುವುದು ಹೇಗೆ? (ಏಪ್ರಿಲ್ 2026 ರ ಅಪ್ಡೇಟ್)
ಒಂದು ವೇಳೆ ಅರ್ಹ ಬಡ ಕುಟುಂಬದ ಕಾರ್ಡ್ ಆಕಸ್ಮಿಕವಾಗಿ ಎಪಿಎಲ್ಗೆ ಬದಲಾಗಿದ್ದರೆ, ಅದನ್ನು ಸರಿಪಡಿಸಲು ಸರ್ಕಾರ ಅವಕಾಶ ನೀಡಿದೆ:
- ಕಾಲಾವಕಾಶ: ಪರಿವರ್ತನೆಯಾದ ದಿನಾಂಕದಿಂದ 45 ದಿನಗಳೊಳಗೆ ಮೇಲ್ಮನವಿ ಸಲ್ಲಿಸಬೇಕು.
- ಸಂಪರ್ಕಿಸಿ: ಸ್ಥಳೀಯ ತಹಶೀಲ್ದಾರ್ ಕಚೇರಿ ಅಥವಾ ಆಹಾರ ನಿರೀಕ್ಷಕರನ್ನು (Food Inspector) ಭೇಟಿ ಮಾಡಿ.
- ದಾಖಲೆಗಳು: ನವೀಕರಿಸಿದ ಆದಾಯ ಪ್ರಮಾಣಪತ್ರ ಮತ್ತು ಅಗತ್ಯ ದಾಖಲೆಗಳೊಂದಿಗೆ ಮರುಪರಿಶೀಲನೆಗೆ ಅರ್ಜಿ ಸಲ್ಲಿಸಿ.
ಇದನ್ನೂ : PAN 2.0 : ಇನ್ಮುಂದೆ ಬದಲಾಗಲಿದೆ ನಿಮ್ಮ ಪಾನ್ ಕಾರ್ಡ್ ರೂಪ; ಏನಿದು ಕೇಂದ್ರದ ಹೊಸ ಯೋಜನೆ ?
- ವೈಶಿಷ್ಟ್ಯ ಬಿಪಿಎಲ್ ಕಾರ್ಡ್ (ಅರ್ಹ) ಪರಿವರ್ತಿತ ಎಪಿಎಲ್ ಕಾರ್ಡ್ (ಅರ್ಹ)
- ಅನ್ನ ಭತ್ಯೆ 10 ಕೆಜಿ ಉಚಿತ ಅಕ್ಕಿ (ಅನ್ನ ಭಾಗ್ಯ) ಉಚಿತ ಅಕ್ಕಿ/ಸಬ್ಸಿಡಿ ಧಾನ್ಯಗಳಿಲ್ಲ
- ಆರೋಗ್ಯ ಪ್ರಯೋಜನಗಳು ಆಯುಷ್ಮಾನ್ ಭಾರತ್ – ಆರೋಗ್ಯ ಕರ್ನಾಟಕ ಲಿಮಿಟೆಡ್ಗೆ ಪ್ರವೇಶ ಅಥವಾ ಉಚಿತ ಆರೋಗ್ಯ ಸೇವೆಗಳಿಲ್ಲ
- ಮುಖ್ಯ ಕಾರಣ ವಾರ್ಷಿಕ ಆದಾಯ < ₹ 1.2 ಲಕ್ಷ ಆದಾಯ > ₹ 1.2 ಲಕ್ಷ ಅಥವಾ ಐಟಿ ಪಾವತಿದಾರ
- ಕ್ರಮ ಅಗತ್ಯವಿಲ್ಲ ಯಾವುದೇ ತಪ್ಪು ಸಂಭವಿಸಿದಲ್ಲಿ ತಹಶೀಲ್ದಾರ್ ಕಚೇರಿಯಲ್ಲಿ ಮನವಿ
