ಓಂ… ಕನ್ನಡ ಸಿನಿಮಾ ಇತಿಹಾಸದಲ್ಲೇ ವಿಶಿಷ್ಟ ದಾಖಲೆಗಳನ್ನು ಬರೆದ ಸಿನಿಮಾ. ಕನ್ನಡ ಚಿತ್ರರಂಗದಲ್ಲಿಯೇ ಹೊಸ ಮೈಲಿಗಲ್ಲು ಸಾಧಿಸಿ, ಇಂದಿಗೂ ಥಿಯೇಟರ್ ನಲ್ಲಿ ರೀ ರಿಲೀಸ್ ಆಗುತ್ತಿರೋ ಕನ್ನಡ ಸಿನಿಮಾ. ಈ ಸಿನಿಮಾ ಬಂದು ಇದೇ 18ನೇ ತಾರೀಖ್ ಗೆ 25 ವರ್ಷಗಳು ಪೂರೈಸುತಿದ್ದು, ಅದರ ಸಂಭ್ರಮಾಚರಣೆಯನ್ನು ಶಿವಣ್ಣ ಅಭಿಮಾನಿ ಸಂಘ ಶಿವಸೈನ್ಯ ವಿಶೇಷ ರೀತಿಯಲ್ಲಿ ಆಚರಿಸುತ್ತಿದೆ.
ಕನ್ನಡ ಚಿತ್ರರಂಗದಲ್ಲಿ ಎಂದೂ ಮರೆಯದಂಥ ಈ ಸಿನಿಮಾದ ಸಿಲ್ವರ್ ಜ್ಯೂಬ್ಲಿ ಸೆಲೆಬ್ರೇಷನ್ ಗೆ 25 ಸೆಲೆಬ್ರೆಟಿಗಳು ಸಾಥ್ ಕೊಟ್ಟಿದ್ದು, ಕೆಲವು ಸೆಲೆಬ್ರೆಟಿಗಳ ಪೋಸ್ಟರ್ ರಿಲೀಸ್ ಮಾಡಿದ್ದಾರೆ.
ಈ 25 ಸೆಲೆಬ್ರೆಟಿಗಳು ಸಹ ಒಂದೇ ದಿನ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಓಂ ಸಿನಿಮಾದ 25 ವರ್ಷದ ವಿಶೇಷ ಕಾಮನ್ ಡಿಪಿ ಬಿಡುಗಡೆ ಮಾಡಲಿದ್ದಾರೆ.
ಇದೇ 18 ಕ್ಕೆ ಸಂಜೆ 6:30 ರಿಂದ ಸತತ 24 ಗಂಟೆಗಳ ಟ್ವಿಟರ್ ಟ್ರೆಂಡ್ ಮಾಡುತ್ತಿದ್ದು, ಸ್ಯಾಂಡಲ್ ವುಡ್ ನಲ್ಲಿ ಮತ್ತೊಂದು ಮೈಲಿಗಲ್ಲು ಮಾಡಲು ರೆಡಿಯಾಗಿದ್ದಾರೆ.
ಕನ್ನಡದ ಟಾಪ್ ನಿರ್ದೇಶಕರು, ನಿರ್ಮಾಪಕರು, ನಟ- ನಟಿಯರು ಮತ್ತು ಗಾಯಕರು ಸೇರಿದಂತೆ ಹಲವಾರು ಸೆಲೆಬ್ರೆಟಿಗಳು ಸಾಥ್ ಕೊಟ್ಟಿರೋದು ಸ್ಯಾಂಡಲ್ ವುಡ್ ನಲ್ಲಿ ಹೊಸ ದಾಖಲೆ ಮಾಡಲು ಸಿದ್ಧವಾಗಿದೆ ಶಿವಸೈನ್ಯ ತಂಡ.
ಪೂರ್ಣಿಮ ಎಂಟರ್ ಪ್ರೈಸಸ್ ಅರ್ಪಿಸುವ ಪಾರ್ವತಮ್ಮ ರಾಜ್ ಕುಮಾರ್ ನಿರ್ಮಾಣದ ಈ ಓಂ ಸಿನಿಮಾಕ್ಕೆ ಅದ್ಭುತ ಸಂಗೀತ ನೀಡಿದ್ದು ನಮ್ಮೆಲ್ಲರ ಪ್ರೀತಿಯ ನಾದಬ್ರಹ್ಮ ಹಂಸಲೇಖ ಅವರು.
ರಿಯಲ್ ಸ್ಟಾರ್ ಉಪೇಂದ್ರ ಆಕ್ಷನ್ ಕಟ್ ಹೇಳಿರೋ ಈ ದಾಖಲೆಯ ಸಿನಿಮಾ ಇಂದಿಗೂ ಅಳಿಸಲಾಗದ ದಾಖಲೆ ಸೃಷ್ಟಿಸಿದ್ದು, ಡಾ. ಶಿವಣ್ಣ ಸಿನಿ ಜರ್ನಿಯಲ್ಲಿ ವಿಶೇಷವೆನಿಸಿರೋ ಸಿನಿಮಾ.
ದಾಖಲೆ ಸೃಷ್ಟಿಸಿರೋ ಓಂ ಸಿನಿಮಾ ಕೊಟ್ಟ ಈ ಇಡೀ ತಂಡಕ್ಕೆ ನಮ್ ಕಡೆಯಿಂದ ಶುಭಾಶಯ.
