Maha Shivaratri 2026 dates: ಹಿಂದೂ ಧರ್ಮದಲ್ಲಿ ಅತ್ಯಂತ ಪವಿತ್ರ ಹಾಗೂ ಶಕ್ತಿಶಾಲಿ ರಾತ್ರಿ ಎನ್ನಲಾಗುವ ಮಹಾಶಿವರಾತ್ರಿ ಹಬ್ಬವನ್ನು 2026ರಲ್ಲಿ ಯಾವಾಗ ಆಚರಿಸಬೇಕು ಎಂಬ ಗೊಂದಲಕ್ಕೆ ಈಗ ತೆರೆ ಬಿದ್ದಿದೆ. ಮಾಘ ಮಾಸದ ಕೃಷ್ಣ ಪಕ್ಷದ ಚತುರ್ದಶಿಯಂದು ಆಚರಿಸಲಾಗುವ ಈ ಹಬ್ಬವು ಈ ಬಾರಿ ಫೆಬ್ರವರಿ 15 2026 ಭಾನುವಾರ ರಂದು ಬರಲಿದೆ.
ದಿನಾಂಕ ಮತ್ತು ಸಮಯದ ವಿವರ
ಮಹಾಶಿವರಾತ್ರಿಯು ಪ್ರಮುಖವಾಗಿ ರಾತ್ರಿಯ ಪೂಜೆಗೆ ಪ್ರಾಶಸ್ತ ನೀಡುವ ಹಬ್ಬವಾಗಿದೆ. ಪಂಚಾಂಗದ ಪ್ರಕಾರ ಚತುರ್ದಶಿ ತಿಥಿಯ ವಿವರ ಹೀಗಿದೆ:
- ಚತುರ್ದಶಿ ತಿಥಿ ಆರಂಭ: ಫೆಬ್ರವರಿ 15 ಸಂಜೆ 05:04ಕ್ಕೆ.
- ಚತುರ್ದಶಿ ತಿಥಿ ಅಂತ್ಯ: ಫೆಬ್ರವರಿ 16 ಸಂಜೆ 05:34ಕ್ಕೆ.
ಲಿಂಗೋದ್ಭವ ಕಾಲ ಅಥವಾ ನಿಶಿತ ಕಾಲದ ಪೂಜೆಯು ಫೆಬ್ರವರಿ 15ರ ಮಧ್ಯರಾತ್ರಿ ಬರುವುದರಿಂದ ಫೆಬ್ರವರಿ 15 ರಂದೇ ಮಹಾಶಿವರಾತ್ರಿ ಹಬ್ಬವನ್ನು ಆಚರಿಸುವುದು ಶಾಸ್ತ್ರೋಕ್ತವಾಗಿದೆ. ಭಕ್ತರು ಫೆಬ್ರವರಿ 16ರಂದು ಉಪವಾಸದ ಪಾರಣೆಯನ್ನು ಮಾಡಬಹುದು.
19 ವರ್ಷಗಳ ನಂತರ ಫೆಬ್ರವರಿ 15ರಂದು ಅಪರೂಪದ ‘ಲಕ್ಷ್ಮಿ ನಾರಾಯಣ ಯೋಗ’
ನಾಲ್ಕು ಪ್ರಹರಗಳ ಪೂಜಾ ಸಮಯ
ಶಿವರಾತ್ರಿಯಂದು ರಾತ್ರಿಯ ನಾಲ್ಕು ಪ್ರಹರಗಳಲ್ಲಿ ಶಿವನಿಗೆ ಅಭಿಷೇಕ ಮಾಡುವುದು ವಾಡಿಕೆ. ಅದರ ಸಮಯಗಳು ಹೀಗಿವೆ:
- ಮೊದಲ ಪ್ರಹರ: ಫೆಬ್ರವರಿ 15 ಸಂಜೆ 06:11 ರಿಂದ ರಾತ್ರಿ 09:23 ರವರೆಗೆ.
- ಎರಡನೇ ಪ್ರಹರ: ಫೆಬ್ರವರಿ 15 ರಾತ್ರಿ 09:23 ರಿಂದ ಮಧ್ಯರಾತ್ರಿ 12:35 ರವರೆಗೆ.
- ಮೂರನೇ ಪ್ರಹರ: ಫೆಬ್ರವರಿ 16 ಮಧ್ಯರಾತ್ರಿ 12:35 ರಿಂದ ಮುಂಜಾನೆ 03:47 ರವರೆಗೆ.
- ನಾಲ್ಕನೇ ಪ್ರಹರ: ಫೆಬ್ರವರಿ 16 ಮುಂಜಾನೆ 03:47 ರಿಂದ ಬೆಳಗ್ಗೆ 06:59 ರವರೆಗೆ.
- ನಿಶಿತ ಕಾಲ ಪೂಜೆ ಮಧ್ಯರಾತ್ರಿ: ಫೆಬ್ರವರಿ 16 ಮುಂಜಾನೆ 12:09 ರಿಂದ 01:01 ರವರೆಗೆ.
ಹಬ್ಬದ ಮಹತ್ವ
ಮಹಾಶಿವರಾತ್ರಿಯು ಶಿವ ಮತ್ತು ಪಾರ್ವತಿಯ ವಿವಾಹ ಮಹೋತ್ಸವದ ದಿನವೆಂದು ಆಚರಿಸಲಾಗುತ್ತದೆ. ಶಿವನನ್ನು ಭೋಲೇನಾಥ ಎಂದು ಕರೆಯಲಾಗುತ್ತದೆ ಏಕೆಂದರೆ ಭಕ್ತರು ಕೇವಲ ಒಂದು ಬಿಲ್ವಪತ್ರೆಯನ್ನು ಅರ್ಪಿಸಿದರೂ ಆತ ಪ್ರಸನ್ನನಾಗುತ್ತಾನೆ ಎಂಬ ನಂಬಿಕೆಯಿದೆ. ಈ ಪವಿತ್ರ ರಾತ್ರಿಯಂದು ಜಾಗರಣೆ ಮಾಡಿ ಓಂ ನಮಃ ಶಿವಾಯ ಮಂತ್ರವನ್ನು ಪಠಿಸುವುದರಿಂದ ಆಧ್ಯಾತ್ಮಿಕ ಉನ್ನತಿ ಮತ್ತು ಇಷ್ಟಾರ್ಥ ಸಿದ್ಧಿಯಾಗುತ್ತದೆ ಎಂಬುದು ಭಕ್ತರ ಗಾಢ ವಿಶ್ವಾಸ.
