ಏರ್ಟೆಲ್ ಹಾಗೂ ವೊಡಾಫೋನ್ ಐಡಿಯಾದಂತಹ ಟೆಲಿಕಾಂ ಕಂಪನಿಗಳು ಗ್ರಾಹಕರ ಜೇಬಿಗೆ ಬೆಲೆ ಏರಿಕೆಯ ಬಿಸಿ ಮುಟ್ಟಿಸುತ್ತಿರುವುದರ ನಡುವೆಯೇ ರಿಯಲನ್ಸ್ ಜಿಯೋ( Jio ₹1 Prepaid Plan) ಇದೀಗ ಕೇವಲ 1 ರೂಪಾಯಿ ಮೌಲ್ಯದ ವಿಶೇಷ ಪ್ಲಾನ್ ಒಂದನ್ನು ಪರಿಚಯಿಸಿದೆ.
ಇದು ಬಹುಶಃ ಭಾರತೀಯ ಟೆಲಿಕಾಂ ಕಂಪನಿಗಳು ಈವರೆಗೆ ನೀಡಿದ ಅತ್ಯಂತ ಅಗ್ಗದ ಪ್ರೀಪೇಯ್ಡ್ ಯೋಜನೆ ಎಂದು ಹೇಳಿದರೂ ಸಹ ತಪ್ಪಾಗಲಾರದು.ಇದೊಂದು ಡೇಟಾ ಯೋಜನೆಯಾಗಿದ್ದು ಇಲ್ಲಿ ಗ್ರಾಹಕರಿಗೆ 100 ಎಂಬಿ ಡೇಟಾ ಸಿಗಲಿದೆ. ಈ ರಿಚಾರ್ಜ್ 30 ದಿನಗಳ ಮಾನ್ಯತೆಯನ್ನು ಹೊಂದಿದೆ. 100 ಎಂಬಿ ಡೇಟಾವನ್ನು ಖಾಲಿ ಮಾಡಿದ ಬಳಿಕ 4ಜಿ ಇಂಟರ್ನೆಟ್ ವೇಗವು 64 ಕೆಬಿಪಿಎಸ್ಗೆ ಇಳಿಯಲಿದೆ.
ಈ 1 ರೂಪಾಯಿ ರೀಚಾರ್ಜ್ ಪ್ಲಾನ್ನ್ನು ನೀವು ಕ್ಯೂ ಅಪ್ ರೀತಿಯಲ್ಲಿ ಬಳಕೆ ಮಾಡಬಹುದಾಗಿದೆ. ಅಂದರೆ ಒಂದು ಪ್ಲಾನ್ ಖಾಲಿಯಾದ ತಕ್ಷಣವೇ ನೀವು ಇನ್ನೊಂದು ಬಾರಿ ರಿಚಾರ್ಜ್ ಮಾಡಿಕೊಳ್ಳಬಹುದು. ಇದು ಹೆಚ್ಚಾಗಿ ಆನ್ಲೈನ್ನಲ್ಲಿ ಇರಲು ಬಯಸದವರಿಗೆ , ಅಥವಾ ಹೆಚ್ಚಿನ ಡೇಟಾವನ್ನು ವ್ಯರ್ಥ ಮಾಡುವವರಿಗೆ ಅನುಕೂಲರಾಗಿಯಾಗಿದೆ.
ಇನ್ನೊಂದು ಆಶ್ಚರ್ಯಕರ ಸಂಗತಿಯೆಂದರೆ ಈ ಯೋಜನೆಯು ಪ್ರಸ್ತುತ ಅಸ್ತಿತ್ವದಲ್ಲಿ ಇರುವ ರಿಲಯನ್ಸ್ ಜಿಯೋದ 1 ಜಿಬಿ ಡೇಟಾ ಪ್ಲಾನ್ಗಿಂತಲೂ ಹೆಚ್ಚು ಅಗ್ಗ ಎನಿಸಿದೆ. 1 ಜಿಬಿ ಡೇಟಾ ಪ್ಲಾನ್ ಬೆಲೆಯು 15 ರೂಪಾಯಿ ಆಗಿದೆ. ಆದರೆ ಇಲ್ಲಿ ನೀವು 1 ಜಿಬಿ ಡೇಟಾ ಖರೀದಿ ಮಾಡಲು 10 ರೂಪಾಯಿ ವ್ಯಯಿಸಿದರೆ ಸಾಕಾಗುತ್ತದೆ. 1 ರೂಪಾಯಿ ರಿಚಾರ್ಜ್ನ್ನು ನೀವು 10 ಬಾರಿ ಮಾಡಿದರೂ ಸಹ 1 ಜಿಬಿ ಡೇಟಾ ನಿಮಗೆ ಕೇವಲ 10 ರೂಪಾಯಿಗೆ ಸಿಕ್ಕಂತಾಗುತ್ತದೆ.
ಆದರೆ ನೀವು ಗಮನಿಸಲೇಬೇಕಾದ ಮತ್ತೊಂದು ವಿಚಾರ ಅಂದರೆ ಈ ಯೋಜನೆ ಎಲ್ಲಾ ಗ್ರಾಹಕರಿಗೂ ಲಭ್ಯವಿರೋದಿಲ್ಲ. ಮೈ ಜಿಯೋ ಅಪ್ಲಿಕೇಶನ್ನ ವ್ಯಾಲ್ಯೂ ವಿಭಾಗದಲ್ಲಿ ಆಯ್ದ ಗ್ರಾಹಕರಿಗೆ ಮಾತ್ರ ಈ ಯೋಜನೆಯನ್ನು ಬಳಕೆ ಮಾಡಲು ರಿಲಯನ್ಸ್ ಜಿಯೋ ಕಂಪನಿಯು ಅವಕಾಶ ನೀಡಿದೆ.
ಇದನ್ನು ಓದಿ :Ramesh Jarakiholi Statement : ವಿಧಾನಪರಿಷತ್ ಚುನಾವಣಾ ಫಲಿತಾಂಶದ ವಿಚಾರವಾಗಿ ಸ್ಫೋಟಕ ಹೇಳಿಕೆ ನೀಡಿದ ರಮೇಶ್ ಜಾರಕಿಹೊಳಿ
ಇದನ್ನೂ ಓದಿ: JioMart taps WhatsApp :ಗುಡ್ನ್ಯೂಸ್: ವಾಟ್ಸಾಪ್ನಲ್ಲಿ ಖರೀದಿ ಮಾಡಿ ದಿನಸಿ ಸಾಮಗ್ರಿ..!
ಇದನ್ನೂ ಓದಿ : ಇನ್ಫಿನಿಕ್ಸ್ ನೋಟ್ ಸಿರೀಸ್ ಫೋನ್ ಲಾಂಚ್: ಪಾಕೆಟ್ ಹಾಗೂ ಗೇಮಿಂಗ್ ಫ್ರೆಂಡ್ಲಿ ಫೋನ್ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ
ಇದನ್ನೂ ಓದಿ : Asus Chromebook CX1101 : ವರ್ಕ್ ಫ್ರಂ ಹೋಂ ಮಾಡುವವರಿಗೆ ಕೇವಲ 19,999 ರೂ. ಬೆಲೆಯ ಉತ್ತಮ ಲ್ಯಾಪ್‌ಟಾಪ್ ಇಲ್ಲಿದೆ
Reliance Jio ₹1 Prepaid Plan With 30-Day Validity: How To Activate, What Does It Have