kiccha sudeep new venture : ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ ತಮ್ಮ ಮುಂಬರುವ ಬಹು ನಿರೀಕ್ಷಿತ ಸಿನಿಮಾ ವಿಕ್ರಾಂತ್ ರೋಣದ ಪ್ರಚಾರ ಕಾರ್ಯ ಹಾಗೂ ಬಿಗ್ ಬಾಸ್ ಕನ್ನಡ ಸೀಸನ್ನ 9 ತಯಾರಿಯಲ್ಲಿ ಫುಲ್ ಬ್ಯುಸಿಯಾಗಿದ್ದಾರೆ. ಸ್ಯಾಂಡಲ್ವುಡ್ ಮಾತ್ರವಲ್ಲದೇ ಕಾಲಿವುಡ್, ಬಾಲಿವುಡ್ನಲ್ಲಿಯೂ ತಮ್ಮದೇ ಆದ ಛಾಪು ಮೂಡಿಸಿರುವ ನಟ ಕಿಚ್ಚ ಸುದೀಪ ವಿಕ್ರಾಂತ್ ರೋಣ ಹಾಗೂ ಬಿಗ್ ಬಾಸ್ ಬೆನ್ನಲ್ಲೇ ಇದೀಗ ತಮ್ಮ ಅಭಿಮಾನಿಗಳಿಗೆ ಮತ್ತೊಂದು ಗುಡ್ ನ್ಯೂಸ್ ನೀಡಿದ್ದಾರೆ.
ಕಿಚ್ಚ ಸುದೀಪರಿಗೆ ಅಡುಗೆ ಮಾಡುವುದು ಅಂದರೆ ತುಂಬಾನೇ ಇಷ್ಟ ಎನ್ನುವುದು ಎಲ್ಲರಿಗೂ ತಿಳಿದಿರುವ ವಿಚಾರ. ಬಿಗ್ ಬಾಸ್ ಕಾರ್ಯಕ್ರಮದಲ್ಲಿಯೂ ಸಾಕಷ್ಟು ಬಾರಿ ಈ ವಿಚಾರವನ್ನು ಹೇಳಿಕೊಂಡಿರುವ ನಟ ಸುದೀಪ್ ಆಗಾಗ ಬಿಗ್ ಬಾಸ್ ಮನೆಯ ಸ್ಪರ್ಧಿಗಳಿಗೆ ತಾವೇ ಕೈಯಾರ ತಯಾರಿಸಿದ ಆಹಾರವನ್ನು ನೀಡಿದ್ದೂ ಉಂಟು . ತಮ್ಮ ಈ ಹವ್ಯಾಸಕ್ಕೆ ಮತ್ತಷ್ಟು ನೀರೆರೆದಿರುವ ನಟ ಸುದೀಪ್ ಇದೀಗ ಹೋಟೆಲ್ ಉದ್ಯಮದತ್ತ ಮುಖ ಮಾಡಿದ್ದಾರೆ.
ಸದ್ಯ ವಿಕ್ರಾಂತ್ ರೋಣ ಸಿನಿಮಾ ಪ್ರಚಾರ ಕಾರ್ಯದಲ್ಲಿ ಬ್ಯುಸಿಯಾಗಿರುವ ನಟ ಸುದೀಪ್ ಈ ಬಗ್ಗೆ ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ. ತಮ್ಮ ಧರ್ಮಪತ್ನಿ ಪ್ರಿಯಾ ಸುದೀಪ್ ಸಾರಥ್ಯದಲ್ಲಿ ಸುದೀಪ್ ಕಾಫೀ & ಬನ್ಸ್ ಇನ್ನೋವೇಷನ್ಸ್ ಎಂಬ ಉದ್ಯಮವನ್ನು ಆರಂಭಿಸಿದ್ದಾರೆ. ಈ ಸಂಸ್ಥೆಯ ಅಡಿಯಲ್ಲಿ ಸುದೀಪ್ ರೆಸ್ಟಾರಂಟ್, ಕೆಫೆ ಸೇರಿದಂತೆ ವಿವಿಧ ಕ್ಷೇತ್ರಗಳಲ್ಲಿ ತಮ್ಮ ಛಾಪನ್ನು ಮೂಡಿಸಲು ಸಿದ್ಧರಾಗಿದ್ದಾರೆ.
ಈ ವಿಚಾರವಾಗಿ ಮಾತನಾಡಿರುವ ಕಿಚ್ಚ ಸುದೀಪ, ನಮ್ಮ ಕುಟುಂಬದ ಉದ್ಯಮ ಅಡುಗೆಯೇ ಆಗಿರೋದ್ರಿಂದ ಅಡುಗೆ ಮಾಡುವ ಕಲೆ ನನ್ನ ರಕ್ತದಲ್ಲೇ ಇದೆ. ನನ್ನ ತಂದೆ ಕೂಡ ಹೋಟೆಲ್ ಉದ್ಯಮಿ. ಆದರೆ ಈಗ ಅವರು ಇದನ್ನು ಮಾಡುತ್ತಿಲ್ಲ. ಆದರೆ ನಾನೇಕೆ ಇದನ್ನು ಮುಂದುವರಿಸಬಾರದು ಎಂದು ನಿರ್ಧರಿಸಿ ಕಾಫಿ & ಬನ್ಸ್ ಎಂಬ ಕಂಪನಿಯನ್ನು ಆರಂಭಿಸಿದ್ದೇನೆ. ಇದರ ಅಡಿಯಲ್ಲಿ ಸಣ್ಣ ರೆಸ್ಟಾರೆಂಟ್ಗಳು ಹಾಗೂ ಕೆಫೆಗಳು ಆರಂಭಗೊಳ್ಳಲಿದೆ. ದೊಡ್ಡ ಸರೋವರದಂತಹ ಸಂಸ್ಥೆ ಕಟ್ಟದಿದ್ದರೂ ಒಂದು ಸಣ್ಣ ಕೊಡುಗೆಯನ್ನಾದರೂ ನೀಡಬೇಕೆಂದು ಈ ಪ್ರಯತ್ನಕ್ಕೆ ಕೈ ಹಾಕಿದ್ದೇನೆ ಎಂದಿದ್ದಾರೆ.
ಇದನ್ನು ಓದಿ : KS Eshwarappa : ಮುಸಲ್ಮಾನರು ಎಲ್ಲಿರ್ತಾರೋ ಅಲ್ಲಿ ಸಿದ್ದರಾಮಯ್ಯ ಚುನಾವಣೆಗೆ ನಿಲ್ತಾರೆ : ಕೆ.ಎಸ್ ಈಶ್ವರಪ್ಪ ವ್ಯಂಗ್ಯ
coffee and buns kiccha sudeep new venture