ವೀಕೆಂಡ್‌ ವಿಥ್‌ ರಮೇಶ್‌ ಸೀಸನ್‌ 5 : ಈ ವಾರದ ಅತಿಥಿಗಳು ಯಾರಾರು ಗೊತ್ತೆ ?

ಕನ್ನಡ ಕಿರುತೆರೆಯಲ್ಲಿ ಧಾರಾವಾಹಿಗಳಿಗೆ ಒಂದು ತೆರನಾದ ಅಭಿಮಾನಿಗಳು ಇದ್ದರೆ, ಕಿರುತೆರೆಯಲ್ಲಿ ಪ್ರಸಾರವಾಗುವ ರಿಯಾಲಿಟಿ ಶೋಗಳಿಗೆ ಬಹಳ ದೊಡ್ಡಮಟ್ಟದ ಅಭಿಮಾನಿಗಳು ಇದ್ದಾರೆ. ಅಷ್ಟೇ ಅಲ್ಲದೇ ರಿಯಾಲಿಟಿ ಶೋಗಳು ಇತಿಹಾಸ ಸೃಷ್ಟಿಸಿದ್ದವರನ್ನು ಪರಿಚಯಿಸುದರೊಂದಿಗೆ, ಅತೀಹೆಚ್ಚು ಜನಮನ್ನಣೆ ಪಡೆಯುತ್ತಿದೆ. ಕಳೆದ ಹಲವು ವರ್ಷಗಳಿಂದ ಪ್ರಸಾರ ವಾಗುತ್ತಿದ್ದ, ವೀಕೆಂಡ್‌ ವಿಥ್‌ ರಮೇಶ್‌ ಕಾರ್ಯಕ್ರಮ ಕರೋನಾದಿಂದ ನಿಲ್ಲಿಸಲಾಗಿತ್ತು. ಸದ್ಯ ಈ ಕಾರ್ಯಕ್ರಮ ಪುನಃ ಪ್ರಾರಂಭವಾಗಿ ಮತ್ತೆ ಕರುನಾಡ ಜನರನ್ನು ಮನರಂಜಿಸುತ್ತಿದೆ. ಇನ್ನು ಈ ವಾರದಲ್ಲಿ ಯಾವ ಅತಿಥಿಗಳು ಸಾಧಕರ ಸೀಟ್‌ನಲ್ಲಿ ಕೂರಲಿದ್ದಾರೆ (Mandya Ramesh – Avinash) ಎನ್ನುವ ಕುರಿತು ಮಾಹಿತಿ ಸಿಕ್ಕಿದೆ.

ಜೀ ಕನ್ನಡ ವಾಹಿನಿ ಅಧಿಕೃತವಾಗಿ ಟ್ವೀಟ್‌ನಲ್ಲಿ, “ರಂಗಭೂಮಿ, ಸಿನಿಮಾ ರಂಗದಲ್ಲಿ ಛಾಪು ಮೂಡಿಸಿರೋ ಅಪರೂಪದ ಕಲಾವಿದರಾದ ಅವಿನಾಶ್, ಮಂಡ್ಯ ರಮೇಶ್ ಈ ವೀಕೆಂಡ್ ಅತಿಥಿಗಳು! ವೀಕೆಂಡ್ ವಿತ್ ರಮೇಶ್-5, ಶನಿ-ಭಾನು ರಾತ್ರಿ 9ಕ್ಕೆ.” ಎಂದು ಇಬ್ಬರು ಅತಿಥಿಗಳ ಪ್ರೋಮೋ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಕಿರುತೆರೆಯಲ್ಲಿ ಪ್ರಸಾರವಾಗುತ್ತಿರುವ ರಿಯಾಲಿಟಿ ಶೋಗಳಲ್ಲಿ ಬಿಗ್​ ಬಾಸ್​, ರಾಜಾ ರಾಣಿ, ಜೋಡಿ ನಂ.1, ಸೂಪರ್‌ ಕ್ವೀನ್‌, ಇಸ್ಮಾರ್ಟ್ ಜೋಡಿ, ಸರಿಗಮಪ ಹೀಗೆ ಎಲ್ಲಾ ಚಾನೆಲ್‌ಗಳಲ್ಲಿಯೂ ಒಂದಿಲ್ಲೊಂದು ರಿಯಾಲಿಟಿ ಶೋಗಳು ಅತೀ ಹೆಚ್ಚು ಜನಪ್ರಿಯತೆಯನ್ನು ಪಡೆದುಕೊಂಡಿದೆ.

ರಂಗಭೂಮಿ, ಸಿನಿಮಾ ರಂಗದಲ್ಲಿ ಛಾಪು ಮೂಡಿಸಿರೋ ಅಪರೂಪದ ಕಲಾವಿದರಾದ ಅವಿನಾಶ್, ಮಂಡ್ಯ ರಮೇಶ್ ಈ ವೀಕೆಂಡ್ ಅತಿಥಿಗಳು!
ವೀಕೆಂಡ್ ವಿತ್ ರಮೇಶ್-5 | ಶನಿ-ಭಾನು ರಾತ್ರಿ 9ಕ್ಕೆ.#WeekendWithRamesh #WWR #WWR5 #RameshAravind #Avinash #MandyaRamesh #ZeeKannada #BayasidaBaagiluTegeyona @Ramesh_aravind @MandyaRamesh pic.twitter.com/SeQJEZFBjL

— Zee Kannada (@ZeeKannada) April 19, 2023