ದುನಿಯಾ ವಿಜಯ್‌ – ಪಾನಿಪುರಿ ಕಿಟ್ಟಿ ಹಲ್ಲೆ ಪ್ರಕರಣ : ದುನಿಯಾ ವಿಜಿಗೆ ನೋಟಿಸ್‌

(Duniya Vijay – Panipuri Kitty) ನಾಲ್ಕು ವರ್ಷಗಳ ಹಿಂದಿನ ಕೇಸ್‌ ಈಗ ಮತ್ತೆ ರೀಓಪನ್‌ ಆಗಿದ್ದು, ಪಾನಿಪುರಿ ಕಿಟ್ಟಿ ವಿರುದ್ದ ದುನಿಯಾ ವಿಜಯ್‌ ದೂರು ನೀಡಿದ್ದರು. ಕಿಟ್ಟಿ ಮೇಲೆ ಎಫ್‌ ಐ ಆರ್‌ ದಾಖಲಾಗಿದ್ದು, ಎಫ್‌ ಐ ಆರ್‌ ದಾಖಲಾಗುತ್ತಿದ್ದಂತೆಯೇ ಕಿಟ್ಟಿ ಪೊಲೀಸರ ಮುಂದೆ ಹಾಜರಾಗಿದ್ದಾರೆ. ಇದೀಗ ಪ್ರಕರಣಕ್ಕೆ ಸಂಬಂಧಿಸಿದಂತೆ ದೂರುದಾರ ಎನ್ನುವ ಕಾರಣದಿಂದ ದುನಿಯಾ ವಿಜಯ್‌ ಅವರಿಗೂ ವಿಚಾರಣೆಗೆ ಹಾಜರಾಗುವಂತೆ ಪೊಲೀಸರು ನೋಟಿಸ್‌ ನೀಡಿದ್ದಾರೆ.

2018ರಲ್ಲಿ ಬೆಂಗಳೂರಿನ ವಸಂತ ನಗರದಲ್ಲಿರುವ ಅಂಬೇಡ್ಕರ್ ಭವನದಲ್ಲಿ ದೇಹದಾರ್ಢ್ಯ ಸ್ಪರ್ಧೆ ನಡೆದಿತ್ತು. ಈ ಸಂದರ್ಭದಲ್ಲಿ ಪಾನಿಪುರಿ ಕಿಟ್ಟಿ (Duniya Vijay – Panipuri Kitty) ಟೀಂಗೂ ಹಾಗೂ ದುನಿಯಾ ವಿಜಯ್ ಟೀಂ ಗೂ ಗಲಾಟೆ ನಡೆದಿತ್ತು. ಅಂದು ಸ್ಪರ್ಧೆ ಮಾಡಿದ್ದ ಪಾನಿಪುರಿ ಕಿಟ್ಟಿಯ ಸಹೋದರ ಮಾರುತಿ‌ ಗೌಡನನ್ನು ಗಲಾಟೆ ನಂತರ ದುನಿಯಾ ವಿಜಯ್ ಕಾರಿನಲ್ಲಿ ಕರೆದುಕೊಂಡು ಹೋಗಿ ಹಿಗ್ಗಾ ಮುಗ್ಗ ಥಳಿಸಿದ್ದರು ಎಂದು ಆರೋಪಿಸಲಾಗಿತ್ತು. ನಂತರ ಮಧ್ಯರಾತ್ರಿ ಪೊಲೀಸರ ಕರೆ ಮೇರೆಗೆ ವಾಪಸ್ ಕರೆತಂದು ಬಿಟ್ಟಿದ್ದರು ಎಂದು ಹೇಳಲಾಗಿತ್ತು. ತೀವ್ರ ಥಳಿತಕ್ಕೊಳಗಾಗಿದ್ದ ಮಾರುತಿ ಗೌಡ ತಿಂಗಳುಗಟ್ಟಲೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೂಡ ಪಡೆದಿದ್ದರು.

ಈ ಗಲಾಟೆ ನಂತರ ಪರಸ್ಪರ ಎರಡೂ ಕಡೆಯಿಂದ ದೂರು ದಾಖಲಾಗಿತ್ತು. ಸದ್ಯದಲ್ಲಿ ದುನಿಯಾ ವಿಜಯ್‌ ಮೇಲಿರುವ ಕೇಸ್‌ ಮುಂದುವರೆದಿದ್ದು, ಪಾನಿಪುರಿ ಕಿಟ್ಟಿ ಮೇಲಿದ್ದ ದೂರು ಸಾಕ್ಷಿ ಆಧಾರಗಳ ಕೊರತೆಯಿಂದ ಕ್ಲೋಸ್‌ ಮಾಡಲಾಗಿತ್ತು. ಇದನ್ನು ಪ್ರಶ್ನಿಸಿ ದುನಿಯಾ ವಿಜಯ್‌ ಅವರು ಹೈಕೋರ್ಟ್‌ ಮೆಟ್ಟಿಲೇರಿದ್ದು, ನ್ಯಾಯಲಯವು ಪಾನಿಪುರಿ ಕಿಟ್ಟಿ ಹಾಗೂ ಮಾರುತಿ ಗೌಡ ವಿರುದ್ದ ಎಫ್‌ ಐ ಆರ್‌ ದಾಖಲಿಸುವಂತೆ ಪೊಲೀಸ್‌ ಠಾಣೆಗೆ ಸೂಚನೆ ನೀಡಿತ್ತು. ಇದರ ಹಿನ್ನಲೆಯಲ್ಲಿ ಕೇಸ್‌ ಮತ್ತೆ ರೀ ಓಪನ್‌ ಆಗಿದ್ದು, ವಿಚಾರಣೆಗಳು ನಡೆಯುತ್ತಿದೆ.

ಇದನ್ನೂ ಓದಿ : Duniya Vijay- Panipuri Kitty : 4 ವರ್ಷದ ಹಳೆಯ ಕೇಸ್‌ ರೀ ಓಪನ್ : ಮತ್ತೆ ಸುದ್ದಿಯಲ್ಲಿ ದುನಿಯಾ ವಿಜಯ್‌- ಪಾನಿಪುರಿ ಕಿಟ್ಟಿ ಕಿರಿಕ್‌

The case of two years back has now been reopened and Duniya Vijay had filed a complaint against Panipuri Kitty. An FIR has been registered against Kitty, and as soon as the FIR is registered, Kitty has appeared before the police. Now, the police have given a notice to Duniya Vijay to attend the hearing as he is the complainant in the case.