Xiaomi Electric Car : ಎಲೆಕ್ಟ್ರಿಕ್ ಕಾರುಗಳ ವಿಭಾಗಕ್ಕೆ ಪ್ರವೇಶಿಸುತ್ತಿರುವ ಶಿಯೋಮಿ; ಮೊಬೈಲ್‌ನಂತೆ ಕಾರಿನ ಫೀಚರ್ಸ್‌ ಕೂಡಾ ಸೂಪರ್‌ ಇದೆಯಾ?

ಚೀನಾದ ಜನಪ್ರಿಯ ಎಲೆಕ್ಟ್ರಾನಿಕ್ ಗ್ಯಾಜೆಟ್ ತಯಾರಕ ಕಂಪನಿ ಶಿಯೋಮಿ (Xiaomi) ಶೀಘ್ರದಲ್ಲೇ ಎಲೆಕ್ಟ್ರಿಕ್ ಕಾರುಗಳ ವಿಭಾಗಕ್ಕೆ ಪ್ರವೇಶಿಸಲಿದೆ. ಅದು ಶಿಯೋಮಿಯಿಂದ ಬಿಡುಗಡೆಯಾಗುತ್ತಿರುವ ಮೊದಲ ಎಲೆಕ್ಟ್ರಿಕ್‌ ಕಾರು (Xiaomi Electric Car). ಮಾಹಿತಿಯ ಪ್ರಕಾರ ಶಿಯೋಮಿ, ಇತ್ತಿಚೆಗೆ ಕಾರನ್ನು ಪರೀಕ್ಷಿಸುವ ಸಮಯದಲ್ಲಿ ಪತ್ತೆಯಾಗಿದೆ. ಈ ಕಾರು ಆಟೋ ಎಕ್ಸ್ಪೋ 2023 ಯಲ್ಲಿ BYD ತೋರಿಸಿದ ಸೀಲ್‌ ಎಲೆಕ್ಟ್ರಿಕ್‌ ಕಾರನ್ನು ಬಹುವಾಗಿ ಹೋಲುತ್ತಿದೆ. ಈ ಕಾರಿನಲ್ಲಿ ಏನನ್ನು ನಿರೀಕ್ಷಿಸಬಹುದು?

ಫೋಟೋದಲ್ಲೇನಿದೆ?
ಫೋಟೋ ದಿಂದ ಬಹಿರಂಗವಾದ ಮಾಹಿತಿಯ ಪ್ರಕಾರ, ಇದು ಸೆಡಾನ್ ಕಾರಾಗಿದೆ. ಎಲೆಕ್ಟ್ರಿಕ್ ಕಾರು, ಶಿಯೋಮಿಯ ಮುಂಬರುವ ಕಾರು ಎಂದು ಹೇಳಲಾಗುತ್ತಿದೆ. ಇದನ್ನು ಕಂಪನಿಯು ಶೀಘ್ರದಲ್ಲೇ ಪರಿಚಯಿಸುವ ನಿರೀಕ್ಷೆಯಿದೆ. ಈ ಎಲೆಕ್ಟ್ರಿಕ್ ಕಾರಿನ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ಕಂಡು ಬರುತ್ತಿದೆ.

ಕಾರಿನ ಹೆಸರು ಏನಿರಬಹುದು?
ಮಾಹಿತಿಯ ಪ್ರಕಾರ, ಶಿಯೋಮಿ ಈ ಎಲೆಕ್ಟ್ರಿಕ್ ಕಾರನ್ನು MS‌ 11 ಎಂದು ಹೆಸರಿಸಬಹುದು ಎಂದು ಹೇಳಲಾಗುತ್ತಿದೆ. ಏಕೆಂದರೆ ಪತ್ತೆಯಾದ ಕಾರಿನ ಮೇಲೆ ಈ ಹೆಸರನ್ನು ಬರೆಯಲಾಗಿದೆ. ಇದರಿಂದಾಗಿ ಕಂಪನಿಯು ಅದೇ ಹೆಸರಿನೊಂದಿಗೆ ಈ ಕಾರನ್ನು ಬಿಡುಗಡೆ ಮಾಡಬಹುದು ಎಂದು ನಿರೀಕ್ಷಿಸಲಾಗಿದೆ.

ಕಾರಿನ ಹೊರ ವಿನ್ಯಾಸ
ಶಿಯೋಮಿಯ ಹೊಸ ಎಲೆಕ್ಟ್ರಿಕ್‌ ಕಾರಿನ ಹೊರ ನೋಟದ ಕುರಿತು ಹೇಳುವುದಾದರೆ ಅದರ ನೋಟವು ಫೋಟೋದಲ್ಲಿ ಸಾಕಷ್ಟು ಅದ್ಭುತವಾಗಿ ಕಾಣುತ್ತದೆ. ಇದು BYD ಯ ಸೀಲ್‌ ಕಾರಿನಂತೆಯೇ ಕಾಣುತ್ತದೆ. ಇದರಲ್ಲಿ ಎಲ್ ಇಡಿ ಲೈಟ್ ಬಳಸಲಾಗಿರಬಹುದು. ಕಾರಿಗೆ ಡ್ಯುಯಲ್ ಕಲರ್ ಟೋನ್ ನೀಡಲಾಗಿದ್ದು, ಏರೋಡೈನಾಮಿಕ್ ಲುಕ್ ನೀಡಲಾಗಿದೆ. ಈ ಕಾರಿನಲ್ಲಿ ಲಭ್ಯವಿರುವ ವೈಶಿಷ್ಟ್ಯಗಳು ಮತ್ತು ಅದರ ಡ್ರೈವ್ ಶ್ರೇಣಿಯು ಹೆಚ್ಚು ಉತ್ತಮವಾಗಿರಬಹುದು ಎಂದು ನಿರೀಕ್ಷಿಸಲಾಗಿದೆ.

ಇದನ್ನೂ ಓದಿ: Best Ground Clearance Cars : ಈ ಬಜೆಟ್‌ ಕಾರುಗಳನ್ನೊಮ್ಮೆ ನೋಡಿ; ಇವು ಉತ್ತಮ ಗ್ರೌಂಡ್ ಕ್ಲಿಯರೆನ್ಸ್‌ ಕಾರುಗಳು

ಚೀನಾದಲ್ಲಿ ಲಾಂಚ್ ಮಾಡಬಹುದು
ಮಾಧ್ಯಮ ವರದಿಗಳ ಪ್ರಕಾರ, ಚೀನಾದಲ್ಲಿ ಪರೀಕ್ಷೆಯ ಸಮಯದಲ್ಲಿ ಹಲವು ಬಾರಿ ಕಾಣಿಸಿಕೊಂಡಿರುವ ಈ ಕಾರನ್ನು ಕಂಪನಿಯು ಮೊದಲು ಚೀನಾದಲ್ಲಿ ಪರಿಚಯಿಸಬಹುದು. ನಂತರ ಇದನ್ನು ಪ್ರಪಂಚದ ಇತರ ದೇಶಗಳಲ್ಲಿ ಮಾರಾಟಕ್ಕೆ ಕಳುಹಿಸಬಹುದು.

ಈ ಕಾರಿನ ಪ್ರತಿಸ್ಪರ್ಧಿ
ಈ ಕಾರು BYDಯ ಸೀಲ್ ಅನ್ನು ಹೋಲುತ್ತದೆ, ಆದ್ದರಿಂದ ಇದು BYD ಯೊಂದಿಗೆ ನೇರ ಸ್ಪರ್ಧಿಸಬಹುದು ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ: Best Mileage Cars : ಈ ಕಾರುಗಳು ನೋಡ್ಲಿಕ್ಕಷ್ಟೇ ಸೂಪರ್‌ ಅಲ್ಲ, ಮೈಲೇಜ್‌ನಲ್ಲೂ ಸೂಪರ್‌; ಯಾವ ಕಾರುಗಳು ಅಂತೀರಾ…

(Xiaomi Electric Car may launch soon. Know some important factors of the upcoming electric car)