ಟೋಲ್ ಗಳಲ್ಲಿ ಇನ್ಮುಂದೆ ಇರಲ್ಲ ಕ್ಯಾಶ್ ಲೇನ್ : ಫೆ.15ರಿಂದ ಫಾಸ್ಟ್ಯಾಗ್ ಕಡ್ಡಾಯ : ಫಾಸ್ಟ್ಯಾಗ್ ಇಲ್ಲದಿದ್ರೆ ಡಬಲ್ ರೇಟ್

ನವದೆಹಲಿ : ದೇಶದಾದ್ಯಂತ ಎಲ್ಲಾ ಟೋಲ್ ಗಳಲ್ಲಿಯೂ ಫೆಬ್ರವರಿ 15ರ ಮಧ್ಯರಾತ್ರಿಯಿಂದ ಫಾಸ್ಟ್ಯಾಗ್ ಕಡ್ಡಾಯಗೊಳಿಸಲಾಗುತ್ತಿದೆ. ಒಂದೊಮ್ಮೆ ಫಾಸ್ಟ್ಯಾಗ್ ಅಳವಡಿಕೆ ಮಾಡದ ವಾಹನ ಸವಾರರು ದುಪ್ಪಟ್ಟು ಹಣ ನೀಡಿ ಸಂಚರಿಸಬೇಕಾಗಿದೆ.

ಕೇಂದ್ರ ಸರಕಾರ ನಾಳೆಯಿಂದ ಅಧಿಕೃತವಾಗಿ ಟೋಲ್ ಗಳನ್ನು ಸಂಪೂರ್ಣವಾಗಿ ಡಿಜಿಟಲೀಕರಣಕ್ಕೆ ಒಳಪಡಿಸುತ್ತಿದೆ. ಈ ಹಿನ್ನೆಲೆಯಲ್ಲಿ ಎಲ್ಲಾ ವಾಹನಗಳ ಮಾಲೀಕರು ಕಡ್ಡಾಯವಾಗಿ ಫಾಸ್ಟ್ಯಾಗ್ ಹೊಂದಿರಲೇ ಬೇಕು. ಟೋಲ್ ಗಳಲ್ಲಿ ಕ್ಯಾಶ್ ಲೇನ್ ಗಳನ್ನು ಬಂದ್ ಮಾಡಲು ಸೂಚನೆಯನ್ನು ನೀಡಲಾಗುತ್ತಿದೆ. ಫಾಸ್ಟ್ಯಾಗ್ ಹೊಂದಿರದ ವಾಹನಗಳು ಡಬಲ್ ರೇಟ್ ಕೊಟ್ಟು ಸಂಚಾರ ನಡೆಸಬೇಕಾಗಿದೆ.