){kind=link}
ನವದೆಹಲಿ : ದೇಶದಲ್ಲಿನ ಬಡ ಹಾಗೂ ಮಧ್ಯಮ ವರ್ಗದ ಜನರ ಆರ್ಥಿಕ ಪರಿಸ್ಥಿತಿಯನ್ನು ಸುಧಾರಿಸಲು ಕೇಂದ್ರ ಸರಕಾರ ಉಳಿತಾಯ ಮತ್ತು ಕಲ್ಯಾಣ ಯೋಜನೆಗಳನ್ನು (Government Schemes) ಜಾರಿಗೆ ತಂದಿದೆ. ಅದ್ರಲ್ಲೂ ಸಣ್ಣ ಮೊತ್ತದ ಉಳಿತಾಯ ಯೋಜನೆಗಳು ಇಂದು ಹೆಚ್ಚು ಜನಪ್ರಿಯತೆಯನ್ನು ಪಡೆದುಕೊಳ್ಳುತ್ತಿದೆ. ಆದರೆ ಈ ಒಂದು ಸ್ಕೀಮ್‌ನಲ್ಲಿ ನೀವು ಅತೀ ಕಡಿಮೆ ಹೂಡಿಕೆ ಮಾಡಿ ಒಮ್ಮೆಲೆ ಬರೋಬ್ಬರಿ 40 ಲಕ್ಷ ರೂ.ಗಳನ್ನು ಪಡೆಯಬಹುದಾಗಿದೆ. ಅಷ್ಟಕ್ಕೂ ಈ ಯೋಜನೆಯ ಲಾಭ ಪಡೆಯುವುದು ಹೇಗೆ ಅನ್ನೋ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಶ್ರಮವಹಿಸಿ ದುಡಿದು ಸಂಪಾದಿಸಿದ ಹಣವು ಉತ್ತಮ ಆದಾಯದಲ್ಲಿ ಹೂಡಿಕೆ ಮಾಡಿದಾಗ ಮಾತ್ರ ಪ್ರಯೋಜನಕಾರಿಯಾಗಿದೆ. ಕೆಲವರು ಅಪಾಯಕಾರಿ ರೀತಿಯಲ್ಲಿ ಹೂಡಿಕೆ ಮಾಡಿದರೆ, ಹಲವರು ಅಪಾಯ-ಮುಕ್ತ ಹೂಡಿಕೆ ಯೋಜನೆಗಳಿಗೆ ಮೊರೆ ಹೋಗುತ್ತಾರೆ. ಅಂತಹ ಜನರಿಗೆ, ಕೇಂದ್ರ ಸರ್ಕಾರವು ನೀಡುವ ಸಣ್ಣ ಮೊತ್ತದ ಉಳಿತಾಯ ಯೋಜನೆಗಳು ಉತ್ತಮ ಆಯ್ಕೆಯಾಗಿದೆ. ಅವುಗಳಲ್ಲಿ ಪಬ್ಲಿಕ್ ಪ್ರಾವಿಡೆಂಟ್ ಫಂಡ್ (ಪಿಪಿಎಫ್) ಕೇಂದ್ರ ಸರ್ಕಾರವು ನಡೆಸುವ ಅತ್ಯಂತ ಜನಪ್ರಿಯ ಯೋಜನೆಯಾಗಿದೆ ಮತ್ತು ಅಂಚೆ ಕಚೇರಿಗಳಲ್ಲಿ ಲಭ್ಯವಿದೆ. ಇದರಲ್ಲಿ, ನೀವು ಬಹಳ ಕಡಿಮೆ ಮೊತ್ತವನ್ನು ಹೂಡಿಕೆ ಮಾಡಬಹುದು ಮತ್ತು ಒಂದೇ ಬಾರಿಗೆ ದೊಡ್ಡ ಮೊತ್ತವನ್ನು ಪಡೆಯಬಹುದು.
ಪಿಪಿಎಫ್ ಯೋಜನೆಯು ಭದ್ರತೆ ಮತ್ತು ಉಳಿತಾಯ ಎರಡನ್ನೂ ಒದಗಿಸುತ್ತದೆ. ಪೋಸ್ಟ್ ಆಫೀಸ್ ಪಿಪಿಎಫ್ ಖಾತೆಯು ಹೂಡಿಕೆದಾರರಿಗೆ ಉತ್ತಮ ಆಯ್ಕೆಯಾಗಿದೆ ಏಕೆಂದರೆ ಇದು ಹೆಚ್ಚಿನ ಆದಾಯವನ್ನು ನೀಡುತ್ತದೆ. ಹೂಡಿಕೆದಾರರು ತಮ್ಮ ಹಣವನ್ನು ಮೂಲತಃ ಹೂಡಿಕೆ ಮಾಡಿದ ಅದೇ ಬಡ್ಡಿದರದಲ್ಲಿ ಸ್ಥಿರವಾದ ಆದಾಯದ ದರವನ್ನು ಖಾತರಿಪಡಿಸುತ್ತಾರೆ. ಅಂದರೆ ನಂತರದ ತ್ರೈಮಾಸಿಕಗಳಲ್ಲಿ ಸರ್ಕಾರವು ಬಡ್ಡಿದರಗಳನ್ನು ಪರಿಷ್ಕರಿಸಿದರೂ.. ಹೂಡಿಕೆದಾರರು ಹಿಂದಿನ ಬಡ್ಡಿದರವನ್ನು ಪಡೆಯುತ್ತಾರೆ.
ಅರ್ಹತೆಗಳು :
ಈ ಯೋಜನೆಯಲ್ಲಿ ಯಾರು ಬೇಕಾದರೂ ತಮ್ಮ ಖಾತೆಯನ್ನು ತೆರೆಯಬಹುದು. ಆದರೆ ಹೊಸ ಜಂಟಿ ಖಾತೆಗೆ ಅವಕಾಶವಿಲ್ಲ. ಅಪ್ರಾಪ್ತ ವಯಸ್ಕರ ಪರವಾಗಿ ಪೋಷಕರು, ಪಾಲಕರು ಖಾತೆಗಳನ್ನು ತೆರೆಯಬಹುದು. ಪೋಸ್ಟ್ ಆಫೀಸ್ ನಿಯಮಗಳ ಪ್ರಕಾರ NRI ಖಾತೆಯನ್ನು ತೆರೆಯಲಾಗುವುದಿಲ್ಲ. ಈ ಯೋಜನೆಯ ಮುಕ್ತಾಯ ಸಮಯ 15 ವರ್ಷಗಳು. ಅಲ್ಲದೇ ನಂತರದಲ್ಲಿ ಮತ್ತೆ 5 ವರ್ಷಗಳ ಅವಧಿಗೆ ಎರಡು ಬಾರಿ ವಿಸ್ತರಣೆ ಮಾಡಲು ಅವಕಾಶವಿದೆ. ನೀವು ತೆರಿಗೆ ಪ್ರಯೋಜನಗಳನ್ನು ಸಹ ಪಡೆಯುತ್ತೀರಿ. 7.1 ರಷ್ಟು ವಾರ್ಷಿಕ ಬಡ್ಡಿದರವನ್ನು ಈ ಯೋಜನೆಯಲ್ಲಿ ನೀಡಲಾಗುತ್ತದೆ. ಇದನ್ನೂ ಓದಿ : Senior Citizen Savings Scheme: ಹಿರಿಯ ನಾಗರಿಕರ ಗಮನಕ್ಕೆ : ಈ ಎಫ್‌ಡಿಯಲ್ಲಿ ಹಣ ಹೂಡಿಕೆ ಮಾಡಿ ಪಡೆಯಿರಿ ಶೇ. 8.2ರಷ್ಟು ಬಡ್ಡಿದರ
ರೂ.417 ರೂ. ಪಾವತಿಸಿ 40 ಲಕ್ಷ ರೂ. ಪಡೆಯಿರಿ
ಈ ಯೋಜನೆಯಲ್ಲಿ ದಿನಕ್ಕೆ 417 ರೂ. ಹೂಡಿಕೆ ಮಾಡಿದ್ರೆ 15 ವರ್ಷ ಅಥವಾ ಅವಧಿ ಮುಕ್ತಾಯದ ವರೆಗೆ ಹೂಡಿಕೆ ಮಾಡಿದ್ರೆ ನೀವು ಹೂಡಿಕೆ ಮಾಡಿರುವ ಒಟ್ಟು ಹಣ 22.50 ಲಕ್ಷ ರೂ. ಆಗುತ್ತದೆ. ಈ ಯೋಜಜನೆಯಲ್ಲಿ ಶೇಕಡಾ 7.1ರಷ್ಟು ಬಡ್ಡಿದರವನ್ನು ನೀಡುವುದರಿಂದ ಸಂಯುಕ್ತ ಬಡ್ಡಿಯ ಲಾಭವನ್ನು ಪಡೆಯಲು ಅವಕಾಶವಿದೆ. ಹೀಗಾಗಿ ಬಡ್ಡಿಯ ರೂಪದಲ್ಲಿ ರೂ.18.18 ಲಕ್ಷ ದೊರೆಯಲಿದೆ. ನಿಮ್ಮ ಹೂಡಿಕೆ ಹಾಗೂ ಬಡ್ಡಿಯನ್ನು ಒಟ್ಟುಗೂಡಿಸಿದ್ರೆ ರೂ.40.68 ಲಕ್ಷಗಳನ್ನು ಡ್ರಾ ಮಾಡಬಹುದು. ನಿಮ್ಮ ಹೂಡಿಕೆಯನ್ನು ತಲಾ 5 ವರ್ಷಗಳವರೆಗೆ ಎರಡು ಬಾರಿ ವಿಸ್ತರಿಸಲು ನೀವು ನಿರ್ಧರಿಸಿದರೆ.. ನೀವು ರೂ.1.03 ಕೋಟಿಗಳನ್ನು ಪಡೆಯುತ್ತೀರಿ. ದೊಡ್ಡ ಮೊತ್ತದ ಹಣ ಬೇಕಾದರೆ ಮೆಚ್ಯೂರಿಟಿ ಅವಧಿಯನ್ನು ವಿಸ್ತರಿಸಿದರೆ ಸಾಕು. ಅವುಗಳನ್ನು ಹಿಂಪಡೆದು ಬೇರೆ ರೀತಿಯಲ್ಲಿ ಹೂಡಿಕೆ ಮಾಡುವುದು ಕಷ್ಟವೇನಲ್ಲ.
Government Schemes: Central government scheme: Rs 40 lakh will be available at one time.