ಹಿಂದೂಗಳು ಹೊಸ ವರ್ಷ ‘ಯುಗಾದಿ’ಯ ನಂತರ ಆಚರಿಸುವ ಮೊದಲ ಹಬ್ಬ ಶ್ರೀ ರಾಮನ ಜನ್ಮ ದಿನ. ಚೈತ್ರ ಮಾಸದ, ಶುಕ್ಲ ಪಕ್ಷದ ನವಮಿಯ ದಿನದಂದು ರಾಮ ನವಮಿಯನ್ನು (Ram Navami 2023) ಆಚರಿಸಲಾಗುತ್ತದೆ. ಈ ವರ್ಷ ರಾಮ ನವಮಿಯನ್ನು ಗುರುವಾರ, ಮಾರ್ಚ್ 30 ರಂದು ಆಚರಿಸಲಾಗುತ್ತಿದೆ. ಶ್ರೀ ರಾಮನ ಜನ್ಮದಿನವನ್ನು ಶೃದ್ದಾ, ಭಕ್ತಿಯಿಂದ ಆಚರಿಸಲಾಗುತ್ತದೆ. ಭಗವಾನ್ ವಿಷ್ಣುವು ತನ್ನ ಏಳನೇ ಅವತಾರ ರಾಮಾವತಾರದಲ್ಲಿ ರಾಮನಾಗಿ ಜನ್ಮ ತಾಳಿದನು. ಆ ದಿನವನ್ನು ರಾಮ ನವಮಿ ಎಂದು ಆಚರಿಸಲಾಗುತ್ತದೆ. ರಾಮ ನವಮಿಯ ದಿನ, ಶುಭ ಮಹೂರ್ತ, ಮತ್ತು ಮಹತ್ವ ಇಲ್ಲಿದೆ ಓದಿ.
ರಾಮ ನವಮಿ (Ram Navami 2023) ಎಂದು ಆಚರಿಸಲಾಗುತ್ತಿದೆ ?
ಹಿಂದೂಗಳು ಆಚರಿಸುವ ಪ್ರಮುಖ ಹಬ್ಬಗಳಲ್ಲಿ ಒಂದಾದ ರಾಮ ನವಮಿಯನ್ನು ಈ ವರ್ಷ ಮಾರ್ಚ್ 30, 2023, ಗುರುವಾರದಂದು ಆಚರಿಸಲಾಗುತ್ತಿದೆ. ಹಿಂದೂ ಪಂಚಾಗದ ಪ್ರಕಾರ ವಸಂತ ಋತು, ಚೈತ್ರ ಮಾಸ, ಶುಕ್ಲ ಪಕ್ಷದ, ನವಮಿ ತಿಥಿಯು ರಾಮ ನವಮಿಯಾಗಿದೆ.
ಇದನ್ನೂ ಓದಿ: ನಿದ್ರಾಹೀನತೆಯೇ ? ಚೆನ್ನಾಗಿ ನಿದ್ದೆ ಮಾಡಲು ನಿತ್ಯದ ಆಹಾರದಲ್ಲಿ ಪಿಸ್ತಾ ಬಳಸಿ
ಮಹೂರ್ತ:
ನವಮಿ ತಿಥಿಯ 29 ಮಾರ್ಚ್ 2023 ರ ರಾತ್ರಿ 9 ಘಂಟೆ 7 ನಿಮಿಷಕ್ಕೆ ಪ್ರಾರಂಭವಾಗಿ, ಮರುದಿನ ಅಂದರೆ ಮಾರ್ಚ್ 30 ರ ರಾತ್ರಿ 11 ಘಂಟೆ 30 ನಿಮಿಷಕ್ಕೆ ಮುಕ್ತಾಯವಾಗಲಿದೆ. ಈ ಶುಭ ಮಹೂರ್ತದಲ್ಲಿ ದಾನ, ಧಾರ್ಮಿಕ ಕಾರ್ಯಗಳನ್ನು ಮಾಡಲಾಗುತ್ತದೆ. ರಾಮ ರಕ್ಷಾ ಸೂತ್ರದ ಪಠಣ ಮಾಡಲಾಗುತ್ತದೆ.
ರಾಮ ನವಮಿಯ ಮಹತ್ವ:
ರಾಮ ಭಕ್ತರಿಗೆ ರಾಮ ನವಮಿಯು ಮಹತ್ವದ್ದಾಗಿದೆ. ಜೀವನದಲ್ಲಿ ಸಹನೆ, ಧೈರ್ಯ ಸಿಗಲಿದೆ ಎಂಬ ನಂಬಿಕೆ ಇದೆ.
ಈ ದಿನ ವಿಷ್ಣುವಿನ ಅವತಾರವಾದ ಭಗವಾನ್ ಶ್ರೀರಾಮನನ್ನು ಪೂಜಿಸುವುದರಿಂದ ಭಕ್ತರ ಜೀವನದಿಂದ ಎಲ್ಲಾ ತೊಂದರೆಗಳು ದೂರವಾಗುತ್ತದೆ.
ಈ ದಿನ ಪೂಜಿಸುವುದರಿಂದ ಶ್ರೀ ರಾಮನ ಕೃಪೆಗೆ ಪಾತ್ರರಾಗಬಹುದು ಎಂಬ ನಂಬಿಕೆಯೂ ಇದೆ.
ಇದನ್ನೂ ಓದಿ: Public Exam 2023: 5 ಮತ್ತು 8ನೇ ತರಗತಿ ವಿದ್ಯಾರ್ಥಿಗಳಿಗೆ ಇಂದಿನಿಂದ ಬೋರ್ಡ್‌ ಪರೀಕ್ಷೆ, ಸುಪ್ರೀಂ ಕೋರ್ಟ್‌ನಲ್ಲಿ ವಿಚಾರಣೆ
(When is Ram Navami 2023. Know the tithi, date, time and significance)