ನವರಾತ್ರಿ 2026 ಎರಡನೇ ದಿನ : ತಪಸ್ಸು, ತಾಳ್ಮೆ ಮತ್ತು ಭಕ್ತಿಯ ಪ್ರತೀಕ ಮಾತೆ ಬ್ರಹ್ಮಚಾರಿಣಿ

ದುರ್ಗಾ ದೇವಿಯ ಮತ್ತೊಂದು ರೂಪವಾದ ಬ್ರಹ್ಮಚಾರಿಣಿ ದೇವಿಯನ್ನು ನವರಾತ್ರಿಯ ಎರಡನೇ ದಿನ ಪೂಜಿಸಲಾಗುತ್ತದೆ. ಮೊದಲನೇ ದಿನ ಶೈಲಪುತ್ರಿಯನ್ನು ಪೂಜಿಸಿದ ನಂತರ ಅಕ್ಟೋಬರ್‌ 12, ಸೋಮವಾರದಂದು ದೇವಿ ಬ್ರಹ್ಮಚಾರಿಣಿಯ ಪೂಜಿಸುತ್ತಾರೆ. ತಾಳ್ಮೆ, ಬುದ್ಧಿವಂತಿಕೆ, ಶಿಸ್ತು ಮತ್ತು ಆಧ್ಯಾತ್ಮಿಕ ಬೆಳವಣಿಗೆಯ ರೂಪವಾಗಿರುವ ಬ್ರಹ್ಮಚಾರಿಣಿಯನ್ನು ಭಕ್ತರು ದೃಢನಿಶ್ಚಯ, ಪರಿಶ್ರಮ ಮತ್ತು ನಂಬಿಕೆಯ ಮೂಲಕ ಸವಾಲುಗಳನ್ನು ಎದುರಿಸುವ ಶಕ್ತಿಯ ರೂಪವಾಗಿ ಆರಾಧಿಸುತ್ತಾರೆ.

ನವರಾತ್ರಿ 2026 : 2ನೇ ದಿನ

ದಿನಾಂಕ : ಸೋಮವಾರ, ಅಕ್ಟೋಬರ್‌ 12, 2026

ನವರಾತ್ರಿ ದಿನ : ಎರಡನೇ ದಿನ

ಪೂಜಿಸುವ ದೇವಿ : ಬ್ರಹ್ಮಚಾರಿಣಿ

ಮಹತ್ವ : ತಪಸ್ಸು, ತಾಳ್ಮೆ, ಭಕ್ತಿ ಮತ್ತು ಶಿಸ್ತು

ಬಣ್ಣ : ಬಿಳಿ

ನೈವೇದ್ಯ : ಸಕ್ಕರೆ ಅಥವಾ ಮಿಶ್ರಿಯಿಂದ ತಯಾರಿಸಿದ ಸಿಹಿ

ಬ್ರಹ್ಮಚಾರಿಣಿ ದೇವಿ ಯಾರು?

ಬ್ರಹ್ಮಚಾರಿಣಿ ದೇವಿಯು ಪಾರ್ವತಿ ದೇವಿಯ ತಪಸ್ವಿನಿಯ ರೂಪ. ಇದು ತಪಸ್ಸಿನ ಶಕ್ತಿಯನ್ನು ಪ್ರತಿನಿಧಿಸುತ್ತಾಳೆ. ಪೌರಾಣಿಕ ಕಥೆಗಳ ಪ್ರಕಾರ ಪಾರ್ವತಿ ದೇವಿಯು ಶಿವನ ಮೇಲಿನ ತನ್ನ ಭಕ್ತಿಯನ್ನು ವ್ಯಕ್ತಪಡಿಸಲು ತೀವ್ರ ತಪಸ್ಸನ್ನು ಮಾಡಿದಳು. ನವರಾತ್ರಿಯ ಈ ಸಮಯದಲ್ಲಿ ಪಾರ್ವತಿಯ ಈ ದೃಢಸಂಕಲ್ಪ ಮತ್ತು ಕಠಿಣ ತಪಸ್ಸಿನಿಂದ ಯಾವ ರೀತಿ ಯಶಸ್ಸು ಸಿಗುತ್ತದೆ ಎಂಬುದನ್ನು ಭಕ್ತರು ತಿಳಿಯಲೆಂದು ಈ ರೂಪವನ್ನು ಪೂಜಿಸಲಾಗುತ್ತದೆ. ಬ್ರಹ್ಮಚಾರಿಣಿ ದೇವಿಯು ಯಾವುದೇ ಆಡಂಬರವಿಲ್ಲದೆ ಸಾಮಾನ್ಯವಾದ ಪರಿಶುದ್ಧತೆಯ ಪ್ರತೀಕವಾದ ಶ್ವೇತ ವಸ್ತ್ರವನ್ನು ಧರಿಸಿ, ಒಂದು ಕೈಯಲ್ಲಿ ಜಪಮಾಲೆ ಹಿಡಿದು ಇನ್ನೊಂದು ಕೈಯಲ್ಲಿ ಕಮಂಡಲವನ್ನು ಹಿಡಿದಿದ್ದಾಳೆ. ಇದರ ಅರ್ಥ ಧ್ಯಾನ, ಸರಳತೆ, ಸಂಯಮ ಮತ್ತು ಭಕ್ತಿಯಾಗಿದೆ.