kgf-2 star yash : ಕೆಜಿಎಫ್ 2 ಸಿನಿಮಾದ ಮೂಲಕ ನಟ ಯಶ್ ಯಶಸ್ಸಿನ ಉತ್ತುಂಗವನ್ನೇರಿದ್ದಾರೆ. ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಕಿಚ್ಚು ಹೆಚ್ಚಿಸಿದ ಈ ಸಿನಿಮಾ ಕೇವಲ ಯಶ್ಗೆ ಹೆಸರು ತಂದುಕೊಟ್ಟಿದ್ದು ಮಾತ್ರವಲ್ಲದೇ ಸ್ಯಾಂಡಲ್ವುಡ್ನ್ನು ಇಡಿ ವಿಶ್ವವೇ ತಿರುಗಿ ನೋಡುವಂತೆ ಮಾಡಿತ್ತು. ಬರೋಬ್ಬರಿ 1300 ಕೋಟಿ ಸಿನಿಮಾ ಕಲೆಕ್ಷನ್ ಮಾಡುವ ಮೂಲಕ ಕೆಜಿಎಫ್ 2 ಸಿನಿಮಾದ ಸ್ಯಾಂಡಲ್ವುಡ್ನಲ್ಲಿ ಹೊಸ ಇತಿಹಾಸವನ್ನೇ ಸೃಷ್ಟಿಸಿದೆ.
ಕೆಜಿಎಫ್ 2 ಸಿನಿಮಾದ ಬಳಿಕ ಯಶ್ ಯಾವ ಸಿನಿಮಾದಲ್ಲಿ ನಟಿಸ್ತಾರೆ ಎಂಬ ಪ್ರಶ್ನೆ ಇದೀಗ ಪ್ರತಿಯೊಬ್ಬರ ಮನಸ್ಸಿನಲ್ಲೂ ಕಾಡುತ್ತಿದೆ. ಒಂದು ಸಿನಿಮಾ ಇಷ್ಟೊಂದು ಮಟ್ಟಿಗೆ ಯಶಸ್ಸು ಸಾಧಿಸಿದ ಬಳಿಕ ಆ ನಟನ ಮುಂದಿನ ಹೆಜ್ಜೆಗಳು ಕೂಡ ಅಷ್ಟೇ ಜಾಗರೂಕತೆಯಿಂದ ಕೂಡಿರಬೇಕು. ಹೀಗಾಗಿ ಯಶ್ ಮುಂದಿನ ಸಿನಿಮಾ ಅವರ ಸಿನಿಮಾ ಜೀವನದ ಮೇಲೆ ಬಹುದೊಡ್ಡ ಪರಿಣಾಮ ಬೀರೋದಂತೂ ಸತ್ಯ . ಈ ಎಲ್ಲಾ ಲೆಕ್ಕಾಚಾರಗಳ ನಡುವೆಯೇ ಸೋಶಿಯಲ್ ಮೀಡಿಯಾದಲ್ಲಿ ಆರಂಭವಾಗಿದ್ದೇ #Yash19 ಎಂಬ ಟ್ರೆಂಡ್.
ಹೌದು..! ರಾಕಿಂಗ್ ಸ್ಟಾರ್ ಯಶ್ರ ಮುಂದಿನ ಸಿನಿಮಾ ಯಾವುದು ಎಂಬುದರ ಕುರಿತಾಗಿ ಸೋಶಿಯಲ್ ಮೀಡಿಯಾದಲ್ಲಿ ಆರಂಭವಾಗಿದ್ದ ಟ್ರೆಂಡ್ #Yash19 . ರಾಕಿಭಾಯ್ 19ನೇ ಸಿನಿಮಾ ಯಾವುದು ಎಂಬ ಪ್ರಶ್ನೆ ಎಲ್ಲೆಡೆ ಹರಿದಾಡುತ್ತಿದೆ, ದಿಲ್ ರಾಜು ಜೊತೆಯಲ್ಲಿ ಮುಂದಿನ ಸಿನಿಮಾ ಮಾಡ್ತಾರೆ ಯಶ್ ಎಂದು ಕೆಲವರು ಹೇಳ್ತಿದ್ರೆ ಇನ್ನೂ ಕೆಲವರು ಯಶ್ ಮುಂದಿನ ಸಿನಿಮಾಗೆ ಶಂಕರ್ ನಿರ್ದೇಶನ ಮಾಡ್ತಾರೆ ಎಂದು ಹೇಳ್ತಿದ್ದಾರೆ. ಇಷ್ಟು ಸಾಲದು ಅಂತಾ ಇನ್ನೂ ಕೆಲವರು ಮುಂದಿನ ಐದು ವರ್ಷಗಳಿಗೆ ಆಗುವಷ್ಟು ಸಿನಿಮಾ ಯಶ್ ಕೈಯಲ್ಲಿದೆ ಎಂದು ಸಹ ಹೇಳಲಾಗುತ್ತಿದೆ. ಆದರೆ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿರುವ #Yash19 ಟ್ರೆಂಡ್ನಲ್ಲಿರುವ ವದಂತಿಗಳೆಲ್ಲವೂ ಸುಳ್ಳು ಎಂಬ ವಿಚಾರ ಇದೀಗ ಉನ್ನತ ಮೂಲಗಳಿಂದ ತಿಳಿದು ಬಂದಿದೆ.
ತೆಲುಗಿನ ಖ್ಯಾತ ನಿರ್ಮಾಪಕ ದಿಲ್ ರಾಜು ಯಶ್ ಕೇಳಿದಷ್ಟು ಸಂಭಾವನೆ ಕೊಡಲು ನಾನು ರೆಡಿ ಎಂದು ಹೇಳಿರುವುದು ಕೂಡ ಸುದ್ದಿಯಾಗ್ತಿದ್ದು ಮುಂದಿನ ಬಾರಿ ಯಶ್ ದಿಲ್ ರಾಜು ಜೊತೆಯಲ್ಲೇ ಸಿನಿಮಾ ಮಾಡ್ತಾರೆ ಎಂದೂ ಸಹ ಹೇಳಲಾಗ್ತಿದೆ. ಸದ್ಯಕ್ಕಿರುವ ಮಾಹಿತಿಯ ಪ್ರಕಾರ ಯಶ್ ಕೆಜಿಎಫ್ 2 ಸಿನಿಮಾಗೆ 50 ಕೋಟಿ ರೂಪಾಯಿ ಸಂಭಾವನೆ ಪಡೆದಿದ್ದರು ಎನ್ನಲಾಗಿದೆ. ಹಾಗಾದರೆ ಮುಂದಿನ ಸಿನಿಮಾಗೆ ಯಶ್ 100 ಕೋಟಿ ಸಂಭಾವನೆ ಪಡೆಯಬಹುದೇ ಎಂಬೆಲ್ಲ ಪ್ರಶ್ನೆಗಳು ಸಹ ಇದೀಗ ಸಿನಿಮಾ ಇಂಡಸ್ಟ್ರಿಯಲ್ಲಿ ಹರಿದಾಡ್ತಿದೆ.
ಇದನ್ನು ಓದಿ : Unidentified body found ಒತ್ತಿನೆಣೆಯಲ್ಲಿ ಅಪರಿಚಿತ ಶವ ಪತ್ತೆ : ಆತಂಕದಲ್ಲಿ ಸ್ಥಳೀಯ ನಿವಾಸಿಗಳು
ಇದನ್ನೂ ಓದಿ : KGF Yash New Getup : ಹೊಸ ಸಿನಿಮಾಗೆ ಹೊಸ ಗೆಟಪ್ : 15 ಕೆಜಿ ತೂಕ ಇಳಿಸಲು ನಟ ಯಶ್ ಸರ್ಕಸ್
kgf-2 star yash to not announce his next amid huge buzz by fans on yash19