RR retention IPL 2025 : ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಹರಾಜಿಗೆ ಮೊದಲು ತಂಡಗಳು ತಮ್ಮಲ್ಲಿ ಉಳಿಸಿಕೊಳ್ಳುವ ಆಟಗಾರರ ಪಟ್ಟಿಯನ್ನು ಪ್ರಕಟಿಸಬೇಕಾಗಿದೆ. ಈ ನಿಟ್ಟಿನಲ್ಲಿ ಕನ್ನಡಿಗ ರಾಹುಲ್‌ ದ್ರಾವಿಡ್‌ ತರಬೇತುದಾರರಾಗಿರುವ ರಾಜಸ್ಥಾನ ರಾಯಲ್ಸ್‌ ತಂಡ ಇದೀಗ ರಿಟೆನ್ಶನ್‌ ಪಟ್ಟಿಯನ್ನು ಪ್ರಕಟಿಸಿದೆ. ಯಜುವೇಂದ್ರ ಚಹಾಲ್‌ಗೆ ಕೋಕ್‌ ನೀಡುವುದು ಖಚಿತವಾಗಿದ್ದು, ಸಂಜು ಸ್ಯಾಮ್ಸನ್, ಯಶಸ್ವಿ ಜೈಸ್ವಾಲ್, ಪರಾಗ್, ಬಟ್ಲರ್ ತಂಡದಲ್ಲಿ ಉಳಿದುಕೊಳ್ಳುವುದು ಖಚಿತ.
ಐಪಿಎಲ್ 2025 ಮೆಗಾ ಹರಾಜಿನ ಮೊದಲು ಗರಿಷ್ಠ ಆರು ಆಟಗಾರರನ್ನು ಉಳಿಸಿಕೊಳ್ಳಲು ಎಲ್ಲಾ ತಂಡಗಳಿಗೆ ಅವಕಾಶ ಕಲ್ಪಿಸಲಾಗಿದೆ. ಆರು ಆಟಗಾರರ ಪೈಕಿ ಗರಿಷ್ಠ ಐದು (ಭಾರತೀಯ ಅಥವಾ ಸಾಗರೋತ್ತರ) ಮತ್ತು ಗರಿಷ್ಠ ಎರಡು ಅನ್‌ಕ್ಯಾಪ್ ಆಗಿರಬಹುದು. ಆರ್‌ಆರ್‌ ತಂಡಕ್ಕೆ ಹೊಸ ಕೋಚ್‌ ಆಗಿ ಆಯ್ಕೆಯಾಗಿರುವ ರಾಹುಲ್‌ ದ್ರಾವಿಡ್‌ ಅವರು ಮುಂದಿನ ಆವೃತ್ತಿಗಾಗಿ ತಂಡವನ್ನು ಸಿದ್ದಪಡಿಸಬೇಕಾಗಿದೆ.
IPL 2025 : ಆರ್‌ಆರ್‌ ಉಳಿಸಿಕೊಳ್ಳುವ ಆಟಗಾರರ ಪಟ್ಟಿ
- ಸಂಜು ಸ್ಯಾಮ್ಸನ್ – ರೂ. 18 ಕೋಟಿ
- ಯಶಸ್ವಿ ಜೈಸ್ವಾಲ್ – ರೂ. 18 ಕೋಟಿ
- ಜೋಸ್ ಬಟ್ಲರ್ – ರೂ. 14 ಕೋಟಿ
- ರಿಯಾನ್ ಪರಾಗ್ – ರೂ. 11 ಕೋಟಿ
- ಸಂದೀಪ್ ಶರ್ಮಾ – ರೂ. 4 ಕೋಟಿ (ಅನ್‌ಕ್ಯಾಪ್ಡ್)
- RTM (ಮೆಗಾ ಹರಾಜಿನ ಸಮಯದಲ್ಲಿ ಹೊಂದಾಣಿಕೆಗೆ ತಕ್ಕಂತೆ ಖರೀದಿ ಸಾಧ್ಯತೆ )
ರಾಜಸ್ಥಾನ ರಾಯಲ್ಸ್‌ ತಂಡದಲ್ಲಿ ಉಳಿದ ಹಣ : 55 ಕೋಟಿ
ಸಂಜು ಸ್ಯಾಮ್ಸನ್- ಯಶಸ್ವಿ ಜೈಸ್ವಾಲ್‌ಗೆ 18 ಕೋಟಿ ರೂ.
ರಾಜಸ್ಥಾನ ರಾಯಲ್ಸ್‌ ತಂಡವನ್ನು ಕಳೆದ ಕೆಲವು ಋತುವಿನಲ್ಲಿಯೂ ಮುನ್ನೆಡೆಸುತ್ತಿರುವುದು ಖ್ಯಾತ ಆಟಗಾರ ಸಂಜು ಸ್ಯಾಮ್ಸನ್. ಅತೀ ಹೆಚ್ಚು ಗೆಲುವು ಮಾತ್ರವಲ್ಲದೇ ಅತೀ ಹೆಚ್ಚು ಬಾರಿ ಆರ್‌ಆರ್‌ ತಂಡವನ್ನು ನಾಯಕನಾಗಿ ಮುನ್ನೆಡೆಸಿರುವುದು ಕೂಡ ಸ್ಯಾಮ್ಸನ್. 2021 ರಲ್ಲಿ ನಾಯಕನಾಗಿ ಆಯ್ಕೆಯಾದ ಸ್ಯಾಮ್ಸನ್. ಐಪಿಎಲ್ 2022 ಮತ್ತು ಐಪಿಎಲ್ 2024 ರಲ್ಲಿ ತಂಡವನ್ನು ಪ್ಲೇಆಫ್‌ಗೆ ಮುನ್ನೆಡೆಸಿದ ಖ್ಯಾತಿಗೆ ಪಾತ್ರರಾಗಿದ್ದಾರೆ. ಅಲ್ಲದೇ ಅವರು ಅತ್ಯುತ್ತಮ ಆಟಗಾರ ಅನ್ನೋದನ್ನು ಯಾರೂ ಮರೆಯೋದಕ್ಕೆ ಸಾಧ್ಯವಿಲ್ಲ.
ಇನ್ನು ಯಶಸ್ವಿ ಜೈಸ್ವಾಲ್ ಕೂಡ ಸದ್ಯ ಅತ್ಯುತ್ತಮ ಫಾರ್ಮ್‌ನಲ್ಲಿದ್ದಾರೆ. ಅಲ್ಲದೇ ಐಪಿಎಲ್‌ನಲ್ಲಿ ಆರಂಭಿಕ ಆಟಗಾರನಾಗಿ 1000 ರನ್‌ಗಳನ್ನು ಗಳಿಸಿದ ಆಟಗಾರರಲ್ಲಿ ಐದನೇ ಅತ್ಯುತ್ತಮ ಸ್ಟ್ರೈಕ್ ರೇಟ್ ಹೊಂದಿದ್ದಾರೆ. ಸದ್ಯ ಆರ್ ಆರ್ ತಂಡ 18 ಕೋಟಿ ರೂಪಾಯಿಗೆ ತಂಡಕ್ಕೆ ರಿಟೇನ್‌ಮಾಡಿದೆ. ಮುಂದಿನ ಹಲವು ವರ್ಷಗಳ ತಂಡ ಜೈಸ್ವಾಲ್ ತಂಡಕ್ಕೆ ಆಡುವ ಸಾಮರ್ಥ್ಯವನ್ನು ಹೊಂದಿದ ಆಟಗಾರ. ಅಲ್ಲದೇ ಭವಿಷ್ಯದಲ್ಲಿ ನಾಯಕನಾಗುವ ಅರ್ಹತೆಯೂ ಇದೇ ಕಾರಣದಿಂದಲೇ ತಂಡ ದುಬಾರಿ ಮೊತ್ತಕ್ಕೆ ಜೈಸ್ವಾಲ್ ಅವರನ್ನು ಉಳಿಸಿಕೊಂಡಿದೆ.
ಯಜುವೇಂದ್ರ ಚಾಹಲ್, ಬೌಲ್ಟ್ ಮತ್ತು ಹೆಟ್ಮೆಯರ್ ಬಗ್ಗೆ ಇನ್ನೂ ತಂಡ ನಿರ್ಧಾರ ಮಾಡಿಲ್ಲ. ಆದರೆ ರಿಯಾನ್ ಪರಾಗ್ ಹಾಗೂ ಜೋಸ್ ಬಟ್ಲರ್ ಆರ್‌ಆರ್‌ ತಂಡದ ಪರ ಮುಂದಿನ ಐಪಿಎಲ್ ಆವೃತ್ತಿಯಲ್ಲಿ ಆಡುವುದು ಖಚಿತ. ರಿಯಾನ್ ಪರಾಗ್ RR ತಂಡದ ಪರವಾಗಿ IPL 2019 ರಿಂದ 2023 ರ ವರೆಗೆ ತಂಡದ ಭಾಗವಾಗಿದ್ದಾರೆ. ಅಲ್ಲದೇ ಸದ್ಯ ಟೀಂ ಇಂಡಿಯಾದಲ್ಲಿಯೂ ಸ್ಥಾನ ಪಡೆದುಕೊಂಡಿದ್ದು, ಖಾಯಂ ಆಟಗಾರನಾಗುವತ್ತ ಹೆಜ್ಜೆ ಇಟ್ಟಿದ್ದಾರೆ.
ಇದನ್ನೂ ಓದಿ : IPL 2025 : ಎಂಎಸ್ ಧೋನಿ ನಿವೃತ್ತಿ: ಸಿಎಸ್‌ಕೆ ತಂಡಕ್ಕೆ ರಿಷಬ್ ಪಂತ್
ಜೋಸ್ ಬಟ್ಲರ್ 40 ಕ್ಕಿಂತ ಹೆಚ್ಚು ಸರಾಸರಿ ಮತ್ತು RR ಗಾಗಿ ಸುಮಾರು 150 ಸ್ಟ್ರೈಕ್ ಮಾಡಿದ್ದಾರೆ. ಅಲ್ಲದೇ ವಿಕೆಟ್ ಕೀಪಿಂಗ್‌ನಲ್ಲಿ ಸಾಕಷ್ಟು ಶ್ರಮವಹಿಸಿ ದುಡಿಯುತ್ತಾರೆ. ಕಳೆದ ಋತುವಿನ ಕೊನೆಯಲ್ಲಿ ಅವರು ತೊರೆದಾಗ, RR ಅವರ ಅನುಪಸ್ಥಿತಿಯನ್ನು ಅನುಭವಿಸಿತು. ಅವರು ಹೋದ ನಂತರ, ಅವರು ಪೂರ್ಣಗೊಂಡ ಮೂರು ಪಂದ್ಯಗಳಲ್ಲಿ ಎರಡನ್ನು ಕಳೆದುಕೊಂಡಿತ್ತು. ಇದೇ ಕಾರಣದಿಂದಲೇ ಆರ್‌ಆರ್‌ ತಂಡಕ್ಕೆ ಟ್ರೋಫಿ ಗೆಲ್ಲಲು ಸಾಧ್ಯವಾಗಲೇ ಇಲ್ಲ.
ಯುಜ್ವೇಂದ್ರ ಚಹಾಲ್, ಟ್ರೆಂಟ್ ಬೌಲ್ಟ್ ಮತ್ತು ಶಿಮ್ರಾನ್ ಹೆಟ್ಮೆಯರ್ ಅವರು ಹರಾಜಿನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಓರ್ವ ಆಟಗಾರನ ಆಯ್ಕೆಯಾಗಿ ರೈಟ್ ಟು ಮ್ಯಾಚ್ (ಆರ್‌ಟಿಎಂ) ಕಾರ್ಡ್ ಅನ್ನು ಬಳಸಬಹುದು. ಅವೇಶ್ ಖಾನ್, ಧ್ರುವ್ ಜುರೆಲ್ ಮತ್ತು ಪ್ರಸಿದ್ಧ್ ಕೃಷ್ಣ RR RTM ಕಾರ್ಡ್ ಅನ್ನು ಬಳಸಬಹುದಾಗಿದೆ. ಟ್ರೆಂಟ್ ಬೌಲ್ಟ್, ಚಾಹಲ್ ಅಥವಾ ಹೆಟ್ಮೆಯರ್ ಒಬ್ಬರನ್ನು ಆರ್‌ಟಿಎಂ ಬಳಸಿ ತಂಡದಲ್ಲಿ ಉಳಿಸಿಕೊಳ್ಳುವ ಸಾಧ್ಯತೆಯಿದೆ.
ಇನ್ನು ಸಂದೀಪ್ ಶರ್ಮಾ ಆರ್‌ಆರ್‌ ತಂಡದ ಏಕೈಕ ಅನ್‌ಕ್ಯಾಪ್ಡ್ ಆಟಗಾರ. 2013 ರಿಂದ 2020 ರವರೆಗೆ, ಸಂದೀಪ್ ಶರ್ಮಾ ಐಪಿಎಲ್‌ನ ಅತ್ಯುತ್ತಮ ಪವರ್‌ಪ್ಲೇ ಬೌಲರ್‌ಗಳಲ್ಲಿ ಒಬ್ಬರಾಗಿದ್ದರು. ಐಪಿಎಲ್ 2021-22 ಋತುವಿನಲ್ಲಿ 12 ಪಂದ್ಯಗಳಲ್ಲಿ ಕೇವಲ ಅವರು 5 ವಿಕೆಟ್ ಮಾತ್ರವೇ ಪಡೆದುಕೊಂಡಿದ್ದರು. 2023 ರಲ್ಲಿ RR ಗೆ ಸೇರಿದ ನಂತರ, ಅವರು ಬೌಲರ್ ಆಗಿ ಬದಲಾದರು. ಕಳೆದ ಋತುವಿನಲ್ಲಿ, ಅವರ 13 ವಿಕೆಟ್‌ಗಳಲ್ಲಿ ಕೇವಲ 4 ಪವರ್‌ಪ್ಲೇಯಲ್ಲಿ ಬಂದವು. ಅವರ ಘನ ಪ್ರದರ್ಶನದ ನಂತರ 9 ವರ್ಷಗಳ ನಂತರ ಟೀಮ್ ಇಂಡಿಯಾಕ್ಕೆ ಮರಳುವ ಮಾತುಗಳು ಕೇಳಿಬಂದಿದೆ. ಇನ್ನು ಐಪಿಎಲ್ 2024 ರಲ್ಲಿ ಮಧ್ಯಮ ಮತ್ತು ಡೆತ್ ಓವರ್‌ಗಳಲ್ಲಿ ಬೌಲಿಂಗ್ ಮಾಡುವಾಗ ಮಧ್ಯಮ ವೇಗಿ 24 ಕ್ಕೆ 13 ವಿಕೆಟ್‌ಗಳನ್ನು ಉರುಳಿಸಿದ ನಂತರ RR ಅವರನ್ನು 4 ಕೋಟಿ ರೂಪಾಯಿಗಳಿಗೆ ಉಳಿಸಿಕೊಳ್ಳಲಿದೆ.
ರಾಜಸ್ಥಾನ ರಾಯಲ್ಸ್‌ ತಂಡ :
ಸಂಜು ಸ್ಯಾಮ್ಸನ್ (ನಾಯಕ), ರವಿಚಂದ್ರನ್ ಅಶ್ವಿನ್, ಯುಜ್ವೇಂದ್ರ ಚಾಹಲ್, ಪ್ರಸಿದ್ಧ್ ಕೃಷ್ಣ, ನವದೀಪ್ ಸೈನಿ, ಅವೇಶ್ ಖಾನ್, ಯಶಸ್ವಿ ಜೈಸ್ವಾಲ್, ಕುಲದೀಪ್ ಸೇನ್, ಸಂದೀಪ್ ಶರ್ಮಾ, ರಿಯಾನ್ ಪರಾಗ್, ಧ್ರುವ್ ಜುರೆಲ್ (wk), ಕುನಾಲ್ ಸಿಂಗ್ ರಾಥೋಡ್, ಜೋಸ್ ಬಟ್ಲರ್ (wk), ಟ್ರೆಂಟ್ ಬೌಲ್ಟ್, ಆಡಮ್ ಝಂಪಾ, ಶಿಮ್ರಾನ್ ಹೆಟ್ಮೆಯರ್, ಡೊನೊವನ್ ಫೆರೇರಾ, ರೋವ್ಮನ್ ಪೊವೆಲ್, ಟಾಮ್ ಕೊಹ್ಲರ್-ಕಾಡ್ಮೋರ್, ನಾಂದ್ರೆ ಬರ್ಗರ್, ಅಬಿದ್ ಮುಷ್ತಾಕ್, ಶುಭಂ ದುಬೆ, ಕೇಶವ್ ಮಹಾರಾಜ್, ತನುಷ್ ಕೋಟ್ಯಾನ್
ಇದನ್ನೂ ಓದಿ : IPL 2025 Auction : ಸೂರ್ಯಕುಮಾರ್‌ಗಾಗಿ ಶ್ರೇಯಸ್‌ ಅಯ್ಯರ್‌ ಮುಂಬೈಗೆ ಮಾರಾಟಕ್ಕೆ ಸಿದ್ದವಾದ ಕೆಕೆಆರ್‌
RR retention IPL 2025: Chahal out from Rajasthan Royals, 18 crores for Sanju Samson, Yashasvi Jaiswal