 ನಡೆಸಿದ ರಾಷ್ಟ್ರೀಯ ಅರ್ಹತೆ ಮತ್ತು ಪ್ರವೇಶ ಪರೀಕ್ಷೆ (NEET-UG 2021) ನ ತಾತ್ಕಾಲಿಕ ಉತ್ತರ ಕೀಲಿಯನ್ನು ಬಿಡುಗಡೆ){kind=link}
ನವದೆಹಲಿ : ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (NTA) ನಡೆಸಿದ ರಾಷ್ಟ್ರೀಯ ಅರ್ಹತೆ ಮತ್ತು ಪ್ರವೇಶ ಪರೀಕ್ಷೆ (NEET-UG 2021) ನ ತಾತ್ಕಾಲಿಕ ಉತ್ತರ ಕೀಲಿಯನ್ನು ಬಿಡುಗಡೆ ಮಾಡಿದೆ. ಅಭ್ಯರ್ಥಿಗಳು ಉತ್ತರ ಕೀಲಿಗಳು ಮತ್ತು OMR ಉತ್ತರ ಪತ್ರಿಕೆಯ ಸ್ಕ್ಯಾನ್ ಮಾಡಿದ ಚಿತ್ರವನ್ನು ಅಧಿಕೃತ ವೆಬ್‌ಸೈಟ್ neet.nta.nic.in ಪರಿಶೀಲನೆ ನಡೆಸಬಹುದಾಗಿದೆ. ಅಲ್ಲದೇ ಉತ್ತರ ಕೀಲಿಯನ್ನು ಡೌನ್ಲೋಡ್ ಮಾಡಲು ಅವಕಾಶವನ್ನು ಕಲ್ಪಿಸಿದೆ.
ಸೆಪ್ಟೆಂಬರ್ 12 ರಂದು NEET-UG 2021 ಅಖಿಲ ಭಾರತ ವೈದ್ಯಕೀಯ ಪ್ರವೇಶ ಪರೀಕ್ಷೆಯನ್ನು ದೇಶ ಮತ್ತು ವಿದೇಶ ಸೇರಿದಂತೆ ಒಟ್ಟು 3,858 ಕೇಂದ್ರಗಳಲ್ಲಿ ನಡೆಸಲಾಗಿತ್ತು. ಉತ್ತರ ಪತ್ರಿಕೆಯಲ್ಲಿ ಅಭ್ಯರ್ಥಿಗಳು ತೃಪ್ತರಾಗದೇ ಇದ್ದರೆ, ಪ್ರತಿ ಉತ್ತರಕ್ಕೆ 1000 ರೂಪಾಯಿ ಶುಲ್ಕವನ್ನು ಪಾವತಿಸುವ ಮೇಲ್ಮನವಿ ಸಲ್ಲಿಸಲು ಅವಕಾಶ ಕಲ್ಪಿಸಲಾಗಿದೆ. ಓಎಂಆರ್‌ ಉತ್ತರ ಹಾಳೆಯಿಂದ ಪಡೆದ ರೆಕಾರ್ಡ್ ಮಾಡಿದ ಪ್ರತಿಕ್ರಿಯೆಗಳನ್ನು ಅವರು ಪ್ರತಿ ಪ್ರಶ್ನೆಗೆ 200 ರೂಗಳನ್ನು ಪಾವತಿಸುವ ಮರು ಮೌಲ್ಯಮಾಪಕನಕ್ಕೆ ಅವಕಾಶ ಕಲ್ಪಿಸಲಾಗಿದೆ. ಇಂದಿನಿಂದ ಮರು ಮೌಲ್ಯಮಾಪನಕ್ಕೆ ಅವಕಾಶ ಕಲ್ಪಿಸಲಾಗಿದ್ದು, ಅಕ್ಟೋಬರ್ 17, ರಾತ್ರಿ 9.00 ಗಂಟೆಯವರೆಗೆ ಈ ಸೌಲಭ್ಯ ಲಭ್ಯವಿರಲಿದೆ.
ಅಭ್ಯರ್ಥಿಗಳು ಮರು ಮೌಲ್ಯ ಮಾಪನಕ್ಕೆ ಸಲ್ಲಿಸಿದ ಅರ್ಜಿಯನ್ನು ವಿಷಯ ತಜ್ಞರ ಸಮಿತಿಯು ಪರಿಶೀಲಿಸುತ್ತದೆ. ಒಂದೊಮ್ಮೆ ಉತ್ತರ ಸರಿಯಾಗಿ ಕಂಡುಬಂದಲ್ಲಿ, ಉತ್ತರ ಕೀಲಿ ಯನ್ನು ಅದಕ್ಕೆ ತಕ್ಕಂತೆ ಪರಿಷ್ಕರಿಸಲಾಗುತ್ತದೆ. ಪರಿಷ್ಕೃತ ಅಂತಿಮ ಉತ್ತರ ಕೀಲಿಯನ್ನು ಆಧರಿಸಿ, ಫಲಿತಾಂಶವನ್ನು ತಯಾರಿಸಿ ಘೋಷಿಸಲಾಗುವುದು. ಯಾವುದೇ ವೈಯಕ್ತಿಕ ಅಭ್ಯರ್ಥಿಗೆ ಅವನ / ಅವಳ ಸವಾಲು ಸ್ವೀಕಾರ / ಒಪ್ಪಿಕೊಳ್ಳದಿರುವ ಬಗ್ಗೆ ತಿಳಿಸಲಾಗುವುದಿಲ್ಲ ಎಂದು ಎನ್‌ಟಿಎ ಹೇಳಿದೆ.
NEET ಉತ್ತರ ಪತ್ರಿಕೆಯನ್ನು ಹೀಗೆ ಡೌನ್ಲೋಡ್ ಮಾಡಿ
ನೀಟ್ ಉತ್ತರ ಕೀ 2021 ಡೌನ್ಲೋಡ್ ಮಾಡಲು ಹಂತಗಳು:
ಅಧಿಕೃತ ವೆಬ್‌ಸೈಟ್ neet.nta.nic.in ಗೆ ಭೇಟಿ ನೀಡಿ
ಉತ್ತರ ಕೀ ಸವಾಲು ಲಿಂಕ್ ಮೇಲೆ ಕ್ಲಿಕ್ ಮಾಡಿ
ಅರ್ಜಿ ಸಂಖ್ಯೆ ಮತ್ತು ಪಾಸ್‌ವರ್ಡ್ / ಹುಟ್ಟಿದ ದಿನಾಂಕ ಬಳಸಿ ಲಾಗಿನ್ ಮಾಡಿ
ನೀಟ್ ಉತ್ತರ ಕೀ, ಉತ್ತರ ಪತ್ರಿಕೆ ಮತ್ತು ಪ್ರತಿಕ್ರಿಯೆ ಹಾಳೆ ಪರದೆಯ ಮೇಲೆ ಕಾಣಿಸುತ್ತದೆ
ಸಂಭವನೀಯ ಸ್ಕೋರ್ ಅನ್ನು ಲೆಕ್ಕಾಚಾರ ಮಾಡಲು OMR ಶೀಟ್ ಮತ್ತು ಪ್ರತಿಕ್ರಿಯೆ ಹಾಳೆಯೊಂದಿಗೆ ಕೀಲಿಗಳನ್ನು ಹೊಂದಿಸಿ
ಈ ಕೆಳಗಿನ ಯಾವುದೇ ಸೂಚನೆಗಳಿದ್ದರೆ ಆಕ್ಷೇಪಣೆ ಮೂಡಿಸಿ.
ನೀಟ್ ಯುಜಿ ಉತ್ತರ ಕೀ 2021 ಡೌನ್ಲೋಡ್ ಮಾಡಲು ನೇರ ಲಿಂಕ್ ಇಲ್ಲಿದೆ.
ಇದನ್ನೂ ಓದಿ : ಉಪನ್ಯಾಸಕರ ನೇಮಕಕ್ಕೆ Ph.D ಕಡ್ಡಾಯವಲ್ಲ : ಸ್ಪಷ್ಟನೆ ನೀಡಿದ ಕೇಂದ್ರ ಶಿಕ್ಷಣ ಸಚಿವಾಲಯ
2021-22ರ ಶೈಕ್ಷಣಿಕ ವರ್ಷದ ಎಂಬಿಬಿಸ್‌, ಬಿಡಿಎಸ್‌, ಬಿಎಎಂಎಸ್‌, ಬಿಯುಎಮ್‌ಎಸ್‌, ಬಿಎಚ್‌ಎಂಎಸ್‌ ನಂತಹ ಪದವಿಪೂರ್ವ ವೈದ್ಯಕೀಯ ಕೋರ್ಸ್‌ಗಳ ಪ್ರವೇಶಕ್ಕಾಗಿ NEET UG 2021 ಪರೀಕ್ಷೆಯನ್ನು ನಡೆಸಲಾಗುತ್ತದೆ.
ಇದನ್ನೂ ಓದಿ : BIG NEWS : ಶಿಕ್ಷಕರಿಗೆ ಬಿಗ್‌ ಶಾಕ್‌ ಕೊಟ್ಟ ರಾಜ್ಯ ಸರಕಾರ
NEET answer key 2021 released at neet.nta.nic.in