ಚಂಡೀಗಢ: ಭಾರತ ಹಾಗೂ ಅಫ್ಘಾನಿಸ್ತಾನ (ind vs afg test )ವಿರುದ್ಧದ ಏಕೈಕ ಟೆಸ್ಟ್ ಪಂದ್ಯ ಇಂದಿನಿಂದ ಆರಂಭಗೊಳ್ಳಲಿದೆ. ಶುಭ್ಮನ್ ಗಿಲ್ ಸಾರಥ್ಯದಲ್ಲಿ ತಂಡ ಕಣಕ್ಕೆ ಇಳಿಯುತ್ತಿದೆ. ರೋಹಿತ್ ಶರ್ಮಾ ಹಾಗೂ ವಿರಾಟ್ ಕೊಹ್ಲಿ ಅನುಪಸ್ಥಿತಿಯಲ್ಲಿ ಯುವಪಡೆ ಸೆಣೆಸಾಡಲಿದೆ. ಭಾರತ ಬಲಿಷ್ಠ ತಂಡವನ್ನೇ ಕಣಕ್ಕೆ ಇಳಿಸುತ್ತಿದೆ.
ಯುವ ಟೀಮ್ ಇಂಡಿಯಾದಲ್ಲಿ ಈ ಬಾರಿ ಕರ್ನಾಟಕದ ಆಟಗಾರರದ್ದೇ ದರ್ಬಾರ್. ಉಪನಾಯಕರಾಗಿ ಕೆ.ಎಲ್. ರಾಹುಲ್, ಭರವಸೆಯ ಆಟಗಾರ ದೇವದತ್ ಪಡಿಕ್ಕಲ್, ವೇಗಿ ಪ್ರಸಿದ್ಧ್ ಕೃಷ್ಣ ಕನ್ನಡಿಗರು ಸ್ಥಾನ ಪಡೆದಿರುವುದು ವಿಶೇಷ. ಇನ್ನು ವಿಕೆಟ್ ಕೀಪಿಂಗ್ ಜವಾಬ್ದಾರಿಯನ್ನು ರಿಷಭ್ ಪಂತ್ ಮತ್ತು ಧ್ರುವ್ ಜುರೆಲ್ ಹೊರಲಿದ್ದಾರೆ.
ಮತ್ತೊಂದೆಡೆ ಹಶ್ಮತುಲ್ಲಾ ಶಾಹಿದಿ ನಾಯಕತ್ವದ ಅಫ್ಘಾನಿಸ್ತಾನ ತಂಡವು ಸ್ಟಾರ್ ಸ್ಪಿನ್ನರ್ ರಶೀದ್ ಖಾನ್ ಅಲಭ್ಯತೆಯ ನಡುವೆಯೂ ರಹಮಾನುಲ್ಲಾ ಗುರ್ಬಾಜ್ ಹಾಗೂ ಅಜ್ಮತುಲ್ಲಾ ಒಮರ್ಜಾಯ್ ಅವರಂತಹ ಬಲಿಷ್ಠ ಆಟಗಾರರೊಂದಿಗೆ ಭಾರತಕ್ಕೆ ಟಕ್ಕರ್ ನೀಡಲು ಸಜ್ಜಾಗಿದೆ.
ಭಾರತ ತಂಡದ ಪೂರ್ಣ ವಿವರ (India Squad):
ಯುವ ಹಾಗೂ ಅನುಭವಿ ಆಟಗಾರರ ಸಮತೋಲನ ಹೊಂದಿರುವ ಟೀಮ್ ಇಂಡಿಯಾ ಬಲಿಷ್ಠವಾಗಿ ಕಾಣಿಸುತ್ತಿದೆ.
- ಬ್ಯಾಟರ್ಗಳು: ಶುಭ್ಮನ್ ಗಿಲ್ (ನಾಯಕ), ಯಶಸ್ವಿ ಜೈಸ್ವಾಲ್, ಕೆ.ಎಲ್. ರಾಹುಲ್ (ಉಪನಾಯಕ), ಸಾಯಿ ಸುದರ್ಶನ್, ದೇವದತ್ ಪಡಿಕ್ಕಲ್.
- ವಿಕೆಟ್ ಕೀಪರ್ಗಳು: ರಿಷಭ್ ಪಂತ್, ಧ್ರುವ್ ಜುರೆಲ್.
- ಆಲ್ರೌಂಡರ್ಗಳು: ನಿತೀಶ್ ಕುಮಾರ್ ರೆಡ್ಡಿ, ವಾಷಿಂಗ್ಟನ್ ಸುಂದರ್.
- ಸ್ಪಿನ್ನರ್ಗಳು: ಕುಲದೀಪ್ ಯಾದವ್, ಮಾನವ್ ಸುತಾರ್, ಹರ್ಷ್ ದುಬೆ.
- ವೇಗದ ಬೌಲರ್ಗಳು: ಮೊಹಮ್ಮದ್ ಸಿರಾಜ್, ಪ್ರಸಿದ್ಧ್ ಕೃಷ್ಣ, ಗುರ್ನೂರ್ ಬ್ರಾರ್.
Also Read : ಐಪಿಎಲ್ ಬೆನ್ನಲ್ಲೇ ಟೆಸ್ಟ್ ಪಂದ್ಯಕ್ಕೆ ಸಜ್ಜಾದ ಟೀಂ ಇಂಡಿಯಾ : ಕೆಎಲ್ ರಾಹುಲ್ ಜೊತೆ ಪ್ಲೇಯಿಂಗ್ XI ಇಲ್ಲಿದೆ
ಅಫ್ಘಾನಿಸ್ತಾನ ತಂಡದ ಪೂರ್ಣ ವಿವರ (Afghanistan Squad):
ರಶೀದ್ ಖಾನ್ ಗೈರಿನಲ್ಲಿ ಅಫ್ಘಾನಿಸ್ತಾನ ತಂಡವು ತನ್ನ ಸ್ಪಿನ್ ಹಾಗೂ ಬ್ಯಾಟಿಂಗ್ ವಿಭಾಗವನ್ನು ನೆಚ್ಚಿಕೊಂಡಿದೆ.
- ಬ್ಯಾಟರ್ಗಳು: ಹಶ್ಮತುಲ್ಲಾ ಶಾಹಿದಿ (ನಾಯಕ), ಅಬ್ದುಲ್ ಮಲಿಕ್, ರಹಮತ್ ಶಾ, ಸಿದ್ದೀಕುಲ್ಲಾ ಅಟಲ್, ರಹಮಾನುಲ್ಲಾ.
- ವಿಕೆಟ್ ಕೀಪರ್ಗಳು: ರಹಮಾನುಲ್ಲಾ ಗುರ್ಬಾಜ್, ಅಫ್ಸರ್ ಜಜಾಯ್, ಇಕ್ರಾಮ್ ಅಲಿಖೇಲ್.
- ಆಲ್ರೌಂಡರ್ಗಳು: ಅಜ್ಮತುಲ್ಲಾ ಒಮರ್ಜಾಯ್, ಶರಾಫುದ್ದೀನ್ ಅಶ್ರಫ್.
- ಬೌಲರ್ಗಳು: ಖೈಸ್ ಅಹ್ಮದ್, ನಂಗೇಯಾಲಿಯಾ ಖರೋಟೆ, ಜಿಯಾವುರ್ ರೆಹಮಾನ್ ಶರೀಫಿ, ಬಿಲಾಲ್ ಸಾಮಿ, ಮೊಹಮ್ಮದ್ ಸಲೀಮ್ ಸಫಿ.
Also Read : ಮಹಾರಾಜ ಟ್ರೋಫಿ 2026 : ಕೆಎಲ್ ರಾಹುಲ್ ಅನ್ಸೋಲ್ಡ್ : ಯಾವ ಆಟಗಾರ, ಯಾವ ತಂಡಕ್ಕೆ
ಭಾರತ ಮತ್ತು ಅಫ್ಘಾನಿಸ್ತಾನ ನಡುವಿನ ಈ ರೋಚಕ ಟೆಸ್ಟ್ ಸಮರವು ಜೂನ್ 6 ರಿಂದ 10 ರವರೆಗೆ ಪ್ರತಿದಿನ ಬೆಳಗ್ಗೆ 9:30 ಕ್ಕೆ ನೇರಪ್ರಸಾರವಾಗಲಿದೆ.
ind vs afg test squad 2026 Karnataka players
