PAN-Aadhaar Link Check : ನಿಮ್ಮ ಪಾನ್‌ ಆಧಾರ್‌ನೊಂದಿಗೆ ಲಿಂಕ್‌ ಆಗಿದೆಯ್ಯಾ ಎಂದು ಇಲ್ಲಿ ಪರಿಶೀಲಿಸಿ

ನವದೆಹಲಿ : ಆದಾಯ ತೆರಿಗೆ ಇಲಾಖೆಯಿಂದ ಅಧಿಕೃತ ಅಧಿಸೂಚನೆಯನ್ನು ಹೊರಡಿಸಿದ್ದು, ಇದರ ಪ್ರಕಾರ ಪಾನ್ ಕಾರ್ಡ್‌ (PAN-Aadhaar Link Check) ಹೊಂದಿರುವವರು ಆಧಾರ್ ಕಾರ್ಡ್‌ನೊಂದಿಗೆ ಲಿಂಕ್ ಮಾಡಬೇಕು. ಈಗಾಗಲೇ ನೀಡಿರುವ ಗಡುವಿನೊಳಗೆ ಬಳಕೆದಾರರು ಪಾನ್‌ ಆಧಾರ್‌ ಲಿಂಕ್‌ ಮಾಡಬೇಕಿದೆ. ಲಿಂಕ್‌ ಮಾಡದಿದ್ದಲ್ಲಿ ಗಡುವು ದಾಟಿದ ನಂತರ, ಪಾನ್ ಹೊಂದಿರುವವರು ತಮ್ಮ ಹತ್ತು-ಅಂಕಿಯ ವಿಶಿಷ್ಟ ಆಲ್ಫಾನ್ಯೂಮರಿಕ್ ಸಂಖ್ಯೆಯನ್ನು ಬಳಸಲು ಸಾಧ್ಯವಾಗುವುದಿಲ್ಲ. ಪಾನ್‌ಗೆ ಲಿಂಕ್ ಮಾಡಲಾದ ಹಣಕಾಸಿನ ವಹಿವಾಟುಗಳನ್ನು ನಿಲ್ಲಿಸಲಾಗುತ್ತದೆ. ಅಷ್ಟೇ ಅಲ್ಲದೇ ಎಲ್ಲಾ ಆದಾಯ ತೆರಿಗೆ ಬಾಕಿ ರಿಟರ್ನ್ಸ್ ಪ್ರಕ್ರಿಯೆಯಿಂದ ನಿಲ್ಲಿಸಲಾಗುತ್ತದೆ ಎಂದು ತಿಳಿಸಿದ್ದಾರೆ. ಇನ್ನು ಈಗಾಗಲೇ ಪಾನ್‌ ಆಧಾರ್‌ ಲಿಂಕ್‌ ಮಾಡಿರುವವರು ತಮ್ಮ ಕಾರ್ಡ್‌ ಲಿಂಕ್‌ ಆಗಿದೆಯ್ಯಾ ಎಂದು ಪರಿಶೀಲಿಸಬೇಕಾಗಿದೆ.

ಆಧಾರ್‌ನೊಂದಿಗೆ ಪ್ಯಾನ್ ಲಿಂಕ್ :
ಹಣಕಾಸು ಕಾಯಿದೆ, 2017 ಆದಾಯ ತೆರಿಗೆ ಕಾಯಿದೆ, 1961 ರಲ್ಲಿ ಹೊಸ ಸೆಕ್ಷನ್ 139AA ಅನ್ನು ಸೇರಿಸಿದೆ. ಜುಲೈ 1, 2017ರಿಂದ ಜಾರಿಗೆ ಬರುವಂತೆ ಪ್ಯಾನ್‌ಗೆ ಅರ್ಜಿ ಸಲ್ಲಿಸುವಾಗ ಅಥವಾ ಆದಾಯದ ರಿಟರ್ನ್ ಅನ್ನು ಒದಗಿಸುವಾಗ ಆಧಾರ್ ಪಡೆಯಲು ಅರ್ಹರಾಗಿರುವ ಪ್ರತಿಯೊಬ್ಬ ವ್ಯಕ್ತಿಯು ತನ್ನ ಆಧಾರ್ ಸಂಖ್ಯೆಯನ್ನು ಉಲ್ಲೇಖಿಸಬೇಕು.

ಪ್ಯಾನ್-ಆಧಾರ್ ಲಿಂಕ್ ಕೊನೆಯ ದಿನಾಂಕ :
ನೀವು ಇನ್ನೂ ಪ್ಯಾನ್ ಕಾರ್ಡ್ ಅನ್ನು ಆಧಾರ್‌ನೊಂದಿಗೆ ಲಿಂಕ್ ಮಾಡದಿದ್ದರೆ, ನೀವು ಅವುಗಳನ್ನು ಜೂನ್ 30, 2023 ರೊಳಗೆ ಲಿಂಕ್ ಮಾಡಬೇಕಾಗುತ್ತದೆ. ಇಲ್ಲದಿದ್ದರೆ, ಜುಲೈ 1, 2023 ರಿಂದ ನೀವು ಅದನ್ನು ಬಳಸಲು ಸಾಧ್ಯವಾಗುವುದಿಲ್ಲ. ಒಮ್ಮೆ ಪಾನ್ ಕಾರ್ಡ್ ಹೊಂದಿರುವವರು ಈ ಗಡುವನ್ನು ತಪ್ಪಿಸಿಕೊಂಡರೆ, 10-ಅಂಕಿಯ ವಿಶಿಷ್ಟ ಆಲ್ಫಾನ್ಯೂಮರಿಕ್ ಸಂಖ್ಯೆಯು ನಿಷ್ಕ್ರಿಯಗೊಳ್ಳುತ್ತದೆ.

ಯಾರು ಆಧಾರ್ ಮತ್ತು ಪ್ಯಾನ್ ಲಿಂಕ್ ಮಾಡಬೇಕು?
ಆದಾಯ ತೆರಿಗೆ ಕಾಯಿದೆಯ ಸೆಕ್ಷನ್ 139AA ಪ್ರಕಾರ, ಜುಲೈ 1, 2017 ರಂದು ಪಾನ್‌ನ್ನು ನಿಗದಿಪಡಿಸಿದ ಮತ್ತು ಆಧಾರ್ ಸಂಖ್ಯೆಯನ್ನು ಪಡೆಯಲು ಅರ್ಹರಾಗಿರುವ ಪ್ರತಿಯೊಬ್ಬ ವ್ಯಕ್ತಿಯು ತನ್ನ ಆಧಾರ್ ಸಂಖ್ಯೆಯನ್ನು ನಿಗದಿತ ನಮೂನೆ ಮತ್ತು ವಿಧಾನದಲ್ಲಿ ತಿಳಿಸಬೇಕು. ಬೇರೆ ರೀತಿಯಲ್ಲಿ ಹೇಳುವುದಾದರೆ, ಅಂತಹ ವ್ಯಕ್ತಿಗಳು ನಿಗದಿತ ದಿನಾಂಕದ ಮೊದಲು (ಮಾರ್ಚ್ 31, 2022 ಶುಲ್ಕ ಪಾವತಿಸದೆ ಮತ್ತು ಜೂನ್ 30, 2023 ರಂದು ನಿಗದಿತ ಶುಲ್ಕ ಪಾವತಿಯೊಂದಿಗೆ ಕಡ್ಡಾಯವಾಗಿ ತಮ್ಮ ಆಧಾರ್ ಮತ್ತು ಪ್ಯನ್ ಅನ್ನು ಲಿಂಕ್ ಮಾಡಬೇಕು.

ಪ್ಯಾನ್ ಆಧಾರ್ ಲಿಂಕ್‌ಗಾಗಿ ತಗಲುವ ಶುಲ್ಕ :
ನಿಗದಿತ ಶುಲ್ಕವು ಜೂನ್ 30, 2022 ರವರೆಗೆ ರೂ 500 ಆಗಿತ್ತು ಮತ್ತು ಇ-ಫೈಲಿಂಗ್ ಪೋರ್ಟಲ್‌ನಲ್ಲಿ ಆಧಾರ್-ಪ್ಯಾನ್ ಲಿಂಕ್ ವಿನಂತಿಯನ್ನು ಸಲ್ಲಿಸುವ ಮೊದಲು ಅನ್ವಯಿಸುವ ಒಂದೇ ಚಲನ್‌ನಲ್ಲಿ ಜುಲೈ 01, 2022 ರಿಂದ ಜೂನ್ 30, 2023 ರವರೆಗೆ ರೂ 1000 ವಿಧಿಸಲಾಗುತ್ತಿದೆ.

ಆಧಾರ್ ಕಾರ್ಡ್‌ನೊಂದಿಗೆ ಪ್ಯಾನ್ ಲಿಂಕ್ ಆಗಿದೆಯೇ ಎಂದು ಪರಿಶೀಲಿಸುವುದು ಹೇಗೆ?

• ಮೊದಲಿಗೆ www.incometax.gov.in/iec/foportal/ ನಲ್ಲಿ ಸೈನ್ ಇನ್ ಮಾಡದೆಯೇ ಪ್ಯಾನ್-ಆಧಾರ್ ಲಿಂಕ್ ಸ್ಥಿತಿಯನ್ನು ವೀಕ್ಷಿಸಬೇಕು.
• ಇ-ಫೈಲಿಂಗ್ ಪೋರ್ಟಲ್ ಮುಖಪುಟದಲ್ಲಿ, ‘ಕ್ವಿಕ್ ಲಿಂಕ್ಸ್’ ಗೆ ಹೋಗಿ ಮತ್ತು ಲಿಂಕ್ ಆಧಾರ್ ಸ್ಥಿತಿಯ ಮೇಲೆ ಕ್ಲಿಕ್ ಮಾಡಬೇಕು.
• ನಿಮ್ಮ PAN ಮತ್ತು ಆಧಾರ್ ಸಂಖ್ಯೆಯನ್ನು ನಮೂದಿಸಿ ಮತ್ತು View Link Aadhaar Status ಅನ್ನು ಕ್ಲಿಕ್ ಮಾಡಬೇಕು.
• ಯಶಸ್ವಿ ಮೌಲ್ಯೀಕರಣದ ನಂತರ, ನಿಮ್ಮ ಲಿಂಕ್ ಆಧಾರ್ ಸ್ಥಿತಿಯ ಕುರಿತು ಸಂದೇಶವನ್ನು ಪ್ರದರ್ಶಿಸಲಾಗುತ್ತದೆ.
• ಆಧಾರ್-ಪ್ಯಾನ್ ಲಿಂಕ್ ಪ್ರಗತಿಯಲ್ಲಿದ್ದರೆ, ಕೆಳಗಿನ ಸಂದೇಶವು ಪರದೆಯ ಮೇಲೆ ಕಾಣಿಸುತ್ತದೆ.
• ನಿಮ್ಮ ಆಧಾರ್-ಪ್ಯಾನ್ ಲಿಂಕ್ ಮಾಡುವ ವಿನಂತಿಯನ್ನು ಮೌಲ್ಯೀಕರಣಕ್ಕಾಗಿ UIDAI ಗೆ ಕಳುಹಿಸಲಾಗಿದೆ. ಮುಖಪುಟದಲ್ಲಿ ‘ಲಿಂಕ್ ಆಧಾರ್ ಸ್ಥಿತಿ’ ಲಿಂಕ್ ಅನ್ನು ಕ್ಲಿಕ್ ಮಾಡುವ ಮೂಲಕ ದಯವಿಟ್ಟು ಸ್ಥಿತಿಯನ್ನು ನಂತರ ಪರಿಶೀಲಿಸಬೇಕು.
• ಆಧಾರ್ ಪ್ಯಾನ್ ಲಿಂಕ್ ಮಾಡುವುದು ಯಶಸ್ವಿಯಾದರೆ, ಅದು ಈ ಕೆಳಗಿನ ಸಂದೇಶವನ್ನು ಪ್ರದರ್ಶಿಸುತ್ತದೆ.
• ನಿಮ್ಮ ಪ್ಯಾನ್ ಅನ್ನು ಈಗಾಗಲೇ ನೀಡಿರುವ ಆಧಾರ್‌ಗೆ ಲಿಂಕ್ ಮಾಡಲಾಗಿದೆ.

ಇದನ್ನೂ ಓದಿ : Post Office New Scheme : ಪೋಸ್ಟ್‌ ಆಫೀಸ್‌ ಹೊಸ ಯೋಜನೆ, 95 ರೂ. ಹೂಡಿಕೆ ಮಾಡಿ ಪಡೆಯಿರಿ 14 ಲಕ್ಷ ರೂ.

ಇದನ್ನೂ ಓದಿ : ಹಿಂದುಜಾ ಗ್ರೂಪ್‌ನ ಅಧ್ಯಕ್ಷ ಎಸ್‌ಪಿ ಹಿಂದುಜಾ ಇನ್ನಿಲ್ಲ

ಲಾಗಿನ್ ನಂತರ ಪ್ಯಾನ್-ಆಧಾರ್ ಲಿಂಕ್ ಸ್ಥಿತಿಯನ್ನು ನೋಡುವುದು ಹೇಗೆ ?
ಇ-ಫೈಲಿಂಗ್ ಪೋರ್ಟಲ್ ಮುಖಪುಟಕ್ಕೆ ಲಾಗಿನ್ ಆದ ನಂತರ, ನಿಮ್ಮ ಡ್ಯಾಶ್‌ಬೋರ್ಡ್‌ಗೆ ಹೋಗಿ ಮತ್ತು ಲಿಂಕ್ ಆಧಾರ್ ಸ್ಥಿತಿಯ ಮೇಲೆ ಕ್ಲಿಕ್ ಮಾಡಬೇಕು.
ಪರ್ಯಾಯವಾಗಿ, ನೀವು ನನ್ನ ಪ್ರೊಫೈಲ್ > ಲಿಂಕ್ ಆಧಾರ್ ಸ್ಥಿತಿಗೆ ಹೋಗಬಹುದು.

PAN-Aadhaar Link Check : Check here whether your PAN is linked with Aadhaar