80 ನೇ ಸ್ವಾತಂತ್ರ್ಯ ದಿನಾಚರಣೆ: 78 ಶೌರ್ಯ ಪ್ರಶಸ್ತಿಗಳಿಗೆ ರಾಷ್ಟ್ರಪತಿ ಮುರ್ಮು ಅಂಕಿತ, 13 ಯೋಧರಿಗೆ ಮರಣೋತ್ತರ ಗೌರವ

ಪ್ರಶಸ್ತಿಗಳ ವಿವರ

ಅನುಮೋದಿಸಲಾದ ಒಟ್ಟು 78 ಶೌರ್ಯ ಪ್ರಶಸ್ತಿಗಳ ವರ್ಗೀಕರಣ ಹೀಗಿದೆ:

• ಕೀರ್ತಿ ಚಕ್ರ: 09 (7 ಮರಣೋತ್ತರ ಸೇರಿದಂತೆ)

• ಶೌರ್ಯ ಚಕ್ರ: 19 (1 ಮರಣೋತ್ತರ ಸೇರಿದಂತೆ)

• ಬಾರ್ ಟು ಸೇನಾ ಮೆಡಲ್ (ಶೌರ್ಯ): 05

• ಸೇನಾ ಮೆಡಲ್ (ಶೌರ್ಯ): 36

ಕೀರ್ತಿ ಚಕ್ರ ಪುರಸ್ಕೃತರು

ಅಶೋಕ ಚಕ್ರದ ನಂತರ ಶಾಂತಿ ಸಮಯದ ಎರಡನೇ ಅತ್ಯುನ್ನತ ಶೌರ್ಯ ಪ್ರಶಸ್ತಿಯಾದ 'ಕೀರ್ತಿ ಚಕ್ರ'ವನ್ನು 21 ಪ್ಯಾರಾ (ಸ್ಪೆಷಲ್ ಫೋರ್ಸಸ್) ನ ಲೆಫ್ಟಿನೆಂಟ್ ಕರ್ನಲ್ ಮನೋಜ್ ಫ್ರಾನ್ಸಿಸ್ ಮತ್ತು 2 ಪ್ಯಾರಾ (ಸ್ಪೆಷಲ್ ಫೋರ್ಸಸ್) ನ ಮೇಜರ್ ಜಿತೇಂದ್ರ ರಾಠಿ ಅವರಿಗೆ ಘೋಷಿಸಲಾಗಿದೆ.

ಉಳಿದ 7 ಕೀರ್ತಿ ಚಕ್ರಗಳನ್ನು ಮರಣೋತ್ತರವಾಗಿ ನೀಡಲಾಗಿದ್ದು, ಹವಿಲ್ದಾರ್ ಗಜೇಂದ್ರ ಸಿಂಗ್, ಹೆಡ್ ಕಾನ್‌ಸ್ಟೇಬಲ್‌ಗಳಾದ ಜಗ್ಬೀರ್ ಸಿಂಗ್ ಮತ್ತು ಬಶೀರ್ ಅಹಮದ್, ಕಾನ್‌ಸ್ಟೇಬಲ್‌ಗಳಾದ ಜಸ್ವಂತ್ ಸಿಂಗ್, ಬಲ್ವಿಂದರ್ ಸಿಂಗ್, ತಾರಿಕ್ ಹುಸೇನ್ ಹಾಗೂ ಇನ್ಸ್ಪೆಕ್ಟರ್ ಸುನಿಲ್ ಕುಮಾರ್ ಈ ಗೌರವಕ್ಕೆ ಪಾತ್ರರಾಗಿದ್ದಾರೆ.

ಶೌರ್ಯ ಚಕ್ರ ಪುರಸ್ಕೃತರು

ಶಾಂತಿ ಸಮಯದ ಮೂರನೇ ಅತ್ಯುನ್ನತ ಪ್ರಶಸ್ತಿಯಾದ 'ಶೌರ್ಯ ಚಕ್ರ'ವನ್ನು 19 ಯೋಧರಿಗೆ ಪ್ರಕಟಿಸಲಾಗಿದೆ. ಭೂಸೇನೆಯ ವಿವಿಧ ವಿಭಾಗಗಳ ಅಧಿಕಾರಿಗಳು ಮತ್ತು ಯೋಧರ ಹೊರತಾಗಿ, ಭಾರತೀಯ ನೌಕಾಪಡೆಯ ಲೆಫ್ಟಿನೆಂಟ್ ಕಮಾಂಡರ್ ಶಿವಂ ಕುಮಾರ್ ಹಾಗೂ ಭಾರತೀಯ ವಾಯುಪಡೆಯ ಸ್ಕ್ವಾಡ್ರನ್ ಲೀಡರ್ ಸುಧೀರ್ ಕುಮಾರ್ ಅವರು ಈ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. 9 ರಾಷ್ಟ್ರೀಯ ರೈಫಲ್ಸ್‌ನ ಲ್ಯಾನ್ಸ್ ನಾಯಕ್ ನರೇಂದರ್ ಸಿಂಧು ಅವರಿಗೆ ಮರಣೋತ್ತರವಾಗಿ ಶೌರ್ಯ ಚಕ್ರ ಘೋಷಿಸಲಾಗಿದೆ.