ನಿತ್ಯವೂ ಮನೆಯಲ್ಲಿ ಒಂದಿಲ್ಲೊಂದು ತಿಂಡಿಯನ್ನು ತಿನ್ನುತ್ತೇವೆ. ಆದರೆ ಒಂದೇ ರೀತಿಯ ತಿಂಡಿಯನ್ನು ತಿಂದೂ ತಿಂದೂ ಬೇಸರ ತರಿಸಬಹುದು. ಇಂತಹ ಸಮಯದಲ್ಲಿ ರುಚಿ ರುಚಿಯಾಗಿರುವ ತಿನಿಸು ಬೇಕು ಅಂತಾ ಅನಿಸೋದು ಸಹಜ. ನಿಮಗೂ ಒಂದೇ ತರಹದ ತಿಂಡಿ ತಿಂದು ತಿಂದು ಬೇಜಾರ್‌ ಆಗ್ಗಿದ್ದರೇ ಒಮ್ಮೆ ಕ್ಯಾಪ್ಸಿಕಂ ಬಾತ್ ಟ್ರೈ ಮಾಡಿ. ಬೆಳಿಗ್ಗೆ ತಿಂಡಿಗೆ ಮನೆಯಲ್ಲಿಯೇ ಮಾಡಿ ಸವಿಯಿರಿ ರುಚಿಕರವಾದ ಕ್ಯಾಪ್ಸಿಕಂ ಬಾತ್. ಮಾಡುವುದಕ್ಕೆ ಕೂಡ ಸುಲಭವಿದೆ. ಒ
ಬೇಕಾಗುವ ಸಾಮಾಗ್ರಿಗಳು : 4 ಟೇಬಲ್ ಸ್ಪೂನ್ ಎಣ್ಣೆ , ½ ಟೀ ಸ್ಪೂನ್ ಜೀರಿಗೆ, ¼ ಟೀ ಸ್ಪೂನ್ ಇಂಗು, ¼ ಟೀ ಸ್ಪೂನ್ ಸಾಸಿವೆ, ಕರಿಬೇವು, 1 ಬ್ಯಾಡಗಿ ಮೆಣಸು, 2 ಈರುಳ್ಳಿ, ¼ ಟೀ ಸ್ಪೂನ್ ಅರಿಶಿನ, ½ ಟೇಬಲ್ ಸ್ಪೂನ್ ಶುಂಠಿ ಬೆಳ್ಳುಳ್ಳಿ ಪೇಸ್ಟ್ , 1 ದೊಡ್ಡ ಸೈಜಿನ ಕ್ಯಾಪ್ಸಿಕಂ, ಟೊಮೆಟೊ, ¼ ಕಪ್ ಹಸಿ ಬಟಾಣಿ,3 ಟೇಬಲ್ ಸ್ಪೂನ್ ಹುಣಸೆ ಹಣ್ಣಿನ ರಸ, 2 ಟೇಬಲ್ ಸ್ಪೂನ್ ವಾಂಗಿಬಾತ್ ಪೌಡರ್, ½ ಟೀ ಸ್ಪೂನ್ ಖಾರದ ಪುಡಿ, 2 ಕಪ್ ಅನ್ನ, ಸ್ವಲ್ಪ ಕೊತ್ತಂಬರಿ ಸೊಪ್ಪು, ರುಚಿಗೆ ತಕ್ಕಷ್ಟು ಉಪ್ಪು.
ಇದನ್ನೂ ಓದಿ: ಬಾಯಿಗೂ ರುಚಿ, ಆರೋಗ್ಯಕ್ಕೂ ಹಿತ ಈ ಅರಿಶಿನದ ತಂಬುಳಿ
ತಯಾರಿಸುವ ವಿಧಾನ : ಒಂದು ಬಾಣಲೆಗೆ 4 ಟೇಬಲ್ ಸ್ಪೂನ್ ಎಣ್ಣೆ ಹಾಕಿ ಎಣ್ಣೆ ಬಿಸಿಯಾಗುತ್ತಲೇ ½ ಟೀ ಸ್ಪೂನ್ ಜೀರಿಗೆ, ¼ ಟೀ ಸ್ಪೂನ್ ಇಂಗು, ¼ ಟೀ ಸ್ಪೂನ್ ನಷ್ಟು ಸಾಸಿವೆ ಹಾಕಿ. ನಂತರ ಸ್ವಲ್ಪ ಕರಿಬೇವು, 1 ಬ್ಯಾಡಗಿ ಮೆಣಸನ್ನು ತುಂಡು ಮಾಡಿಹಾಕಿ. ನಂತರ 2 ಹದ ಗಾತ್ರದ ಈರುಳ್ಳಿ ಹಾಕಿ ಫ್ರೈ ಮಾಡಿಕೊಳ್ಳಿ. ಇದಕ್ಕೆ ¼ ಟೀ ಸ್ಪೂನ್ ಅರಿಶಿನ, ½ ಟೇಬಲ್ ಸ್ಪೂನ್ ನಷ್ಟು ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಹಾಕಿಕೊಳ್ಳಿ. ನಂತರ ಇದಕ್ಕೆ 1 ದೊಡ್ಡ ಸೈಜಿನ ಕ್ಯಾಪ್ಸಿಕಂ ಅನ್ನು ಉದ್ದಕ್ಕೆ ಕತ್ತರಿಸಿಕೊಂಡು ಹಾಕಿ.
ನಂತರ ಒಂದು ಸಣ್ಣ ಟೊಮೆಟೊ ಕತ್ತರಿಸಿಕೊಂಡು ಹಾಕಿ. ¼ ಕಪ್ ಹಸಿ ಬಟಾಣಿ, ಸ್ವಲ್ಪ ಉಪ್ಪು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿಕೊಂಡು ಒಂದು ಪ್ಲೇಟ್ ಮುಚ್ಚಿ. ಕ್ಯಾಪ್ಸಿಕಂ ಚೆನ್ನಾಗಿ ಬೇಯಲಿ. ನಂತರ 3 ಟೇಬಲ್ ಸ್ಪೂನ್ ನಷ್ಟು ಹುಣಸೆ ಹಣ್ಣಿನ ರಸ, 2 ಟೇಬಲ್ ಸ್ಪೂನ್ ವಾಂಗಿಬಾತ್ ಪೌಡರ್, ½ ಟೀ ಸ್ಪೂನ್ ಖಾರದ ಪುಡಿ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ. ನಂತರ ಇದಕ್ಕೆ 2 ಕಪ್ ಅನ್ನ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ. ನಂತರ ಸ್ವಲ್ಪ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ರುಚಿಕರವಾದ ಕ್ಯಾಪ್ಸಿಕಂ ಬಾತ್ ಸವಿಯಲು ಸಿದ್ಧ.
ಇದನ್ನೂ ಓದಿ: Food : ಮೃದುವಾದ ಮೆಂತ್ಯೆ ದೋಸೆ ಮಾಡಿ ಸವಿಯಿರಿ
(Capsicum Bath Recipe)