ನವದೆಹಲಿ : ವಿಶ್ವವೇ ಕೊರೋನಾ ಹಾವಳಿಯಿಂದ ತತ್ತರಿಸಿದೆ. ಜನರ ಸಮರ್ಪಕವಾಗಿ ವಿಮಾನಯಾನ ಸೇವೆ ಇಲ್ಲದೇ ತತ್ತರಿಸಿದ್ದಾರೆ. ಈ ನಡುವಲ್ಲೇ ಸರ್ಕಾರ, ವಿಮಾನದರವನ್ನು ಹೆಚ್ಚಿಸಿ ಪ್ರಯಾಣಿಕರಿಗೆ ಶಾಕ್ ನೀಡಿದೆ. ದೇಶೀಯ ವಿಮಾನಗಳ ಟಿಕೆಟ್ ದರದಲ್ಲಿ ಶೇ.9.83ರಿಂದ 12.82ರಷ್ಟು ಏರಿಕೆ ಮಾಡಲಾಗಿದೆ. ಕೆಳದರ್ಜೆ ಮತ್ತು ಮೇಲ್ದರ್ಜೆ ವಿಮಾನಗಳ ಪ್ರಯಾಣ ದರವನ್ನು ಹೆಚ್ಚಿಸಿ ನಾಗರಿಕ ವಿಮಾನಯಾನ ಸಚಿವಾಲಯ ಅಧಿಕೃತವಾಗಿ ಆದೇಶ ಹೊರಡಿಸಿದೆ.
ವಿಮಾನಯಾನ ಸಚಿವಾಲಯ ಗುರುವಾರ ಹೊಸ ಆದೇಶವನ್ನು ಹೊರಡಿಸಿದ್ದು, ಶೇ.65ರಷ್ಟಿದ್ದ ಸಾಮರ್ಥ್ಯವನ್ನು ಶೇ. 72.5ಕ್ಕೆ ಹೆಚ್ಚಿಸಿದೆ. ಈ ನಿಯಮ ಮುಂದಿನ ಆದೇಶ ಹೊರಡಿಸುವ ತನಕ ಜಾರಿಯಲ್ಲಿರುತ್ತದೆ ಎಂದು ಸಚಿವಾಲಯ ಹೇಳಿದೆ. ಕೆಳದರ್ಜೆ ಮತ್ತು ಮೇಲ್ದರ್ಜೆ ವಿಮಾನಗಳ ಪ್ರಯಾಣ ದರವನ್ನು ಹೆಚ್ಚಿಸಿ ನಾಗರಿಕ ವಿಮಾನಯಾನ ಸಚಿವಾಲಯ ಅಧಿಕೃತವಾಗಿ ಆದೇಶ ಹೊರಡಿಸಿದೆ. ಟಿಕೆಟ್ ದರದಲ್ಲಿ ಶೇ.9.83ರಿಂದ 12.82ರಷ್ಟು ಏರಿಕೆ ಮಾಡಲಾಗಿದೆ.
ಆದರೆ ಈಗ ಭಾರತೀಯ ವಿಮಾನಯಾನ ಸಂಸ್ಥೆಗಳು ವಿಮಾನಗಳ ಸಾಮರ್ಥ್ಯ ದರವನ್ನು ಶೇ.65ರ ಬದಲಿಗೆ ಶೇ.72.5ಕ್ಕೆ ಹೆಚ್ಚಿಸಿವೆ. ಸಚಿವಾಲಯದ ಅಧಿಕೃತ ಮಾಹಿತಿ ಪ್ರಕಾರ, ಜುಲೈ 5ರಿಂದ ಶೇ.65 ರಷ್ಟು ವಿಮಾನಗಳು ಮಾತ್ರ ಹಾರಾಟ ನಡೆಸುತ್ತಿದ್ದವು. ಜೂನ್ 1ರಂದು ಕೇಂದ್ರ ಸರ್ಕಾರವು ದರಗಳ ಮೇಲಿನ ಮಿತಿಯನ್ನು ಶೇ.15ರಷ್ಟು ಹೆಚ್ಚಿಸಿತ್ತು. ಇದರ ಜೊತೆಗೆ ಕನಿಷ್ಠ 2 ಬಾರಿ ಪ್ರಯಾಣ ದರ ಹೆಚ್ಚಾಗಿತ್ತು.
ಹೆಚ್ಚಿನ ಬೇಡಿಕೆ ಮತ್ತು ಸೀಮಿತ ವಿಮಾನಗಳ ಕಾರಣದಿಂದಾಗಿ ಅಸಹಜವಾಗಿ ಟಿಕೆಟ್ ದರವನ್ನು ಹೆಚ್ಚಿಸಲಾಗಿದೆ. ಕೆಳದರ್ಜೆ ಮತ್ತು ಮೇಲ್ದರ್ಜೆ ವಿಮಾನಗಳ ಪ್ರಯಾಣ ದರ ಹೆಚ್ಚಾಗಿದೆ. ಇದು ವಿಮಾನಯಾನ ಸಂಸ್ಥೆಗಳ ಮೇಲೆ ಹಾಕಲಾದ ತಾತ್ಕಾಲಿಕ ಮಿತಿಯಾಗಿದೆ ಎಂದು ಹಿಂದಿನ ವಿಮಾನಯಾನ ಸಚಿವ ಹರ್ದೀಪ್ ಸಿಂಗ್ ಪುರಿ ತಿಳಿಸಿದ್ದಾರೆ. ಈ ಬೆಲೆ ಹೆಚ್ಚಳದಿಂದಾಗಿ ದೆಹಲಿ-ಮುಂಬೈ ಮಾರ್ಗದ ಒಂದು ಕಡೆಯ ಪ್ರಯಾಣ ದರ 575ರೂ. ಹೆಚ್ಚಾಗಿದೆ. ಗರಿಷ್ಠ ವಿಮಾನ ದರ ಏರಿಕೆ 1625 ರೂಪಾಯಿಗಳಾಗಿವೆ. ಕೊರೋನಾ ಸಂದರ್ಭದಲ್ಲಿ ವಿಮಾನಗಳ ಮೇಲೆ ವಿಧಿಸಲಾಗಿದ್ದ ದರ ಮಿತಿಯನ್ನು ತೆಗೆಯುವಂತೆ ವಿಮಾನಯಾನ ಸಂಸ್ಥೆಗಳು ಸರ್ಕಾರಕ್ಕೆ ಮನವಿ ಮಾಡಿದ್ದವು.
ವಿಮಾನಗಳ ಸಾಮರ್ಥ್ಯಕ್ಕನುಗುಣವಾಗಿ ಕೇಂದ್ರ ಸರ್ಕಾರ ಕಳೆದ ವರ್ಷ 2 ತಿಂಗಳ ನಂತರ ಮೇ 25ರಂದು ಮತ್ತೆ ದೇಶೀಯ ವಿಮಾನಗಳ ಸಂಚಾರಕ್ಕೆ ಅನುಮತಿ ನೀಡಿತ್ತು. ಆಗ ಸಚಿವಾಲಯವು ಶೇ.33ರಷ್ಟು ವಿಮಾನಗಳು ಮಾತ್ರ ಕಾರ್ಯಾರಂಭ ಮಾಡುವಂತೆ ಹೇಳಿತ್ತು. ಡಿಸೆಂಬರ್ ವೇಳಗೆ ಈ ಮಿತಿಯನ್ನು ಶೇ.80ಕ್ಕೆ ಹೆಚ್ಚಿಸಲಾಯಿತು. ಜೂನ್ 1ರ ವರೆಗೆ ಶೇ.80ರಷ್ಟು ದರ ಮಿತಿ ಜಾರಿಯಲ್ಲಿತ್ತು. ಬಳಿಕ ಮೇ 28ರಂದು ಈ ನಿರ್ಧಾರವನ್ನು ಬದಲಿಸಿ, ದರ ಮಿತಿಯನ್ನು ಶೇ.80ರಿಂದ ಶೇ. 50ಕ್ಕೆ ಇಳಿಸಲಾಯಿತು. ದೇಶದಲ್ಲಿ ಏಕಾಏಕಿ ಕೋವಿಡ್ ಪ್ರಕರಣಗಳು ಹೆಚ್ಚಾದ ಹಿನ್ನೆಲೆ, ಪ್ರಯಾಣಿಕರ ಸಂಖ್ಯೆ ಗಣನೀಯವಾಗಿ ಕುಸಿದಿದ್ದರಿಂದ ಸರ್ಕಾರ ತ್ವರಿತವಾಗಿ ಈ ನಿರ್ಧಾರ ತೆಗೆದುಕೊಂಡಿತ್ತು.
ಇದನ್ನೂ ಓದಿ : Air India : ಸೌದಿ, ಕುವೈತ್‌ನಿಂದ ಭಾರತಕ್ಕೆ ವಿಮಾನ ಸೇವೆ : ಟಿಕೆಟ್ ಬುಕ್ಕಿಂಗ್ ಆರಂಭ
ಇದನ್ನೂ ಓದಿ : ವಿಮಾನಯಾನ ಪ್ರಯಾಣಿಕರಿಗೆ ಬಿಗ್ ಶಾಕ್ : ಶೆ. 15 ರಷ್ಟು ಏರಿಕೆಯಾಗಲಿದೆ ಪ್ರಯಾಣ ದರ