Miss England :ಮುಖಕ್ಕೆ ಒಂದಿಂಚೂ ಮೇಕಪ್ ಧರಿಸದೇ ಮಿಸ್ ಇಂಗ್ಲೆಂಡ್ ಸ್ಫರ್ಧೆಯಲ್ಲಿ ಫೈನಲ್ ಪ್ರವೇಶಿಸಿ ಇತಿಹಾಸ ಬರೆದಿದ್ದಾರೆ ಈ ಮಾಡೆಲ್
Miss England :
ಫ್ಯಾಶನ್ ಲೋಕ ಅಂದರೆ ಅಲ್ಲಿ ಮೇಕಪ್ ಇಲ್ಲ ಅಂದರೆ ಆಗೋದೇ ಇಲ್ಲ ಎಂಬ ಮಾತೊಂದಿತ್ತು. ಆದರೆ ಲಂಡನ್ನ ಮೆಲಿಸಾ ರವೂಫ್ ಎಂಬ 20 ವರ್ಷದ ಯುವತಿ ಮೇಕಪ್ ಇಲ್ಲದೇ ರ್ಯಾಂಪ್ ವಾಕ್ ಮಾಡಿದ ವಿಶ್ವದ ಮೊದಲ ಮಹಿಳೆಗೆ ಎಂಬ ಖ್ಯಾತಿಗೆ ಪಾತ್ರರಾಗಿದ್ದಾರೆ. ಮಿಸ್ ಇಂಗ್ಲೆಂಡ್ ಸೌಂದರ್ಯ ಸ್ಫರ್ಧೆಗೆ ಬರೋಬ್ಬರಿ 94 ವರ್ಷಗಳ ಸುದೀರ್ಘ ಇತಿಹಾಸವಿದ್ದು ಇಷ್ಟು ವರ್ಷಗಳಲ್ಲಿ ಮೇಕಪ್ ಧರಿಸದೇ ರ್ಯಾಂಪ್ ವಾಕ್ ಮಾಡಿದ ಮೊದಲ ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ನಾನು ಯಾವುದೇ ಮೇಕಪ್ ಲುಕ್ನ್ನು ತೋರಿಸದೇ ನೈಸರ್ಗಿಕ ಸೌಂದರ್ಯವನ್ನು ತೋರಿಸಲು ನಾನು ಇಚ್ಛಿಸಿದ್ದೆ ಎಂದು ಮೆಲಿಸಾ ಹೇಳಿದ್ದಾರೆ. ಮೇಕಪ್ ಧರಿಸದೇ ಸೆಮಿಫೈನಲ್ವರೆಗೂ ಪ್ರವೇಶಿಸಿರುವ ಮೆಲಿಸಾ ರವೂಫ್ ಇದೀಗ ಫೈನಲ್ನಲ್ಲಿಯೂ ಅವಕಾಶವನ್ನು ಪಡೆದಿದ್ದಾರೆ.ಅಲ್ಲದೇ ಪ್ರತಿಯೊಬ್ಬ ಮಹಿಳೆಯೂ ಮೇಕಪ್ ಧರಿಸದೇ ಆತ್ಮವಿಶ್ವಾಸದಿಂದ ಓಡಾಡಬೇಕು ಎಂದು ಹೇಳಿದ್ದಾರೆ .
ಮೆಲಿಸಾ ರವೂಫ್ 2019ರಲ್ಲಿ Bare Face ರೌಂಡ್ನಲ್ಲಿ ವಿಜೇತರಾಗಿದ್ದರು. ಮೆಲಿಸಾ ರವೂಫ್ ಧೈರ್ಯದ ಬಗ್ಗೆ ಮಾತನಾಡಿದ ಸ್ಪರ್ಧೆ ಸಂಘಟಕರಾದ ಆಂಜಿ ಬೀಸ್ಲಿ, ಸೋಶಿಯಲ್ ಮೀಡಿಯಾದಲ್ಲಿ ಮೇಕಪ್ ಹಾಗೂ ಫಿಲ್ಟರ್ಗಳಿಂದ ಮಹಿಳೆಯರು ತಮ್ಮನ್ನು ತಾವು ಮರೆ ಮಾಡಿಕೊಳ್ಳದೇ ನಿಜವಾಗಿಯೂ ತಾವು ಹೇಗಿದ್ದೇವೆ ಎಂಬುದನ್ನು ಮಹಿಳೆಯರು ಧೈರ್ಯದಿಂದ ಪ್ರದರ್ಶಿಸಬೇಕು ಎಂಬುದನ್ನು ಮೆಲಿಸಾ ಪ್ರೋತ್ಸಾಹಿಸುತ್ತಿದ್ದಾರೆ ಎಂದು ಹೇಳಿದರು.
ಮುಖಕ್ಕೆ ಒಂದಿಂಚೂ ಮೇಕಪ್ ಹಚ್ಚದೇ ಸೆಮಿಫೈನಲ್ ಪ್ರವೇಶಿಸಿದ ಸ್ಫರ್ಧಿಯನ್ನು ನಾನು ಇದೇ ಮೊದಲ ಬಾರಿಗೆ ನೋಡುತ್ತಿದ್ದೇನ ಎಂದು ಆಂಜಿ ಬೀಸ್ಲಿ ಹೇಳಿದ್ದಾರೆ.
ಮೆಲಿಸಾ ರವೂಫ್ ಇದನ್ನು ಅದ್ಭುತ ಅನುಭವ ಎಂದು ಹೇಳಿದ್ದಾರೆ. ಫೈನಲ್ ಎಂಟ್ರಿಯಾಗುತ್ತಿದ್ದಂತೆಯೇ ನನಗೆ ಇದನ್ನೇ ನಂಬಲು ಸಾಧ್ಯವಾಗಲಿಲ್ಲ. ನಾನು ಆಂತರಿಕ ಸೌಂದರ್ಯವನ್ನು ಉತ್ತೇಜಿಸಲು ಯತ್ನಿಸುತ್ತಿದ್ದೇನೆ. ನಿಮ್ಮ ತ್ವಚೆಯ ಮೇಲೆ ನಿಮಗೆ ಪ್ರೀತಿ ಇದ್ದರೆ ನೀವು ಅದನ್ನು ಮೇಕಪ್ನಿಂದ ಮುಚ್ಚಿಕೊಳ್ಳಬೇಕಾದ ಅಗತ್ಯವಿಲ್ಲ.ಅಲ್ಲದೇ ನಿಮ್ಮ ಸರಳತೆಯಲ್ಲಿ ನಿಮ್ಮ ಸೌಂದರ್ಯ ಅಡಗಿದೆ ಎಂದು ಮೆಲಿಸಾ ಹೇಳಿದರು. ಅಕ್ಟೋಬರ್ 17ರಂದು ಮೆಲಿಸಾ 40 ಉಳಿದ ಸ್ಪರ್ಧಿಗಳ ಜೊತೆಯಲ್ಲಿ ಮಿಸ್ ಇಂಗ್ಲೆಂಡ್ ಕಿರೀಟಕ್ಕಾಗಿ ಸೆಣಸಾಡಲಿದ್ದಾರೆ.
ಇದನ್ನು ಓದಿ : drone training to the police : ದೇಶದಲ್ಲೇ ಮೊದಲ ಬಾರಿಗೆ ಪೊಲೀಸರಿಗೆ ಡ್ರೋನ್ ತರಬೇತಿ ನೀಡಿದೆ ಕರ್ನಾಟಕ
ಇದನ್ನೂ ಓದಿ : Condoms From Swiggy : ಸ್ವಿಗ್ಗಿಯಲ್ಲಿ ಐಸ್ಕ್ರೀಂ, ಚಿಪ್ಸ್ ಆರ್ಡರ್ ಮಾಡಿದವನಿಗೆ ಸಿಕ್ಕಿದ್ದು ಕಾಂಡೋಮ್ : ವೈರಲ್ ಆಯ್ತು ಟ್ವೀಟ್
Miss England finalist Melisa Raouf creates history, is first woman in pageant’s history to compete without makeup
Comments are closed.