ನವದೆಹಲಿ: ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಪ್ರಕಾರ ಜೂನ್ 2023 ರಲ್ಲಿ ಬ್ಯಾಂಕುಗಳು (Bank Holidays June 2023) ಒಟ್ಟು 12 ದಿನಗಳವರೆಗೆ ಮುಚ್ಚಲ್ಪಡುತ್ತವೆ. ಇನ್ನು ದೇಶದಾದ್ಯಂತ ರಾಜ್ಯಗಳನ್ನು ಅವಲಂಬಿಸಿ ಬ್ಯಾಂಕ್ ರಜಾದಿನಗಳು ಬದಲಾಗಬಹುದು ಎಂಬುದನ್ನು ಗ್ರಾಹಕರು ಗಮನಿಸುವುದು ಮುಖ್ಯ. ಗ್ರಾಹಕರು ಬ್ಯಾಂಕ್‌ಗೆ ಸಂಬಂಧಪಟ್ಟ ಕೆಲಸಕ್ಕೆ ಹೋಗುವುದಕ್ಕೆ ಮೊದಲು ಈ ತಿಂಗಳ ರಜಾದಿನಗಳನ್ನು ಪರಿಶೀಲಿಸಬೇಕಾಗಿದೆ. ಆದರೂ ಆನ್‌ಲೈನ್ ಬ್ಯಾಂಕಿಂಗ್ ಚಟುವಟಿಕೆಗಳು ಕಾರ್ಯನಿರ್ವಹಿಸುತ್ತಲೇ ಇರುತ್ತವೆ. ಆರ್‌ಬಿಐ ಬ್ಯಾಂಕ್ ರಜಾದಿನಗಳ ಪಟ್ಟಿಯ ಮಾರ್ಗಸೂಚಿಗಳ ಪ್ರಕಾರ, ನಿರ್ದಿಷ್ಟ ರಾಜ್ಯವನ್ನು ಅವಲಂಬಿಸಿ ಕೆಲವು ಪ್ರಾದೇಶಿಕ ರಜಾದಿನಗಳೊಂದಿಗೆ ಎಲ್ಲಾ ಸಾರ್ವಜನಿಕ ರಜಾದಿನಗಳಲ್ಲಿ ಬ್ಯಾಂಕುಗಳನ್ನು ಮುಚ್ಚಲಾಗುತ್ತದೆ.
ಈ ಕೆಲವು ಬ್ಯಾಂಕ್ ರಜಾದಿನಗಳು ಆಯಾ ಆಯಾ ರಾಜ್ಯಗಳಿಗೆ ಅನುಸಾರವಾಗಿ ನಿರ್ದಿಷ್ಟವಾಗಿರುತ್ತದೆ. ಜೂನ್ 2023 ರಲ್ಲಿ ದೇಶದಾದ್ಯಂತ ಬ್ಯಾಂಕುಗಳು 12 ದಿನಗಳವರೆಗೆ ಮುಚ್ಚಲ್ಪಟ್ಟಿರುತ್ತದೆ. ಇದರಲ್ಲಿ ಎರಡನೇ ಮತ್ತು ನಾಲ್ಕನೇ ಶನಿವಾರಗಳು ಮತ್ತು ಭಾನುವಾರಗಳನ್ನು ಒಳಗೊಂಡಿರುತ್ತದೆ. ಪ್ರತಿ ತಿಂಗಳು ಮೊದಲ ಮತ್ತು ಮೂರನೇ ಶನಿವಾರದಂದು ಬ್ಯಾಂಕ್‌ಗಳು ತೆರೆದಿರುತ್ತವೆ. ಹಾಗಾಗಿ ಬ್ಯಾಂಕ್ ವ್ಯವಹಾರಕ್ಕೆ ಗ್ರಾಹಕರು ತೆರಳುವ ಮುನ್ನ ಈ ಕೆಳಗಿನ ರಜಾದಿನಗಳ ಮೇಲೆ ಗಮನಹರಿಸಬೇಕಾಗಿದೆ.
ರಾಜ್ಯವಾರು ಬ್ಯಾಂಕ್ ರಜೆ ಪಟ್ಟಿ ಜೂನ್ 2023:
- ಜೂನ್ 4 : ಭಾನುವಾರ
- ಜೂನ್ 10 : ಎರಡನೇ ಶನಿವಾರ
- ಜೂನ್ 11 : ಭಾನುವಾರ
- ಜೂನ್ 15 : ವೈ.ಎಂ.ಎ. ದಿನ/ರಾಜ ಸಂಕ್ರಾಂತಿ – ಮಿಜೋರಾಂ ಮತ್ತು ಒಡಿಶಾ
- ಜೂನ್ 18 : ಭಾನುವಾರ
- ಜೂನ್ 20 : ಕಾಂಗ್ (ರಥ ಯಾತ್ರೆ) – ಒಡಿಶಾ ಮತ್ತು ಮಣಿಪುರ
- ಜೂನ್ 24 : ನಾಲ್ಕನೇ ಶನಿವಾರ
- ಜೂನ್ 25 : ಭಾನುವಾರ
- ಜೂನ್ 26 : ಖಾರ್ಚಿ ಪೂಜೆ – ತ್ರಿಪುರ
- ಜೂನ್ 28 : ಬಕ್ರಿ ಈದ್ (ಈದ್-ಉಲ್-ಜುಹಾ) – ಮಹಾರಾಷ್ಟ್ರ, ಜಮ್ಮು, ಕೇರಳ ಮತ್ತು ಶ್ರೀನಗರ
- ಜೂನ್ 29 : ಬಕ್ರಿ ಈದ್ (ಈದ್-ಉಲ್-ಅಧಾ) – ಮಹಾರಾಷ್ಟ್ರ, ಸಿಕ್ಕಿಂ, ಕೇರಳ ಮತ್ತು ಒಡಿಶಾ ಹೊರತುಪಡಿಸಿ ಎಲ್ಲಾ
- ಜೂನ್ 30 : ರೆಮ್ನಾ ನಿ (ಇದ್-ಉಲ್-ಜುಹಾ) – ಮಿಜೋರಾಂ ಮತ್ತು ಒಡಿಶಾ
ಕಳೆದ ವಾರ RBI ತನ್ನ ಅತ್ಯಧಿಕ ಮೌಲ್ಯದ ಕರೆನ್ಸಿ ನೋಟು 2,000 ರೂಪಾಯಿಯನ್ನು ಚಲಾವಣೆಯಿಂದ ಹಿಂತೆಗೆದುಕೊಳ್ಳುವುದಾಗಿ ಘೋಷಿಸಿತು. ಆದರೆ, ಈ ನೋಟುಗಳು ಕಾನೂನುಬದ್ಧವಾಗಿ ಮುಂದುವರಿಯುತ್ತವೆ. ಅಸ್ತಿತ್ವದಲ್ಲಿರುವ 2,000 ರೂಪಾಯಿ ನೋಟುಗಳನ್ನು ಸೆಪ್ಟೆಂಬರ್ 30 ರವರೆಗೆ ಬ್ಯಾಂಕ್‌ಗಳಲ್ಲಿ ಠೇವಣಿ ಮಾಡಬಹುದು ಅಥವಾ ಬದಲಾಯಿಸಬಹುದು ಎಂದು ಹೇಳಿದೆ.
ಮೇ 23, 2023 ರಿಂದ 2000 ರೂಪಾಯಿಯ ನೋಟುಗಳನ್ನು ಇತರ ಮುಖಬೆಲೆಗಳಿಗೆ ವಿನಿಮಯ ಮಾಡಿಕೊಳ್ಳಲು ಪ್ರಾರಂಭವಾಯಿತು. ಯಾವುದೇ ಅನಾನುಕೂಲತೆಯನ್ನು ತಪ್ಪಿಸಲು, ನೀವು ರೂ 2000 ನೋಟುಗಳನ್ನು ಠೇವಣಿ ಮಾಡಲು ಅಥವಾ ಬದಲಾಯಿಸಲು ಬ್ಯಾಂಕ್‌ಗೆ ಭೇಟಿ ನೀಡಲು ಯೋಜಿಸುತ್ತಿದ್ದರೆ, ನಿಮ್ಮ ಭೇಟಿಯನ್ನು ಮಾಡುವ ಮೊದಲು ನಿಮ್ಮ ರಾಜ್ಯಕ್ಕೆ ನಿರ್ದಿಷ್ಟವಾದ ರಜಾದಿನಗಳ ಪಟ್ಟಿಯನ್ನು ಪರಿಶೀಲಿಸುವುದು ಸೂಕ್ತವಾಗಿದೆ.
ಇದನ್ನೂ ಓದಿ : New BPL Ration Card : ಬಿಪಿಎಲ್ ಕಾರ್ಡ್ ಗೆ ಹೊಸದಾಗಿ ಅರ್ಜಿ ಸಲ್ಲಿಸಲು ಜೂನ್ 1ರಿಂದ ಅವಕಾಶ
ನೆಗೋಶಿಯೇಬಲ್ ಇನ್ಸ್ಟ್ರುಮೆಂಟ್ಸ್ ಆಕ್ಟ್ ಅಡಿಯಲ್ಲಿ ರಜಾದಿನ, ನೆಗೋಶಿಯೇಬಲ್ ಇನ್ಸ್ಟ್ರುಮೆಂಟ್ಸ್ ಆಕ್ಟ್ ಅಡಿಯಲ್ಲಿ ರಜಾದಿನ ಮತ್ತು ರಿಯಲ್-ಟೈಮ್ ಗ್ರಾಸ್ ಸೆಟಲ್‌ಮೆಂಟ್ ರಜಾದಿನ ಎಂದು ವರ್ಗಿಕರಿಸಲಾಗಿದೆ. ಎಲ್ಲಾ ಬ್ಯಾಂಕ್‌ಗಳು ರಾಷ್ಟ್ರೀಯ ಹಬ್ಬಗಳನ್ನು ಆಚರಿಸಿದರೆ, ಕೆಲವು ಬ್ಯಾಂಕ್‌ಗಳು ಪ್ರಾದೇಶಿಕ ಹಬ್ಬಗಳು ಮತ್ತು ರಜಾದಿನಗಳನ್ನು ಒಳಗೊಂಡಿರುತ್ತದೆ. ಅದರ ಜೊತೆಯಲಿ ಪ್ರಾದೇಶಿಕ ಬ್ಯಾಂಕ್ ರಜಾದಿನಗಳನ್ನು ಆಯಾ ರಾಜ್ಯ ಸರ್ಕಾರಗಳು ನಿರ್ಧರಿಸಲ್ಪಡುತ್ತದೆ.
Bank Holidays June 2023 : 12 days bank holiday in the month of June, you must read this news before bank business