ದಕ್ಷಿಣ ಕೊರಿಯಾ : ದಕ್ಷಿಣ ಕೊರಿಯಾದಲ್ಲಿ ಭಾರೀ ಮಳೆಯ (Heavy Rainfall) ನಂತರದ ಅತಿರೇಕದ ಭೂಕುಸಿತಗಳು ಮತ್ತು ಪ್ರವಾಹಗಳು ಇಲ್ಲಿಯವರೆಗೆ 30 ಕ್ಕೂ ಹೆಚ್ಚು ಜನರನ್ನು ಬಲಿ ತೆಗೆದುಕೊಂಡಿವೆ. ಭೂಕುಸಿತ ಹಾಗೂ ಪ್ರವಾಸಕ್ಕೆ ಸಿಲುಕಿ 30 ಕ್ಕೂ ಹೆಚ್ಚು ಮಂದಿ ಸಾವನ್ನಪ್ಪಿದ್ದು, 10 ಜನರು ಕಾಣೆಯಾಗಿದ್ದಾರೆ ಎಂದು ಸರಕಾರ ತಿಳಿಸಿದೆ.
ದಕ್ಷಿಣ ಕೊರಿಯಾದ ಆಂತರಿಕ ಮತ್ತು ಸುರಕ್ಷತೆ ಸಚಿವಾಲಯದ ಪ್ರಕಾರ, ಭೂಕುಸಿತಕ್ಕೆ ಸಂಬಂಧಿಸಿದ ಘಟನೆಗಳಲ್ಲಿ ಏಳು ಜನರು ಸಾವನ್ನಪ್ಪಿದ್ದು,13 ಜನರು ಗಾಯಗೊಂಡಿದ್ದಾರೆ ಎಂದು ಎಪಿ ವರದಿ ಮಾಡಿದೆ. ಸಚಿವಾಲಯದ ಅಧಿಕೃತ ಸಾವಿನ ಸಂಖ್ಯೆ ಭಾನುವಾರ ಬೆಳಿಗ್ಗೆ 26ಕ್ಕೆ ಏರಿದೆ.
ಜುಲೈ 9 ರಿಂದ ದೇಶವು ಭಾರೀ ಮಳೆಯನ್ನು ಅನುಭವಿಸುತ್ತಿರುವುದರಿಂದ ಸುಮಾರು 6,000 ಜನರನ್ನು ಸ್ಥಳಾಂತರಿಸಬೇಕಾಯಿತು ಮತ್ತು 27,260 ಮನೆಗಳು ವಿದ್ಯುತ್ ಇಲ್ಲದೆ ಉಳಿದಿವೆ. ಶನಿವಾರದ ವೇಳೆಗೆ 4,200 ಕ್ಕೂ ಹೆಚ್ಚು ಜನರನ್ನು ತಾತ್ಕಾಲಿಕ ಆಶ್ರಯದಲ್ಲಿ ಇರಿಸಲಾಗಿದೆ. ಚಿಯೋಂಗ್ಜು ನಗರದಲ್ಲಿ ಪ್ರವಾಹಕ್ಕೆ ಸಿಲುಕಿದ ಸುರಂಗದಲ್ಲಿ ಸಿಲುಕಿದ್ದ 15 ವಾಹನಗಳಿಂದ ಆರು ಮೃತದೇಹಗಳನ್ನು ಹೊರತೆಗೆಯಲಾಗಿದೆ. ಸುಮಾರು 400 ರಕ್ಷಣಾ ಕಾರ್ಯಕರ್ತರು ಒಂಬತ್ತು ಮಂದಿ ಬದುಕುಳಿದವರನ್ನು ರಕ್ಷಿಸಿದ್ದಾರೆ.
ಇದನ್ನೂ ಓದಿ : Uttar Pradesh Crime News : ಯಾತ್ರಾರ್ಥಿಗಳಿಗೆ ವಿದ್ಯುತ್ ಸ್ಪರ್ಶ : 5 ಸಾವು, 5 ಮಂದಿ ಗಾಯ
ಇದನ್ನೂ ಓದಿ : Rajasthan Gangrape Case : 19 ವರ್ಷದ ದಲಿತ ಯುವತಿಯ ಮೇಲೆ ಸಾಮೂಹಿಕ ಅತ್ಯಾಚಾರ, ಆಸಿಡ್ ಎಸೆದು ಹತ್ಯೆ
20 ವಿಮಾನಗಳನ್ನು ರದ್ದುಗೊಳಿಸಲಾಗಿದೆ ಮತ್ತು ರೈಲು ಸೇವೆಗಳನ್ನು ಸ್ಥಗಿತಗೊಳಿಸಲಾಗಿದೆ. ವಾಹನ ಸಂಚಾರಕ್ಕೆ ಸುಮಾರು 200 ರಸ್ತೆಗಳನ್ನು ಮುಚ್ಚಲಾಗಿದೆ ಎಂದು ಸರಕಾರ ಹೇಳಿದೆ. ದಕ್ಷಿಣ ಕೊರಿಯಾದ ಹವಾಮಾನ ಸಂಸ್ಥೆಯು ದೇಶದ ಹಲವು ಭಾಗಗಳಲ್ಲಿ ಭಾನುವಾರದವರೆಗೆ ಭಾರೀ ಮಳೆಯಾಗಲಿದೆ ಎಂದು ತಿಳಿಸಿದೆ. ಮಧ್ಯ ಪ್ರದೇಶಗಳು ಗೊಂಜು ಮತ್ತು ಚಿಯೋಂಗ್‌ಯಾಂಗ್‌ನಲ್ಲಿ 600 ಮಿ.ಮೀ.ಗಿಂತ ಹೆಚ್ಚಿನ ಮಳೆಯನ್ನು ವರದಿ ಮಾಡಿದೆ.
Heavy Rainfall: More than 30 people died due to landslides and floods due to heavy rains