ಭಾರತವು ಇಲೆಕ್ಟ್ರಾನಿಕ್ ಜಗದತ್ತ ವಾಲುತ್ತಿದೆ ಎಂಬುದರಲ್ಲಿ ಎರಡು ಮಾತಿಲ್ಲ. ಈಗ ಎಲ್ಲರೂ ಎಲೆಕ್ಟ್ರಿಕ್ ವಾಹನ ಕೊಳ್ಳಲು ಆಸಕ್ತಿ ಹೊಂದಿದ್ದಾರೆ. ಈ ಸ್ಟೋರಿಯಲ್ಲಿ, ನಾವು ಭಾರತದಲ್ಲಿ ಮುಂಬರುವ ಟಾಪ್ ಹತ್ತು ಎಲೆಕ್ಟ್ರಿಕ್ ಕಾರುಗಳನ್ನು (Upcoming Electric Cars) ನಿಮಗೆ ಹೇಳಲಿದ್ದೇವೆ.
1. ಮಹೀಂದ್ರಾ XUV400
ಮೂಲಗಳ ಪ್ರಕಾರ, ಮಹೀಂದ್ರಾ ಶೀಘ್ರದಲ್ಲೇ XUV300 ನ ಎಲೆಕ್ಟ್ರಿಕ್ ಆವೃತ್ತಿಯನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಪರಿಚಯಿಸಲು ಯೋಜಿಸುತ್ತಿದೆ. EV ಅನ್ನು ‘eXUV300’ ಅಥವಾ ‘XUV400’ ಎಂದು ಹೆಸರಿಸಲಾಗುವುದು ಎಂದು ಕಂಪೆನಿ ಹೇಳಿದೆ. ಈ ಎಲೆಕ್ಟ್ರಿಕ್ SUV ಅನ್ನು 2020 ಆಟೋ ಎಕ್ಸ್‌ಪೋದಲ್ಲಿ ಪ್ರದರ್ಶಿಸಲಾಗಿತ್ತು.ಸದ್ಯ ಇದು ಎರಡು ವೆರೈಟಿಗಳಲ್ಲಿ ಇದು ಲಭ್ಯವಿರಲಿದೆ. 350V ಟಾಟಾ ನೆಕ್ಸಾನ್ EV ಯೊಂದಿಗೆ ಸ್ಪರ್ಧಿಸುತ್ತದೆ. 380V MG ZS EV ಮತ್ತು ಹ್ಯುಂಡೈ ಕೋನಾ EV ಗೆ ಪ್ರತಿಸ್ಪರ್ಧಿಯಾಗಲಿದೆ.
2. ಮಹೀಂದ್ರಾ eKUV100
ಆಟೋ ಎಕ್ಸ್‌ಪೋ 2020 ರಲ್ಲಿ EV ತನ್ನ ಪಾದಾರ್ಪಣೆ ಮಾಡಿತು. ಇದು 15.9 kWh ಬ್ಯಾಟರಿ ಪ್ಯಾಕ್‌ನಿಂದ ಚಾಲಿತವಾಗಿದೆ. ಇದನ್ನು 54.4 PS ಎಲೆಕ್ಟ್ರಿಕ್ ಮೋಟರ್‌ಗೆ ಜೋಡಿಸಲಾಗಿದೆ. ಕಾರಿನ ಆರಂಭಿಕ ಬೆಲೆ 10 ಲಕ್ಷ ರೂ.ಗಿಂತ ಕಡಿಮೆಯಿರುವ ನಿರೀಕ್ಷೆಯಿದೆ. ಹಾಗಾಗಿ ಇದು ಭಾರತದಲ್ಲಿ ಪಾಕೆಟ್ ಫ್ರೆಂಡ್ಲಿ ಕಾರ್ ಆಗಿರಲಿದೆ.
3. ಅಪ್‌ಡೇಟೆಡ್ ಟಾಟಾ ನೆಕ್ಸಾನ್
ಟಾಟಾ ನೆಕ್ಸಾನ್ ಹೊಸ ರೂಪದಲ್ಲಿ ಮಾರುಕಟ್ಟೆಗೆ ಬರಲಿದೆ. ಕೆಲವು ತಿಂಗಳ ಹಿಂದೆ ಹೆಚ್ಚು ಶಕ್ತಿಶಾಲಿ ಎಲೆಕ್ಟ್ರಿಕ್ ಮೋಟರ್‌ಗಾಗಿ ಬ್ರ್ಯಾಂಡ್ ಪರ್ಮಿಷನ್ ಪಡೆದಿದೆ. ಡ್ರೈವಿಂಗ್ ಶ್ರೇಣಿಯನ್ನು ಹೆಚ್ಚಿಸಲು ತಯಾರಕರು ಅದರ ಎಲೆಕ್ಟ್ರಿಕ್ SUV ಯಲ್ಲಿ ದೊಡ್ಡ ಬ್ಯಾಟರಿಯನ್ನು ನೀಡಲು ತೀರ್ಮಾನಿಸಿದ್ದಾರೆ.
4.ಹುಂಡೈ ಕೋನಾ ಇವಿ ಫೇಸ್‌ಲಿಫ್ಟ್
ಫೇಸ್‌ಲಿಫ್ಟೆಡ್ ಹ್ಯುಂಡೈ ಕೋನಾ EV 2022 ರ ಮಧ್ಯಭಾಗದಲ್ಲಿ ಭಾರತೀಯ ಮಾರುಕಟ್ಟೆಗೆ ಲಗ್ಗೆ ಇಡಲಿದೆ. ಇದು ಪ್ರಸ್ತುತ ಇಂಡಿಯಾ-ಸ್ಪೆಕ್ Kona EV ಯಂತೆಯೇ ಅದೇ ಪವರ್‌ಟ್ರೇನ್ ಅನ್ನು ಹೊಂದಿರುತ್ತದೆ – 39.2 kWh ಬ್ಯಾಟರಿಯನ್ನು 136 PS ಎಲೆಕ್ಟ್ರಿಕ್ ಮೋಟರ್‌ನೊಂದಿಗೆ ಜೋಡಿಸಲಾಗಿದೆ, ಇದು ಸುಮಾರು 340 ಕಿಮೀ ಮೈಲೇಜ್ ನೀಡುತ್ತದೆ.
5.ಕಿಯಾ ಇವಿ6
ಭಾರತೀಯ ಮಾರುಕಟ್ಟೆಯಲ್ಲಿ ಕಿಯಾದ ಮೊದಲ ಇವಿ 2022 ರ ದ್ವಿತೀಯಾರ್ಧದಲ್ಲಿ ಬಿಡುಗಡೆಯಾಗಲಿದೆ ಎಂದು ನಿರೀಕ್ಷಿಸಲಾಗಿದೆ. ಇವಿ6 ಹ್ಯುಂಡೈ ಗ್ರೂಪ್‌ನ ಇಜಿಎಂ ಪಿ(E-GMP) ಆರ್ಕಿಟೆಕ್ಚರ್ ಅನ್ನು ಆಧರಿಸಿದೆ. ಇದು ಎರಡು ಬ್ಯಾಟರಿ ಆಯ್ಕೆಗಳೊಂದಿಗೆ ಅಂತರರಾಷ್ಟ್ರೀಯವಾಗಿ ಲಭ್ಯವಿದೆ – 58 kWh ಮತ್ತು 77.4 kWh – ಎರಡರಲ್ಲೂ RWD ಮತ್ತು AWD ಆಯ್ಕೆಯೊಂದಿಗೆ ಲಭ್ಯವಿದೆ.
6.ವೋಲ್ವೋ XC40 ರೀಚಾರ್ಜ್
ವೋಲ್ವೋ XC40 ರೀಚಾರ್ಜ್ ಭಾರತೀಯ ಮಾರುಕಟ್ಟೆಯಲ್ಲಿ ಈ ಬ್ರ್ಯಾಂಡ್‌ನ ಮೊದಲ ಆಲ್-ಎಲೆಕ್ಟ್ರಿಕ್ ವಾಹನ ಲಾಂಚ್ ಆಗಿದೆ. ಇದು ಸಿಎಂಎ, (CMA) ಪ್ಲಾಟ್‌ಫಾರ್ಮ್ ಅನ್ನು ಆಧರಿಸಿದೆ ಮತ್ತು 78 kWh ಬ್ಯಾಟರಿ ಪ್ಯಾಕ್ ಹೊಂದಿದೆ. ಜೊತೆಗೆ ಎರಡು ಎಲೆಕ್ಟ್ರಿಕ್ ಮೋಟರ್‌ಗಳಿಂದ (ಪ್ರತಿ ಆಕ್ಸಲ್‌ನಲ್ಲಿ ಒಂದು) ಚಲಿಸುತ್ತದೆ.
7.ಮಿನಿ ಕೂಪರ್ ಎಸ್ಇ
ಮಿನಿ ಕಂಪೆನಿ ಭಾರತದಲ್ಲಿ ಕೂಪರ್ ಎಸ್ ಇ ಅನ್ನು ಪ್ರಾರಂಭಿಸುತ್ತದೆ. ವಾಹನವು 32.6 kWh ಬ್ಯಾಟರಿ ಪ್ಯಾಕ್‌ನಿಂದ ಶಕ್ತಿಯನ್ನು ಪಡೆಯುತ್ತದೆ, ಮುಂಭಾಗದ ಆಕ್ಸಲ್‌ನಲ್ಲಿರುವ ಎಲೆಕ್ಟ್ರಿಕ್ ಮೋಟರ್‌ಗೆ ಇದನ್ನು ಸಂಪರ್ಕಿಸಲಾಗಿದೆ. ಪವರ್‌ಟ್ರೇನ್ ಅನ್ನು ಕ್ರಮವಾಗಿ 183 ಪಿ ಎಸ್ ಮತ್ತು 270 ಎನ್ ಎಂ ಗರಿಷ್ಠ ಶಕ್ತಿ ಮತ್ತು ಟಾರ್ಕ್‌ನಲ್ಲಿ ರೇಟ್ ಮಾಡಲಾಗಿದೆ, ಸುಮಾರು 270 ಕಿಮೀ ಚಾಲನಾ ವ್ಯಾಪ್ತಿಯನ್ನು ಹೊಂದಿದೆ.
8. ಬಿಎಂಡಬ್ಲ್ಯೂ ಐ4 (BMW i4)
ಬಿಎಂಡಬ್ಲ್ಯೂ ಐ4 ಅನ್ನು 2022 ರಲ್ಲಿ ಭಾರತೀಯ ಮಾರುಕಟ್ಟೆಗೆ ತರಲು ನಿರ್ಧರಿಸಲಾಗಿದೆ. ಇದು 4-ಸರಣಿ ಗ್ರ್ಯಾನ್ ಕೂಪ್ ಅನ್ನು ಆಧರಿಸಿದೆ. ಪ್ರತಿ ಆಕ್ಸಲ್‌ನಲ್ಲಿ ಎಸ್‌ಯುವಿ 332 ಪಿಎಸ್‌ನ ಗರಿಷ್ಠ ಶಕ್ತಿಯನ್ನು ಮತ್ತು ಸುಮಾರು 425 ಕಿಮೀ ಚಾಲನಾ ವ್ಯಾಪ್ತಿಯನ್ನು ನೀಡುತ್ತದೆ.
9. ಬಿಎಂಡಬ್ಲ್ಯೂ ಇವಿ ಐಎಕ್ಸ್
ಭಾರತಕ್ಕೆ ಭೇಟಿ ನೀಡುವ ಮೊದಲ ಬಿಎಂಡಬ್ಲ್ಯೂ ಇವಿ ಐಎಕ್ಸ್ (BMW EV iX) ಎಲೆಕ್ಟ್ರಿಕ್ ಎಸ್ ಯು ವಿ ಆಗಿದ್ದು, ಜನವರಿಯಲ್ಲಿ ಬಿಡುಗಡೆಯಾಗಲಿದೆ. ಪ್ರತಿ ಆಕ್ಸಲ್‌ನಲ್ಲಿ. ಎಸ್‌ಯುವಿ 332 ಪಿಎಸ್‌ನ ಗರಿಷ್ಠ ಶಕ್ತಿಯನ್ನು ಮತ್ತು ಸುಮಾರು 425 ಕಿಮೀ ಚಾಲನಾ ವ್ಯಾಪ್ತಿಯನ್ನು ನೀಡುತ್ತದೆ.
10. ಮರ್ಸಿಡಿಸ್ ಬೆಂಜ್ ಇಕ್ಯೂಎಸ್ (Mercedes-Benz EQS) ಸೆಡಾನ್
ಮರ್ಸಿಡಿಸ್ ಬೆಂಜ್ ಇಕ್ಯೂಎಸ್ ಸೆಡಾನ್ ಮುಂದಿನ ವರ್ಷದ ಮಧ್ಯಭಾಗದಲ್ಲಿ ಭಾರತದ ಮಾರುಕಟ್ಟೆ ಪ್ರವೇಶಿಸಬಹುದು. ಇದು 107.8 kWh ಬ್ಯಾಟರಿ ಪ್ಯಾಕ್‌ನೊಂದಿಗೆ ಬರುತ್ತದೆ ಅದು 770 km ವರೆಗಿನ ಚಾಲನಾ ವ್ಯಾಪ್ತಿಯನ್ನು ನೀಡುತ್ತದೆ!
ಇದನ್ನೂ ಓದಿ: 2014ರಲ್ಲಿ 1.6 ಬಿಲಿಯನ್, 2020ರಲ್ಲಿ 26 ಬಿಲಿಯನ್ ಡಾಲರ್ ! ಭಾರತ ಮಾರುಕಟ್ಟೆಯಲ್ಲಿ ಚೀನಾ ಹೂಡಿಕೆಯ ಮರ್ಮವೇನು ?
(Upcoming 10 Electric cars in 2022 in India you must know)