e-KYC ಎಂದರೇನು? ಸರಳವಾಗಿ ಇದನ್ನು ಪಡೆಯುವುದು ಹೇಗೆ?

ಇ-ಕೆವೈಸಿ (e-KYC) ಅಂದರೆ ನಿಮ್ಮ ಗ್ರಾಹಕರನ್ನು ತಿಳಿಯಿರಿ (Know Your Customer) ಎಂದರ್ಥ. ಇ-ಕೆವೈಸಿಯನ್ನು ಕೆಲವು ಹಂತಗಳನ್ನು ಅನುಸರಿಸಿ ನಾವು ಸಹ ಪಡೆದುಕೊಳ್ಳಬಹುದು. ಅಂದಹಾಗೆ ಇ-ಕೆವೈಸಿಯನ್ನು ಪಡೆದುಕೊಳ್ಳಲು ಆಧಾರ ಕಾರ್ಡ್,  ಪಾನ್ ಕಾರ್ಡ್‌ (Aadhar Card ಮುಂತಾದ ದಾಖಲೆಗಳ ನಕಲುಗಳನ್ನು ನಾವು ಗ್ರಾಹಕರಾಗಿರುವ ಸಂಸ್ಥೆಗೆ ನೀಡಬೇಕು. ಇ-ಕೆವೈಸಿಯನ್ನು ಮಾಡುವುದು ಹೆಗೆ ಎಂದು ಇಲ್ಲಿ ವಿವರಿಸಲಾಗಿದೆ.

ಸಹಜವಾಗಿ ಸರಕಾರದಿಂದ ಪಡೆಯುವ ಇತರ ಸಬ್ಸಿಡಿ, ಪ್ರಧಾನಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ, ಬೆಳೆವಿಮಾ ಪರಿಹಾರ ಇತ್ಯಾದಿ ಯೋಜನೆಯನ್ನು ಫಲಾನುಭವ ನಮ್ಮ ಬ್ಯಾಂಕ್ ಖಾತೆಗೆ ನೇರ ವರ್ಗಾವಣೆಯಾಗುತ್ತಿರುವ ಕಾರಣ ನಮ್ಮ ಬ್ಯಾಂಕ್ ಖಾತೆಗಳ ದಾಖಲೆಗೆ e-KYC ಆಗಬೇಕಾಗುತ್ತದೆ. ಇ-ಕೆವೈಸಿ ಆಗದಿದ್ದಲ್ಲಿ ಸರ್ಕಾರದ ಹಲವು ಯೋಜನೆಗಳು ನಮ್ಮ ಅಕೌಂಟ್‌ಗೆ ಪಾವತಿಯಾಗುವುದು ತಡೆಹಿಡಿಯಲ್ಪಡುತ್ತವೆ. ನಮಗೆ ಹಲವಾರು ಬ್ಯಾಂಕ್ ಶಾಖೆಗಳಲ್ಲಿ ಖಾತೆಗಳಿದ್ದರೂ ಯಾವ ಬ್ಯಾಂಕ್ ಶಾಖೆಯ ಖಾತೆಗೆ ನಾವು ಕೊನೆಯ ಸಲ e-KYC ಗೆ ಸಂಬಂಧಿಸಿದ ದಾಖಲೆಗಳನ್ನು ಸಲ್ಲಿಸಿ ಖಾತೆಯ ದಾಖಲೆಗೆ ಜೋಡಣೆ ಮಾಡಿಸುತ್ತೇವೆಯೋ ಆ ಬ್ಯಾಂಕಿನ ನಮ್ಮ ಖಾತೆಗೆ ಸರಕಾರದ ಯೋಜನೆಗಳ ಫಲಾನುಭವ ನೇರವಾಗಿ ವರ್ಗಾವಣೆಯಾಗುತ್ತವೆ. ಸರಕಾರದಿಂದ ದೊರಕುವ ಸಬ್ಸಿಡಿ, ಮೊಬಲಗು, ಸಹಾಯ ಧನಗಳು, ಪ್ರಾಕೃತಿಕ ವಿಕೋಪ ಪರಿಹಾರ, ಫಸಲು ಭಿಮಾ ಪರಿಹಾರ ಇತ್ಯಾದಿಗಳ ಫಲಾನುಭವಿಗಳು ಅಗತ್ಯವಾಗಿ e-KYC ಮಾಡಿಸಲೇಬೇಕು. ಇದಕ್ಕೆ ಎಪಿಎಲ್, ಬಿಪಿಎಲ್ ಕಾರ್ಡ್‌ಗಳು ಅನ್ವಯಿಸುವುದಿಲ್ಲ. ಚಿಕ್ಕರೈತ, ಮಧ್ಯಮ ಹಂತದ ರೈತ, ದೊಡ್ಡರೈತ ಮುಂತಾದ ವರ್ಗೀಕರಣಗಳು ಕೂಡಾ ಅನ್ವಯಿಸುವುದಿಲ್ಲ. ಅಲ್ಲದೇ ಒಮ್ಮೆ ಇ-ಕೆವೈಸಿ ಮಾಡಿಸಿಕೊಂಡರೆ ಮತ್ತೆ ಮಾಡಿಸಬೇಕಿಲ್ಲ. ಈಗ ಭಾರತೀಯ ರಿಸರ್ವ್ ಬ್ಯಾಂಕ್ ಈ ಕಾರ್ಯ ಮಾಡಿಸಿಕೊಳ್ಳಲು ಅಂತಿಮ ಅವಧಿಯನ್ನು 2022 ರ ಮಾರ್ಚ್ 31 ರ ತನಕ ವಿಸ್ತರಿಸಿದೆ. ಈ ಅವಕಾಶವನ್ನು ಬಳಸಿಕೊಳ್ಳುವುದು ಸೂಕ್ತವಾಗಿದ್ದು ಕೆಲವೊಂದು ಸಂಸ್ಥೆಗಳು ಪಹಣಿ ನಕಲುಗಳನ್ನೂ ಕೇಳುತ್ತವೆ. ಅವುಗಳನ್ನೂ ಜೊತೆಯಲ್ಲಿರಿಸಿಕೊಂಡರೆ ಕೆಲಸ ಸುಲಭವಾಗುತ್ತದೆ. ಆದ ಕಾರಣ e-kyc ಬಾಕಿ ಉಳಿದವರು ಇದನ್ನು ಮಾಡಿಸಿಕೊಳ್ಳುವುದು ಹಿತಕರವಾಗಿದೆ.

ಉಳಿತಾಯ ಖಾತೆಗಳನ್ನು ಹೊಂದಿರುವ ಗ್ರಾಹಕರು 10 ವರ್ಷಕ್ಕೆ ಒಮ್ಮೆ ಕೆವೈಸಿ ಮಾಹಿತಿಯನ್ನು ನವೀಕರಿಸಬೇಕು. ಹೆಚ್ಚಿನ ಮೊತ್ತದ ವಹಿವಾಟು ನಡೆಸುವವರನ್ನು ಹೈರಿಸ್ಕ್​ ಪ್ರೊಫೈಲ್‌ ಎಂದು ಪರಿಗಣಿಸಲಾಗುತ್ತದೆ. ಇಂಥ ಖಾತೆದಾರರು ಎರಡು ವರ್ಷಕ್ಕೊಮ್ಮೆ ಕೆವೈಸಿ ದಾಖಲೆ ಸಲ್ಲಿಸಬೇಕು ಎಂದು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ತನ್ನ ಹೊಸ ಸುತ್ತೋಲೆಯಲ್ಲಿ ತಿಳಿಸಿದೆ.

ಬ್ಯಾಂಕ್​ ಮತ್ತು ಹಣಕಾಸು ಸಂಸ್ಥೆಗಳು ಗ್ರಾಹಕರ ಕುರಿತ ಕೆವೈಸಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿಲ್ಲದ ಕಾರಣ ಆರ್‌ಬಿಐ ಈ ಹಿಂದೆಯೇ ಇಂಥ ಖಾತೆಗಳನ್ನು ನಿಷ್ಕ್ರಿಯಗೊಳಿಸಲು ಬ್ಯಾಂಕ್‌ ಮತ್ತು ಹಣಕಾಸು ಸಂಸ್ಥೆಗಳಿಗೆ ಸೂಚಿಸಿತ್ತು. ಆದರೆ, ಕೊರೊನಾ ಎರಡನೇ ಅಲೆಯ ಕಾರಣ ಇದನ್ನು ಮುಂದೂಡಿತ್ತು. ನಂತರದಲ್ಲಿ ಡಿಸೆಂಬರ್‌ 31ರೊಳಗೆ ಕೆವೈಸಿ ಪೂರ್ಣಗೊಳಿಸುವಂತೆ ಕಟ್ಟುನಿಟ್ಟಿನ ಸೂಚನೆಯನ್ನು ಬ್ಯಾಂಕ್‌ಗಳಿಗೆ ನೀಡಿತ್ತು.

ಇದನ್ನೂ ಓದಿ: 2022 Horoscope: ನಿಮ್ಮ 2022ರ ಭವಿಷ್ಯ ತಿಳಿದುಕೊಳ್ಳಿ, ಹೊಸವರ್ಷಕ್ಕೆ ಹೊಸ ಹುಮ್ಮಸ್ಸಿನಿಂದ ಪದಾರ್ಪಣೆ ಮಾಡಿ

(How to makee-KYC here is the steps in Kannada)