KGF 3 : ತೆರೆಗೆ ಬರುತ್ತಾ ಕೆಜಿಎಫ್-3 : ಮುಂದುವರಿಯುತ್ತೆ ರಾಕಿಬಾಯ್‌ ಅಬ್ಬರ

ಬರೋಬ್ಬರಿ ಮೂರು ವರ್ಷದ ನೀರಿಕ್ಷೆ ಬಳಿಕ ತೆರೆಗೆ ಬಂದ ಕೆಜಿಎಫ್ -2 (KGF Chapter 2) ಸಿನಿಮಾ ನೀರಿಕ್ಷೆ ಮೀರಿ ಯಶಸ್ಸು ಗಳಿಸಿದೆ. ಮಾತ್ರವಲ್ಲ ಏಳು ದಿನಗಳಲ್ಲೇ 700 ಕೋಟಿ ಲಾಭ ಗಳಿಸಿ ಮುನ್ನುಗ್ಗುತ್ತಿದೆ. ಹೀಗಿರುವಾಗಲೇ ಥಿಯೇಟರ್ ನಿಂದ ಹೊರಕ್ಕೆ ಬರ್ತಿರೋ ಪ್ರತಿಯೊಬ್ಬ ಅಭಿಮಾನಿಯೂ ಕೆಜಿಎಫ್-3 ತೆರೆಗೆ ಬರುತ್ತಾ ಅನ್ನೋ ಕುತೂಹಲದಲ್ಲಿ ಇದ್ದಾರೆ. ಆದರೆ ಈ ಕುತೂಹಲಕ್ಕೆ ಅಧಿಕೃತ ಉತ್ತರ ಸಿಗದೇ ಇದ್ದರೂ ಬಹುತೇಕ ಕೆಜಿಎಫ್-3 (KGF 3) ಸಿನಿಮಾ‌ ಬರೋದು ಫಿಕ್ಸ್ ಎನ್ನಲಾಗ್ತಿದೆ.

ಸದ್ಯ ದೇಶದಲ್ಲಿ ಕೆಜಿಎಫ್ ನದ್ದೇ ಚರ್ಚೆ. ಒಂದು ಕಡೆ ಕೆಜಿಎಫ್ ಗಳಿಕೆಯ ಸಂಗತಿ ಸದ್ದು ಮಾಡಿದರೇ ಇನ್ನೊಂದು ಕಡೆ ಕೆಜಿಎಫ್ ಮೂರನೇ ಭಾಗ ಬರುತ್ತೆ ಎನ್ನಲಾಗುತ್ತಿದೆ. ಇನ್ನು  ಕೆಜಿಎಫ್ 3 ಬರುತ್ತಾ, ಇಲ್ವಾ ಅನ್ನೋದರ ಬಗ್ಗೆ ನೀಲ್ ಆಗಲಿ ಯಶ್ ಆಗಲಿ ಇದು ವರೆಗೂ ಎಲ್ಲೂ ಮಾತನಾಡಿಲ್ಲ. ಅದ್ರೆ ಕೆಜಿಎಫ್ 2 ನಲ್ಲಿ ಕೆಜಿಫ್ ಚಾಪ್ಟರ್ 3 ಕ್ಲೂ ಹಾಗೂ ಚಿತ್ರದ ದೊಡ್ಡ ಮಟ್ಟ ಯಶಸ್ಸು ನೋಡಿದ ಗಾಂಧಿನಗರ ಸಿನಿಪಂಡಿತರು ಚಾಪ್ಟರ್ 3  ಬಂದ್ರು ಬರಬಹುದು ಅಂತಿದ್ದಾರೆ. ಅಲ್ಲದೆ ನೀಲ್ ಮತ್ತೆ ಯಶ್ ಜೊತೆ ಸಿನಿಮಾ ಮಾಡ್ತಿನಿ ಅಂತ ಹೇಳಿರೋದು ಈ ವಿಚಾರಕ್ಕೆ ಬಲಬಂದಿದೆ.

ಅಲ್ಲದೇ ಸಂದರ್ಶನವೊಂದರಲ್ಲಿ ಮಾತನಾಡಿದ ಯಶ್ ತಮ್ಮ ಗೆಟಪ್ ಸದ್ಯ ಬದಲಾಯಿಸೋದಿಲ್ಲ ಎಂಬ ಮಾತನ್ನಾಡಿದ್ದಾರೆ. ನಾವು ಸದ್ಯ ಕತೆ ಬರೆಯುತ್ತಿದ್ದೇವೆ.‌ಸಿದ್ಧಪಡಿಸುವ ಕತೆ ಏನನ್ನು ಕೇಳುತ್ತದೇಯೋ ಹಾಗೇ ಪಾತ್ರದ ಬೇಡಿಕೆಗೆ ಅಗತ್ಯ ಗೆಟಪ್ ಮಾಡಿಕೊಳ್ಳುತ್ತೇನೆ ಎಂದಿದ್ದಾರೆ. ಇದೆಲ್ಲವೂ ಕೆಜಿಎಫ್ 3 ಸಿನಿಮಾ ತೆರೆಗೆ ಬಂದು ಮತ್ತಷ್ಟು ದಾಖಲೆಯನ್ನು ಬರೆಯುತ್ತೆ ಅನ್ನೋ ಮಾತಿಗೆ ಪುಷ್ಠಿ ತಂದಿದೆ. ಸದ್ಯ ಪ್ರಶಾಂತ್ ನೀಲ್  ಸಲಾರ್ ಅಂಗಳದಲ್ಲಿದ್ದು ಸಲಾರ್ ನಂತ್ರ ಒಂದೆರಡು ತೆಲುಗು ಸಿನಿಮಾಗಳು ನೀಲ್ ಮುಂದಿವೆ.

ಈ ಸಿನಿಮಾಗಳು ಮುಗಿದ ನಂತರ ಪ್ರಶಾಂತ್ ನೀಲ್ ಮತ್ತೆ ಕೆಜಿಎಫ್ ಚಾಪ್ಟರ್ 3 ಚಿತ್ರಕ್ಕೆ ಕೈ ಹಾಕುವ ಸಾಧ್ಯತೆ ಇದೆ ಎಂಬ ಮಾತು ಗಾಂಧಿನಗರ ದಲ್ಲಿ ಕೇಳಿ ಬರ್ತಿದೆ. ಒಂದೊಮ್ಮೆ ಕೆಜಿಎಫ್- 3 ತೆರೆಗೆ ಬಂದಲ್ಲಿ ಅದರಲ್ಲಿ ಮತ್ತೆ ಯಾರೆಲ್ಲ ಕಾಣಿಸಿಕೊಳ್ಳಬಹುದು ? ಅಧೀರಾನ ಹವಾ ಆ ಸಿನಿಮಾದಲ್ಲೂ ಇರುತ್ತಾ ? ಯಶ್ ಮತ್ತೆ ತಮ್ಮ ಆರ್ಭಟವನ್ನು ಮುಂದುವರಿಸುತ್ತಾರಾ ಎಂಬೆಲ್ಲ ಪ್ರಶ್ನೆಗಳು ಈಗ ಪ್ರೇಕ್ಷಕರ ಮನದಲ್ಲಿ ಮೂಡಿದ್ದು, ಇದಕ್ಕೆಲ್ಲ ಯಶ್ ಹಾಗೂ ಟೀಂ ಉತ್ತರಿಸಬೇಕಿದೆ.

ಇದನ್ನೂ ಓದಿ : ಹಿಂದಿಯಲ್ಲಿ RRR ದಾಖಲೆ ಉಡೀಸ್‌ ಮಾಡಿದ KGF 2

ಇದನ್ನೂ ಓದಿ : ಅಭಿಮಾನಿಗಳಿಗೆ ರಾಕಿಂಗ್ ಸ್ಟಾರ್ ಕೃತಜ್ಞತೆ : ಪುಟ್ಟ ಕತೆ ಜೊತೆ ಥ್ಯಾಂಕ್ಸ್ ಎಂದ ಯಶ್

KGF 3 continue, hints in KGF Chapter 2