ಫ್ರಿಡ್ಜ್‌ನಲ್ಲಿ ಟೊಮ್ಯಾಟೋ ಇಡಬಾರದು ಏಕೆ.. ಅಡುಗೆಮನೆಯ ಈ ಸಣ್ಣ ರಹಸ್ಯ ನಿಮಗೊತ್ತಾ

ಟೊಮ್ಯಾಟೋ ಪ್ರತಿಯೊಬ್ಬರ ಅಡುಗೆಮನೆಯಲ್ಲಿಯೂ ಇರಲೇಬೇಕಾದ ಪ್ರಮುಖ ತರಕಾರಿ. ಆದರೆ ಅನೇಕರು ಟೊಮ್ಯಾಟೋ ತಂದ ತಕ್ಷಣ ಅದನ್ನು ಫ್ರಿಡ್ಜ್‌ನಲ್ಲಿಡುವ ತಪ್ಪು ಮಾಡುತ್ತಾರೆ. ಹೀಗೆ ಮಾಡುವುದು ಟೊಮ್ಯಾಟೋದ ರುಚಿ ಮತ್ತು ಗುಣಮಟ್ಟದ ಮೇಲೆ ಕೆಟ್ಟ ಪ್ರಭಾವ ಬೀರುತ್ತದೆ. 

ಟೊಮ್ಯಾಟೋ ತಂದ ತಕ್ಷಣ ಫ್ರಿಡ್ಜ್‌ನಲ್ಲಿಡಬಾರದು ಏಕೆ?

ಅತಿಯಾದ ತಣ್ಣನೆಯ ವಾತಾವರಣವು ಟೊಮ್ಯಾಟೋದಲ್ಲಿರುವ ಎಂಜೈಮ್‌ಗಳನ್ನು ನಿಷ್ಕ್ರಿಯಗೊಳಿಸುತ್ತದೆ. ಇದರಿಂದ ಟೊಮ್ಯಾಟೋದ ನೈಸರ್ಗಿಕ ರುಚಿ ಮತ್ತು ಸುವಾಸನೆ ಸಂಪೂರ್ಣವಾಗಿ ಹೊರಟುಹೋಗುತ್ತದೆ. ಗಾಳಿಯಿಂದಾಗಿ ಟೊಮ್ಯಾಟೋದ ಒಳಗಿನ ಕೋಶಗಳ ಪೊರೆಗಳು ಒಡೆದು, ಅದು ಹಿಟ್ಟಿನಂತೆ (Mealy/Mashi) ಮೆತ್ತಗಾಗುತ್ತದೆ ಹಾಗೂ ರಸಭರಿತತೆಯನ್ನು ಕಳೆದುಕೊಳ್ಳುತ್ತದೆ. ಹಸಿರು ಅಥವಾ ಅರೆಪಕ್ವವಾಗಿರುವ ಟೊಮ್ಯಾಟೋಗಳನ್ನು ಫ್ರಿಡ್ಜ್‌ನಲ್ಲಿಟ್ಟರೆ ಅವುಗಳ ಹಣ್ಣಾಗುವ ಪ್ರಕ್ರಿಯೆ ನಿಂತುಹೋಗುತ್ತದೆ.

ಟೊಮ್ಯಾಟೋ ತಾಜಾವಾಗಿರಲು ಸರಳ ಸಲಹೆಗಳನ್ನು ಪಾಲಿಸಿ:

ಸಾಮಾನ್ಯ ತಾಪಮಾನದಲ್ಲಿಡಿ (Room Temperature): ಟೊಮ್ಯಾಟೋಗಳನ್ನು ತಂದ ತಕ್ಷಣ ಬಿಸಿಲು ಬೀಳದ, ಗಾಳಿಯಾಡುವ ಕೋಣೆಯ ಉಷ್ಣಾಂಶದಲ್ಲಿ ಪ್ಲಾಸ್ಟಿಕ್ ಕವರ್‌ನಿಂದ ಹೊರತೆಗೆದು ತೆರೆದಿಡಿ.

ತೊಟ್ಟಿನ ಭಾಗ ಕೆಳಗಿರಲಿ (Stem-Side Down): ಟೊಮ್ಯಾಟೋದ ತೊಟ್ಟು (Stem) ಇರುವ ಭಾಗವನ್ನು ಕೆಳಮುಖವಾಗಿ ಪ್ಲೇಟ್ ಅಥವಾ ಪೇಪರ್ ಮೇಲೆ ಇಡಿ. ಇದರಿಂದ ಗಾಳಿ ಮತ್ತು ತೇವಾಂಶ ಒಳಹೋಗುವುದು ತಡೆಗಟ್ಟಿ, ಟೊಮ್ಯಾಟೋ ಬೇಗ ಹಾಳಾಗುವುದು ತಪ್ಪುತ್ತದೆ.

 ಕಾಂಡದ ಭಾಗಕ್ಕೆ ಟೇಪ್ ಹಾಕಿ: ತೊಟ್ಟಿನ ಭಾಗಕ್ಕೆ ಸಣ್ಣ ಸೆಲೋಟೇಪ್ (Cellotape) ಅಂಟಿಸುವುದರಿಂದ ತೇವಾಂಶ ಆವಿಯಾಗದೆ ಟೊಮ್ಯಾಟೋ ಸುಲಭವಾಗಿ 10-15 ದಿನ ತಾಜಾವಾಗಿರುತ್ತದೆ.

 ಒಂದಕ್ಕೊಂದು ಒತ್ತಿ ಇಡಬೇಡಿ: ಬುಟ್ಟಿಯಲ್ಲಿ ಟೊಮ್ಯಾಟೋಗಳನ್ನು ಒಂದರ ಮೇಲೊಂದು ಜೋಡಿಸಿಡದೆ, ಅಗಲವಾಗಿ ಹರಡಿ ಇಡುವುದರಿಂದ ಕ್ರಿಮಿ/ಸೋಂಕು ಹರಡುವುದು ತಪ್ಪುತ್ತದೆ.

ಚನ್ನಾಗಿ ಹಣ್ಣಾದ ನಂತರವಷ್ಟೇ ಫ್ರಿಡ್ಜ್ ಬಳಸಿ: ಟೊಮ್ಯಾಟೋ ಪೂರ್ಣವಾಗಿ ಹಣ್ಣಾದ ಮೇಲೆಯೂ ತಕ್ಷಣ ಬಳಸದಿದ್ದರೆ ಮಾತ್ರ ಫ್ರಿಡ್ಜ್‌ನಲ್ಲಿಡಬಹುದು. ಆದರೆ ಅಡುಗೆಗೆ ಬಳಸುವ 30 ನಿಮಿಷಕ್ಕೂ ಮುನ್ನ ಹೊರತೆಗೆದಿಟ್ಟು ನಂತರ ಬಳಸಿ.