Bipul Sharma Retirement : SRH ತಂಡದ ಆಟಗಾರ ಕ್ರಿಕೆಟ್‌ಗೆ ಗುಡ್‌ಬೈ : USA ತಂಡ ಸೇರಿಕೊಳ್ಳಲಿರುವ ಭಾರತೀಯ ಆಲ್‌ರೌಂಡರ್‌

ಐಪಿಎಲ್ ಆಡಳಿತ ಮಂಡಳಿ (ಜಿಸಿ) ಭಾನುವಾರ ನಡೆದ ಸಭೆಯಲ್ಲಿ ಮೆಗಾ ಹರಾಜು ದಿನಾಂಕಗಳನ್ನು ಔಪಚಾರಿಕವಾಗಿ ಅನುಮೋದಿಸಿದೆ. ಐಪಿಎಲ್ ಹರಾಜು ಎರಡು ದಿನಗಳ ಕಾಲ ಬೆಂಗಳೂರಿನಲ್ಲಿ ನಡೆಯಲಿದೆ ಮತ್ತು ಫೆಬ್ರವರಿ 12 ಮತ್ತು 13 ರಂದು ನಡೆಯಲಿದೆ. ಪ್ರಮುಖ ಬೆಳವಣಿಗೆಯಲ್ಲಿ IPL ತಂಡ ಸನ್‌ರೈಸರ್ಸ್ ಹೈದರಾಬಾದ್ SRH ಮಾಜಿ ಭಾರತೀಯ ಆಟಗಾರ ಬಿಪುಲ್ ಶರ್ಮಾ (Bipul Sharma Retirement) ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿದ್ದಾರೆ. ಅಲ್ಲದೇ ಅವರು ಭವಿಷ್ಯದಲ್ಲಿಅಮೇರಿಕಾ ತಂಡವನ್ನು(USA TEAM) ಸೇರಿಕೊಳ್ಳಲಿದ್ದಾರೆ.

ಬಿಪುಲ್ ಶರ್ಮಾ ಅವರು ಭಾರತೀಯ ದೇಶೀಯ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿದ್ದಾರೆ. ಅವರು ಐಪಿಎಲ್‌ನಲ್ಲಿ ಪಂಜಾಬ್ ಕಿಂಗ್ಸ್ ಮತ್ತು ಸನ್‌ರೈಸರ್ಸ್ ಹೈದರಾಬಾದ್ ಅನ್ನು ಪ್ರತಿನಿಧಿಸಿದ್ದಾರೆ. ಭವಿಷ್ಯದಲ್ಲಿ ಅವರು ಯುಎಸ್ಎ ಪರ ಆಡಲಿದ್ದಾರೆ. ಬಿಪುಲ್ ಶರ್ಮಾ ಒಬ್ಬ ಭಾರತೀಯ ಪ್ರಥಮ ದರ್ಜೆ ಕ್ರಿಕೆಟಿಗರಾಗಿದ್ದು, ದೇಶೀಯ ಕ್ರಿಕೆಟ್‌ನಲ್ಲಿ ಚಂಡೀಗಢ ಪರ ಪ್ರತಿನಿಧಿಸುತ್ತಿದ್ದಾರೆ. ಆಲ್ ರೌಂಡರ್ ಆಟಗಾರನಾಗಿರುವ ಬಿಪುಲ್‌ ಶರ್ಮಾ ಎಡಗೈ ಬ್ಯಾಟಿಂಗ್ ಜೊತೆಗೆ ನಿಧಾನಗತಿಯ ಎಡಗೈ ಸಾಂಪ್ರದಾಯಿಕ ಬೌಲಿಂಗ್ ಮೂಲಕ ಗಮನ ಸೆಳೆದಿದ್ದಾರೆ.

2010 ರ ಋತುವಿಗಾಗಿ IPL ತಂಡ ಕಿಂಗ್ಸ್ XI ಪಂಜಾಬ್‌ನಿಂದ ಸಹಿ ಹಾಕಿದ್ದರು. ಅಲ್ಲದೇ 2013 ರಲ್ಲಿ ಉತ್ತಮ ಪ್ರದರ್ಶನ ಬ್ಯಾಕ್‌ ಅಪ್‌ ಆಟಗಾರರಾಗಿ ನಾಲ್ಕು ವರ್ಷಗಳ ಕಾಲ ಆಡಿದ್ದಾರೆ. ಆದರೆ 2014 ರ ಋತುವಿಗಾಗಿ ಅವರ ಪಟ್ಟಿಯಿಂದ ಕೈಬಿಡಲಾಯಿತು. ಸನ್‌ರೈಸರ್ಸ್ ಹೈದರಾಬಾದ್‌ ತಂಡದಲ್ಲಿ ಮತ್ತೆ ಕಾಣಿಸಿಕೊಂಡಿದ್ದ ಶರ್ಮಾ 2016 ರ ಹೈದ್ರಾಬಾದ್‌ ತಂಡ ಐಪಿಎಲ್‌ ಪ್ರಶಸ್ತಿ ಪಡೆಯುವ ಹೊತ್ತಲ್ಲೇ ನಾಕೌಟ್‌ ಪಂದ್ಯಗಳಲ್ಲಿ ಕಾಣಿಸಿಕೊಂಡಿದ್ದರು. ಅದ್ರಲ್ಲೂ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ಎಲಿಮಿನೇಟರ್‌ನಲ್ಲಿ 11 ಎಸೆತಗಳಲ್ಲಿ 27 ರನ್ ಮತ್ತು ಫೈನಲ್‌ನಲ್ಲಿಯೇ ಎಬಿ ಡಿವಿಲಿಯರ್ಸ್ ಅವರ ನಿರ್ಣಾಯಕ ವಿಕೆಟ್ ಪಡೆದರು. ಬಿಪುಲ್ ಶರ್ಮಾ ತಮ್ಮ IPL ವೃತ್ತಿಜೀವನವನ್ನು ದಾಖಲೆಯ ಕಡಿಮೆ ಡಾಟ್ ಬಾಲ್ ಶೇಕಡಾವಾರು (26.83%) ದೊಂದಿಗೆ ಮುಗಿಸಿದರು.

2020 ರಲ್ಲಿ ಅವರು ಯುಕೆಯ ಲಿವರ್‌ಪೂಲ್ ಲೀಗ್‌ನಲ್ಲಿ ಫಾರ್ಂಬಿಗಾಗಿ ಆಡಲು ಒಪ್ಪಂದಕ್ಕೆ ಸಹಿ ಹಾಕಿದ್ದರು. ಆದರೆ COVID-19 ಸಾಂಕ್ರಾಮಿಕ ರೋಗದ ಹಿನ್ನೆಲೆಯಲ್ಲಿ ಒಪ್ಪಂದ ವಿಳಂಬವಾಯಿತು. ಇದೀಗ ಶರ್ಮಾ ಅವರು USA ತಂಡವನ್ನು ಸೇರಲು ಸಿದ್ಧರಾಗಿದ್ದಾರೆ. SRH ಇತ್ತೀಚೆಗೆ IPL 2022 ಗಾಗಿ ಟಾಮ್ ಮೂಡಿ, ಬ್ರೈನ್ ಲಾರಾ, ಮುತ್ತಯ್ಯ ಮುರಳೀಧರನ್ ತರಬೇತುದಾರರನ್ನು ಘೋಷಿಸಿತು. ಇನ್ನೊಂದೆಡೆ ಬಲಾಢ್ಯ ಆಟಗಾರರ ಎನಿಸಿಕೊಂಡಿರುವ ಡೇವಿಡ್ ವಾರ್ನರ್ ಮತ್ತು ರಶೀದ್ ಖಾನ್ ಅವರನ್ನು ತಂಡದಿಂದ ಕೈಬಿಡಲಾಯಿತು.

ಸನ್‌ರೈಸಸ್‌ ಹೈದ್ರಾಬಾದ್‌ ತಂಡ ಐಪಿಎಲ್ 2022 ಸೀಸನ್‌ಗೆ ಹೊಸ ಆರಂಭವನ್ನು ಮಾಡಲು ನೋಡುತ್ತಿದ್ದಾರೆ. ಐಪಿಎಲ್ 2022 ರ ಮೆಗಾ ಹರಾಜಿನ ಮೊದಲು, ಹೈದರಾಬಾದ್ ಮೂಲದ ಫ್ರಾಂಚೈಸ್ ಸ್ಟಾರ್-ಸ್ಟಡ್ಡ್ ಕೋಚಿಂಗ್ ಸಿಬ್ಬಂದಿಯನ್ನು ಹೆಸರಿಸಿದೆ. ಟ್ರೆವರ್ ಬೇಲಿಸ್ 2021 ರಲ್ಲಿ ನಿರಾಶಾದಾಯಕ ಋತುವಿನ ನಂತರ ಮುಖ್ಯ ತರಬೇತುದಾರರಾಗಿ ಕೆಳಗಿಳಿದರು. VVS ಲಕ್ಷ್ಮಣ್ ಅವರು ಭಾರತದ NCA ಯಲ್ಲಿ ಅವರ ಹೊಸ ಪಾತ್ರದ ಕಾರಣದಿಂದ ಮಾರ್ಗದರ್ಶಕರಾಗಿ ನಿರ್ಗಮಿಸಿದರು.

ಆದ್ದರಿಂದ, SRH ಅನೇಕ ಖಾಲಿ ಸ್ಥಾನಗಳನ್ನು ತುಂಬಬೇಕಾಗಿತ್ತು, ಮತ್ತು ಅವರು ವೆಸ್ಟ್ ಇಂಡೀಸ್ ದಂತಕಥೆ ಬ್ರಿಯಾನ್ ಲಾರಾ ಅವರನ್ನು ತಮ್ಮ ಹೊಸ ಬ್ಯಾಟಿಂಗ್ ಕೋಚ್ ಆಗಿ ಮತ್ತು ದಕ್ಷಿಣ ಆಫ್ರಿಕಾದ ದಂತಕಥೆ ಡೇಲ್ ಸ್ಟೇನ್ ಅವರ ಹೊಸ ವೇಗದ ಬೌಲಿಂಗ್ ತರಬೇತುದಾರರಾಗಿ ಸಹಿ ಹಾಕುವ ಮೂಲಕ ಅತ್ಯುತ್ತಮ ಕೆಲಸ ಮಾಡಿದ್ದಾರೆ. ಚೆನ್ನೈ ಸೂಪರ್ ಕಿಂಗ್ಸ್‌ನ ಮಾಜಿ ಆಟಗಾರ ಹೇಮಂಗ್ ಬದಾನಿ ಫೀಲ್ಡಿಂಗ್ ಕೋಚ್ ಮತ್ತು ಟ್ಯಾಲೆಂಟ್ ಸ್ಕೌಟ್ ಆಗಿ ತಂಡವನ್ನು ಸೇರಿಕೊಂಡಿದ್ದಾರೆ.

ಏತನ್ಮಧ್ಯೆ, ಆಸ್ಟ್ರೇಲಿಯಾದ ಮಾಜಿ ಆಲ್‌ರೌಂಡರ್ ಸೈಮನ್ ಕ್ಯಾಟಿಚ್ ಸನ್‌ರೈಸರ್ಸ್ ಹೈದರಾಬಾದ್‌ನ ಹೊಸ ಸಹಾಯಕ ಕೋಚ್ ಆಗಿದ್ದಾರೆ. ಐಪಿಎಲ್ 2022 ರಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ತಂಡದ ಮುಖ್ಯ ಕೋಚ್ ಟಾಮ್ ಮೂಡಿ. ಬ್ರೈನ್ ಲಾರಾ ಬ್ಯಾಟಿಂಗ್ ಕೋಚ್ ಪಾತ್ರದ ಜೊತೆಗೆ ಕಾರ್ಯತಂತ್ರದ ಸಲಹೆಗಾರರಾಗಿದ್ದಾರೆ. ಅಲ್ಲದೆ, ಮುತ್ತಯ್ಯ ಮುರಳೀಧರನ್ ತಂಡದ ಸ್ಪಿನ್ ಬೌಲಿಂಗ್ ಕೋಚ್ ಆಗಿದ್ದಾರೆ.

ಇದನ್ನೂ ಓದಿ : Ahmedabad IPL 2022 : ಗ್ಯಾರಿ ಕ್ರಿಸ್ಟನ್, ಆಶಿಶ್ ನೆಹ್ರಾ, ವಿಕ್ರಮ್ ಸೋಲಂಕಿ ಸೆಳೆಯಲು ಮುಂದಾದ ಅಹಮದಾಬಾದ್‌

ಇದನ್ನೂ ಓದಿ : IPL Most Expensive Players : ಐಪಿಎಲ್‌ನ ಅತ್ಯಂತ ದುಬಾರಿ ಆಟಗಾರರು ಯಾರು ಗೊತ್ತಾ ?

( SRH former Indian player announced retirement, will join USA Team in future : Bipul Sharma Retirement)