“ಭಾರತೀಯರ ಹೃದಯ ಒಡೆಯುವುದೇ ನಮ್ಮ ಗುರಿ” ನ್ಯೂಜಿಲ್ಯಾಂಡ್‌ ಕ್ಯಾಪ್ಟ್‌ನ್‌ ಹೇಳಿಕೆ ಸೂರ್ಯ ಖಡಕ್ ತಿರುಗೇಟು

T20 World Cup final India vs New Zealand | Suryakumar Yadav | Mitchell Santner: ಅಹಮದಾಬಾದ್: ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ಟಿ20 ವಿಶ್ವಕಪ್ 2026ರ ಮಹತ್ವದ ಫೈನಲ್ ಪಂದ್ಯಕ್ಕೆ ಕ್ಷಣಗಣನೆ ಆರಂಭವಾಗಿದೆ. ಪಂದ್ಯಕ್ಕೂ ಮುನ್ನ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಉಭಯ ತಂಡಗಳ ನಾಯಕರು ನಡೆಸಿದ ಮಾತುಕತೆ ಇದೀಗ ಭಾರಿ ಕುತೂಹಲ ಕೆರಳಿಸಿದೆ.

ನ್ಯೂಜಿಲೆಂಡ್ ನಾಯಕ ಮಿಚೆಲ್ ಸ್ಯಾಂಟ್ನರ್ ಅವರು 2023ರ ಏಕದಿನ ವಿಶ್ವಕಪ್ ಫೈನಲ್‌ನಲ್ಲಿ ಪ್ಯಾಟ್ ಕಮಿನ್ಸ್ ನೀಡಿದ್ದ ಹೇಳಿಕೆಯನ್ನು ನೆನಪಿಸಿದ್ದಾರೆ. “ನಾಳೆ ಮೈದಾನದಲ್ಲಿ ಭಾರತೀಯ ಪ್ರೇಕ್ಷಕರನ್ನು ಮೌನವಾಗಿಸುವುದೇ ನಮ್ಮ ಗುರಿ. ಟ್ರೋಫಿ ಗೆಲ್ಲಲು ಕೆಲವರ ಹೃದಯ ಒಡೆಯಬೇಕಾದರೂ ನಾವು ಅದಕ್ಕೆ ಸಿದ್ಧ,” ಎಂದು ಹೇಳುವ ಮೂಲಕ ಭಾರತೀಯ ಅಭಿಮಾನಿಗಳಿಗೆ ಪರೋಕ್ಷವಾಗಿ ಸವಾಲು ಹಾಕಿದ್ದಾರೆ.

ಸೂರ್ಯಕುಮಾರ್ ಯಾದವ್ ಅವರ ಖಡಕ್ ಪ್ರತಿಕ್ರಿಯೆ:

ಸ್ಯಾಂಟ್ನರ್ ಅವರ ಈ “ಹೃದಯ ಒಡೆಯುವ” ಕಾಮೆಂಟ್‌ಗೆ ಭಾರತದ ನಾಯಕ ಸೂರ್ಯಕುಮಾರ್ ಯಾದವ್ ತಮ್ಮದೇ ಶೈಲಿಯಲ್ಲಿ ಉತ್ತರಿಸಿದ್ದಾರೆ:

• “ಏನಾದರೂ ಹೊಸದಾಗಿ ಹೇಳಿ”: “ಎಲ್ಲರೂ ಅದೇ ಹಳೆಯ ಡೈಲಾಗ್ ಹೊಡೆಯುತ್ತಿದ್ದಾರೆ (ಪ್ಯಾಟ್ ಕಮಿನ್ಸ್ ಹೇಳಿಕೆಯನ್ನು ಉಲ್ಲೇಖಿಸಿ). ಏನಾದರೂ ಹೊಸದಾಗಿ ಹೇಳಿ. ನಮ್ಮ ತಂಡದ ವಾತಾವರಣ ತುಂಬಾ ಹಗುರವಾಗಿದೆ ಮತ್ತು ನಾವೆಲ್ಲರೂ ಪಂದ್ಯಕ್ಕಾಗಿ ಉತ್ಸುಕರಾಗಿದ್ದೇವೆ,” ಎಂದು ಸೂರ್ಯಕುಮಾರ್ ಸ್ಯಾಂಟ್ನರ್ ಕಾಲೆಳೆದಿದ್ದಾರೆ.

• ಪಿಚ್ ಬಗ್ಗೆ ಚಿಂತೆಯಿಲ್ಲ: “ಅಹಮದಾಬಾದ್ ಪಿಚ್ ಕೆಂಪು ಮಣ್ಣಿರಲಿ ಅಥವಾ ಕಪ್ಪು ಮಣ್ಣಿರಲಿ, ನಮಗೆ ಅಭ್ಯಂತರವಿಲ್ಲ. ನಾವು ಮೈದಾನಕ್ಕೆ ಹೋದ ಮೇಲೆ ಪರಿಸ್ಥಿತಿಗೆ ತಕ್ಕಂತೆ ಆಡುತ್ತೇವೆ,” ಎಂದಿದ್ದಾರೆ.

• ವರುಣ್ ಚಕ್ರವರ್ತಿಗೆ ಬೆಂಬಲ: ಕಳೆದ ಪಂದ್ಯದಲ್ಲಿ ದುಬಾರಿಯಾಗಿದ್ದ ವರುಣ್ ಚಕ್ರವರ್ತಿ ಬಗ್ಗೆ ಮಾತನಾಡಿದ ಸೂರ್ಯ, “ಅವರು ವಿಶ್ವದ ನಂಬರ್ 1 ಬೌಲರ್. ಅವರು ಹೇಗೆ ಕಮ್‌ಬ್ಯಾಕ್ ಮಾಡಬೇಕೆಂದು ಅವರಿಗೆ ಚೆನ್ನಾಗಿ ತಿಳಿದಿದೆ, ಅವರ ಬಗ್ಗೆ ನಮಗೆ ಯಾವುದೇ ಆತಂಕವಿಲ್ಲ,” ಎಂದು ಬೆಂಬಲ ವ್ಯಕ್ತಪಡಿಸಿದ್ದಾರೆ.

• ಫೈನಲ್ ಒತ್ತಡ: “ನಾವು 2023ರ ವಿಶ್ವಕಪ್ ಸೋತ ಜಾಗಕ್ಕೇ ಮತ್ತೆ ಬಂದಿದ್ದೇವೆ. ಈ ಬಾರಿ ನಾವು ಧೈರ್ಯದ ಕ್ರಿಕೆಟ್ ಆಡಲಿದ್ದೇವೆ,” ಎಂದು ಸೂರ್ಯ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

• ನಾಯಕತ್ವದ ಹಾದಿ: ರೋಹಿತ್ ಶರ್ಮಾ ಅವರ ನಾಯಕತ್ವದ ಹಾದಿಯಲ್ಲೇ ತಾವು ಸಾಗುತ್ತಿರುವುದಾಗಿ ಮತ್ತು ಗೌತಮ್ ಗಂಭೀರ್ ಅವರ ಮಾರ್ಗದರ್ಶನ ತಂಡಕ್ಕೆ ಮುಖ್ಯವಾಗಿದೆ ಎಂದು ತಿಳಿಸಿದ್ದಾರೆ.

• ಆಡುವ 11ರ ಬಳಗ: ತಂಡದಲ್ಲಿ ಬದಲಾವಣೆಗಳಿವೆಯೇ ಎಂಬ ಪ್ರಶ್ನೆಗೆ, “ಅದನ್ನು ನಾಳೆ ಮೈದಾನದಲ್ಲೇ ನೋಡಿ,” ಎಂದು ಸಸ್ಪೆನ್ಸ್ ಉಳಿಸಿದ್ದಾರೆ.
  
  ಸಮಾರೋಪ ಸಮಾರಂಭದ ಮೆರುಗು:

ಫೈನಲ್ ಪಂದ್ಯಕ್ಕೂ ಮುನ್ನ ಅಹಮದಾಬಾದ್‌ನಲ್ಲಿ ಅದ್ದೂರಿ ಸಮಾರೋಪ ಸಮಾರಂಭ ನಡೆಯಲಿದೆ. ಖ್ಯಾತ ಅಂತಾರಾಷ್ಟ್ರೀಯ ಗಾಯಕ ರಿಕಿ ಮಾರ್ಟಿನ್, ಭಾರತದ ಸುಖ್ಬೀರ್ ಮತ್ತು ಫಾಲ್ಗುಣಿ ಪಾಠಕ್ ಅವರು ಪ್ರೇಕ್ಷಕರನ್ನು ರಂಜಿಸಲಿದ್ದಾರೆ.

‘ಬುಮ್ರಾ ಕೂಡ ಮನುಷ್ಯನೇ’ – ಭಾರತಕ್ಕೆ ನ್ಯೂಜಿಲೆಂಡ್ ಆಟಗಾರ ಗ್ಲೆನ್ ಫಿಲಿಪ್ಸ್ ಎಚ್ಚರಿಕೆ!

ಕಿವಿ ಪಡೆಯ ಸವಾಲು ಮತ್ತು ಸೂರ್ಯ ಪಡೆಯ ಆತ್ಮವಿಶ್ವಾಸದ ನಡುವೆ ನಾಳೆಯ ಫೈನಲ್ ಪಂದ್ಯ ಕೇವಲ ಕ್ರಿಕೆಟ್ ಮಾತ್ರವಲ್ಲದೆ, ಇಬ್ಬರು ನಾಯಕರ ಪ್ರತಿಷ್ಠೆಯ ಹೋರಾಟವೂ ಆಗಲಿದೆ.

[youtube https://www.youtube.com/watch?v=QA28TTkVMIY]