ಮುಖದ ಅಂದ ಹೆಚ್ಚಿಸಲು ಸೌತೆಕಾಯಿ ಬಹಳ ಪ್ರಯೋಜನಕಾರಿ. ಚರ್ಮವನ್ನು ಸದಾ ಹೈಡ್ರೇಟ್ ಮಾಡಿ, ಟ್ಯಾನಿಂಗ್ ಮತ್ತು ಕಲೆಗಳು ದೂರಮಾಡಲು ಸೌತೆಕಾಯಿಯ ಈ ಫೇಸ್ ಪ್ಯಾಕ್ ಬಳಸಿ.
By archana
1/5Photo 1/5
ನಿಮ್ಮ ಚರ್ಮ ಒಣಗಿ ನಿರ್ಜೀವವಾಗಿದ್ದರೆ ಅದನ್ನು ಹೈಡ್ರೇಟ್ ಮಾಡಲು ಈ ಫೇಸ್ಪ್ಯಾಕ್ ಸೂಕ್ತವಾಗಿದೆ. 2 ಚಮಚ ಸೌತೆಕಾಯಿ ರಸಕ್ಕೆ 1 ಚಮಚ ತಾಜಾ ಅಲೋವೆರಾ ಜೆಲ್ ಬೆರೆಸಿ ಪೇಸ್ಟ್ ತಯಾರಿಸಿ. ಅದನ್ನು ನಿಮ್ಮ ಮುಖ ಮತ್ತು ಕುತ್ತಿಗೆ ಭಾಗಕ್ಕೆ ಹಚ್ಚಿ. ಸುಮಾರು 15–20 ನಿಮಿಷ ಬಿಡಿ. ನಂತರ ತಣ್ಣೀರಿನಿಂದ ಮುಖ ತೊಳೆಯಿರಿ. ಇದು ಚರ್ಮವನ್ನು ಆಳವಾಗಿ ಹೈಡ್ರೇಟ್ ಮಾಡಿ, ಹೊಸ ಕಾಂತಿ ನೀಡುತ್ತದೆ.
2/5Photo 2/5
ಮೊಸರಿನಲ್ಲಿರುವ ಲ್ಯಾಕ್ಟಿಕ್ ಆಮ್ಲ ಸತ್ತ ಚರ್ಮದ ಕೋಶಗಳನ್ನು ತೆಗೆದುಹಾಕುತ್ತದೆ. 2 ಚಮಚ ಸೌತೆಕಾಯಿ ರಸಕ್ಕೆ 1 ಚಮಚ ತಾಜಾ ಮೊಸರು ಸೇರಿಸಿ ಪೇಸ್ಟ್ ತಯಾರಿಸಿ. ಇದನ್ನು ಮುಖಕ್ಕೆ ಹಚ್ಚಿ, 15 ನಿಮಿಷಗಳ ಕಾಲ ಬಿಡಿ. ನಂತರ ನೀರಿನಿಂದ ತೊಳೆಯಿರಿ. ಇದು ತೆರೆದ ರಂಧ್ರಗಳನ್ನು ಬಿಗಿಗೊಳಿಸುತ್ತದೆ. ಮೊಡವೆಗಳಿಂದ ಪರಿಹಾರ ನೀಡುತ್ತದೆ.
3/5Photo 3/5
ಕಡಲೆಹಿಟ್ಟು ಚರ್ಮವನ್ನು ಶುದ್ದ ಮಾಡಿದರೆ, ಅರಿಶಿಣ ಬ್ಯಾಕ್ಟೀರಿಯಾಗಳ ವಿರುದ್ಧ ಹೋರಾಡುತ್ತದೆ. 2 ಚಮಚ ಸೌತೆಕಾಯಿ ರಸಕ್ಕೆ 1 ಚಮಚ ಕಡಲೆ ಹಿಟ್ಟು ಮತ್ತು ಚಿಟಿಕೆ ಅರಿಶಿಣ ಸೇರಿಸಿ ಪೇಸ್ಟ್ ತಯಾರಿಸಿ. ಇದನ್ನು ಮುಖಕ್ಕೆ ಹಚ್ಚಿ, ಸ್ವಲ್ಪ ಸಮಯದ ನಂತರ ನಿಧಾನವಾಗಿ ಸ್ಕ್ರಬ್ ಮಾಡಿ. ನಂತರ ನೀರಿನಿಂದ ತೊಳೆಯಿರಿ. ಚರ್ಮಕ್ಕೆ ಹೊಳಪು ನೀಡುವುದರ ಜೊತೆಗೆ ಕಲೆಗಳನ್ನು ನಿವಾರಿಸುತ್ತದೆ.
4/5Photo 4/5
ಜೇನುತುಪ್ಪ ನೈಸರ್ಗಿಕ ಮಾಯಿಶ್ಚರೈಸರ್ ಮತ್ತು ಆಂಟಿಒಕ್ಸಿಡೆಂಟ್ ಗುಣಗಳನ್ನು ಹೊಂದಿದೆ. ಇದು ಚರ್ಮವನ್ನು ಬಿಗಿಗೊಳಿಸಿ ಹೊಳಪು ನೀಡಲು ಸಹಾಯ ಮಾಡುತ್ತದೆ. 2 ಚಮಚ ಸೌತೆಕಾಯಿ ರಸಕ್ಕೆ 1 ಚಮಚ ಶುದ್ಧ ಜೇನುತುಪ್ಪ ಬೆರೆಸಿ ಪೇಸ್ಟ್ ತಯಾರಿಸಿಕೊಳ್ಳಿ. ಇದನ್ನು ಮುಖಕ್ಕೆ ಹಚ್ಚಿ 15–20 ನಿಮಿಷಗಳ ಕಾಲ ಬಿಡಿ. ನಂತರ ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯಿರಿ. ಇದು ಚರ್ಮದ ಸುಕ್ಕುಗಳನ್ನು ಕಡಿಮೆ ಮಾಡುತ್ತದೆ.
5/5Photo 5/5
ನಿಂಬೆ ಹಣ್ಣಿನಲ್ಲಿ ವಿಟಮಿನ್ ಸಿ ಅಧಿಕವಾಗಿದ್ದು, ಇದು ನೈಸರ್ಗಿಕ ಬ್ಲೀಚಿಂಗ್ ಏಜೆಂಟ್ ಆಗಿ ಕಾರ್ಯನಿರ್ವಹಿಸುತ್ತದೆ. 2 ಚಮಚ ಸೌತೆಕಾಯಿ ರಸಕ್ಕೆ ಅರ್ಧ ಚಮಚ ನಿಂಬೆ ರಸ ಸೇರಿಸಿ. ಅದನ್ನು ಹತ್ತಿಯ ಉಂಡೆಯಿಂದ ನಿಮ್ಮ ಮುಖಕ್ಕೆ ಹಚ್ಚಿ. ಸುಮಾರು 15–20 ನಿಮಿಷ ಬಿಡಿ. ನಂತರ ನೀರಿನಿಂದ ತೊಳೆಯಿರಿ. ಕಪ್ಪು ಕಲೆಗಳು ದೂರವಾಗಿ, ಚರ್ಮದ ಹೊಳಪು ಹೆಚ್ಚುತ್ತದೆ.