Rahul Gandhi on tanning:ಪಾದಯಾತ್ರೆಯಿಂದ ಟ್ಯಾನ್​ ಆಗದಂತೆ ಏನು ಮಾಡ್ತೀರಿ ಎಂದು ಕೇಳಿದವರಿಗೆ ಹೀಗಿತ್ತು ರಾಹುಲ್​ ಗಾಂಧಿ ಉತ್ತರ

ಬಳ್ಳಾರಿ : Rahul Gandhi on tanning : ದೇಶದಲ್ಲಿ ಕಾಂಗ್ರೆಸ್​ ತನ್ನ ಅಸ್ತಿತ್ವವನ್ನು ಕಳೆದುಕೊಳ್ತಿದೆ ಎಂಬ ಕಹಿಸತ್ಯವನ್ನು ಅರಿತಿರುವ ರಾಹುಲ್​ ಗಾಂಧಿ ಭಾರತ್​ ಜೋಡೋ ಯಾತ್ರೆಯ ಮೂಲಕ ಎಲ್ಲೆಡೆ ಪಾದಯಾತ್ರೆಯನ್ನು ಮಾಡಿ ಕಾಂಗ್ರೆಸ್​ ಪಕ್ಷದ ಬಗ್ಗೆ ಜನರಲ್ಲಿ ಮತ್ತೆ ವಿಶ್ವಾಸವನ್ನು ಮೂಡಿಸುವ ಪ್ರಯತ್ನವನ್ನು ಮಾಡ್ತಿದ್ದಾರೆ. ರಾಜ್ಯದಲ್ಲಿ ವಿಧಾನಸಭಾ ಚುನಾವಣೆ ಸಮೀಪಿಸುತ್ತಿರುವ ಹಿನ್ನೆಲೆಯಲ್ಲಿ ಸದ್ಯ ರಾಹುಲ್​ ಗಾಂಧಿ ಕರ್ನಾಟಕದಲ್ಲಿಯೇ ಠಿಕಾಣಿ ಹೂಡಿದ್ದು ಭಾರತ್​ ಜೋಡೋ ಯಾತ್ರೆಯಲ್ಲಿ ಮುಂದಾಳತ್ವ ವಹಿಸಿದ್ದಾರೆ. ನಿನ್ನೆ ಎಐಸಿಸಿ ಅಧ್ಯಕ್ಷ ಸ್ಥಾನಕ್ಕೆ ಚುನಾವಣೆ ಇದ್ದ ಹಿನ್ನೆಲೆಯಲ್ಲಿ ಭಾರತ್​ ಜೋಡೋ ಯಾತ್ರೆಗೆ ವಿರಾಮವನ್ನು ನೀಡಲಾಗಿತ್ತು. ಆದರೆ ಇಂದು ಈ ಭಾರತ್​ ಜೋಡೋ ಯಾತ್ರೆ ಮತ್ತೆ ಕಿಕ್​ಸ್ಟಾರ್ಟ್ ಪಡೆದುಕೊಂಡಿದೆ.

ಭಾರತ್​ ಜೋಡೋ ಯಾತ್ರೆ ಅಂದಮೇಲೆ ಬಿಸಿಲು ಗಾಳಿ ಎನ್ನದೇ ಪಾದಯಾತ್ರೆಯಲ್ಲಿ ಭಾಗಿಯಾಗಬೇಕು. ಇದೇ ರೀತಿ ಪಾದಯಾತ್ರೆಯಲ್ಲಿ ತನ್ನನ್ನು ತಾನು ತೊಡಗಿಸಿಕೊಂಡಿರುವ ರಾಹುಲ್​ ಗಾಂಧಿಗೆ ಸ್ಥಳೀಯರು ನೀವು ಬಿಸಿಲಿನಿಂದ ಟ್ಯಾನ್​ ಆಗೋದನ್ನು ಹೇಗೆ ತಪ್ಪಿಸಿಕೊಳ್ತೀರಿ ಎಂದು ಕೇಳಿದ್ದಾರೆ. ಇದಕ್ಕೆ ರಾಹುಲ್​ ಗಾಂಧಿ ನಾನು ಯಾವುದೇ ರೀತಿಯ ಸನ್​ಸ್ಕ್ರೀನ್​ ಬಳಕೆ ಮಾಡುವುದಿಲ್ಲ. ನನ್ನ ತಾಯಿ ಪಾದಯಾತ್ರೆಗೆ ಹೊರಡುವ ಮುನ್ನ ನನಗೆ ಸನ್​ಸ್ಕ್ರೀನ್​ ನೀಡಿದ್ದರು. ಆದರೆ ಅವುಗಳನ್ನು ನಾನು ಬಳಸುತ್ತಿಲ್ಲ ಎಂದು ಹೇಳಿದ್ದಾರೆ.

ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗಿರುವ ವಿಡಿಯೋದಲ್ಲಿ ಸ್ಥಳೀಯರೊಬ್ಬರು ನೀವು ಯಾವ ಸನ್​ಸ್ಕ್ರೀನ್​ ಬಳಸುತ್ತೀರಿ ಎಂದು ಕೇಳಿದರ ಜೊತೆಯಲ್ಲಿ ನಿಮ್ಮ ಮುಖ ಕೂಡ ಶೈನ್​ ಆಗಿದೆ ಎಂದು ಹೊಗಳುತ್ತಿರೋದನ್ನು ಕಾಣಬಹುದಾಗಿದೆ.

Mr @RahulGandhi :

I don’t use sunscreen…

मेरी माँ ने मेरे लिए Sunscreen भेजी है लेकिन मैं इस्तेमाल नही करता pic.twitter.com/VTNTWHLHiZ

— Supriya Bhardwaj (@Supriya23bh) October 17, 2022