Afghanistan : ಕಾಬೂಲ್ ವಿಮಾನ ನಿಲ್ದಾಣದಲ್ಲಿ ಅಧಿಕಾರಿಗಳ “ಅನಿಯಂತ್ರಿತ” ಘೋಷಣೆ : ಏರ್ ಇಂಡಿಯಾ ದೆಹಲಿ – ಕಾಬೂಲ್ ವಿಮಾನ ರದ್ದು

ನವದೆಹಲಿ : ಅಫ್ಘಾನಿಸ್ತಾನದ ಕಾಬೂಲ್‌ ಅನ್ನು ತಾಲಿಬಾನ್‌ ಉಗ್ರರು ವಶಪಡಿಸಿಕೊಂಡಿರುವ ಬೆನ್ನಲೇ ಅಫ್ಘಾನಿಸ್ತಾನದಲ್ಲಿ ಸಾಕಷ್ಟು ಹಿಂಸಾಚಾರಗಳು ನಡಿಯುತ್ತಿವೆ. ಅಲ್ಲಿಯ ಜನ ದೇಶ ಬಿಟ್ಟು ಹೋಗಲು ಪ್ರಯತ್ನಿಸುತ್ತಿದ್ದಾರೆ. ತಾಲಿಬಾನ್ ಕೈಗೆ ಸಿಲುಕುವ ಮುನ್ನ ಅಫ್ಘಾನಿಸ್ತಾನದ ಅಧ್ಯಕ್ಷ ಅಶ್ರಫ್ ಘನಿ ದೇಶವನ್ನು ತೊರೆದಿದ್ದಾರೆ. ಈ ನಡುವೆ ಏರ್‌ಇಂಡಿಯಾ ದೆಹಲಿ – ಕಾಬೂಲ್‌ -ದೆಹಲಿ ವಿಮಾನವನ್ನುರದ್ದುಗೊಳಿಸಿದೆ.

ಅಷ್ಟೇ ಅಲ್ಲದೇ ಅಫ್ಘಾನಿಸ್ತಾನದ ಕಾಬೂಲ್ ವಿಮಾನ ನಿಲ್ದಾಣದಲ್ಲಿ ಅಧಿಕಾರಿಗಳು “ಅನಿಯಂತ್ರಿತ” ಎಂದು ಘೋಷಿಸಿದ ನಂತರ ಅಫ್ಘಾನಿಸ್ತಾನ ವಾಯುಪ್ರದೇಶವನ್ನು ತಪ್ಪಿಸಲು ಸೋಮವಾರ ಕಾರ್ಯನಿರ್ವಹಿಸಬೇಕಿದ್ದ ತನ್ನ ದೆಹಲಿ-ಕಾಬೂಲ್-ದೆಹಲಿ ವಿಮಾನವನ್ನು ರದ್ದುಗೊಳಿಸಲಾಯಿತು ಎಂದು ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ.

ಇದು ಸೋಮವಾರ ಭಾರತ ಮತ್ತು ಅಫ್ಘಾನಿಸ್ತಾನ ನಡುವೆ ಕಾರ್ಯನಿರ್ವಹಿಸಲು ನಿಗದಿಪಡಿಸಿದ ಏಕೈಕ ವಾಣಿಜ್ಯ ವಿಮಾನವಾಗಿದ್ದು, ಎರಡು ದೇಶಗಳ ನಡುವೆ ವಿಮಾನಗಳನ್ನು ನಿರ್ವಹಿಸುತ್ತಿರುವ ಏಕೈಕ ವಿಮಾನಯಾನ ಸಂಸ್ಥೆ ಏರ್ ಇಂಡಿಯಾ. ಮೇಲಾಗಿ, ವಿಮಾನಯಾನ ಸಂಸ್ಥೆಯು ತನ್ನ ಎರಡು ವಿಮಾನಗಳನ್ನು ಯುಎಸ್ ನಿಂದ ದೆಹಲಿಗೆ ಬರುವ ಕಾರಣದಿಂದ ವಿಮಾನಯಾನ ಸಂಸ್ಥೆಯ ಸ್ಯಾನ್ ಫ್ರಾನ್ಸಿಸ್ಕೋ-ದೆಹಲಿ ವಿಮಾನ ಹಾಗೂ ಚಿಕಾಗೊ-ದೆಹಲಿ ವಿಮಾನವನ್ನು ಶಾರ್ಜಾ ಕಡೆಗೆ ತಿರುಗಿಸಲಾಗಿದೆ.

ಅಜರ್‌ ಬೈಜಾನ್‌ನ ಬಾಕುವಿನಿಂದ ಭಾರತದ ದೆಹಲಿಗೆ ಸೋಮವಾರ ಬೆಳಿಗ್ಗೆ ಟೆರ್ರಾ ಅವಿಯಾ ವಿಮಾನವು ಅಫ್ಘಾನಿಸ್ತಾನದ ವಾಯುಪ್ರದೇಶವನ್ನು ಪ್ರವೇಶಿಸಿತು. ಆದರೆ ನಂತರ ವೇಗವಾಗಿ ತಿರುಗಿ ಅದರ ಸುತ್ತಲೂ ಹಾರುವ ಮೂಲಕ ಅದನ್ನು ತಪ್ಪಿಸಲು ನಿರ್ಧರಿಸಿತು. ಇಂಧನ ತುಂಬುವ ಉದ್ದೇಶದಿಂದ ಎರಡೂ ವಿಮಾನಗಳು ಶಾರ್ಜಾದಲ್ಲಿ ಇಳಿಯಲಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.