ಗೋಬಿ ಮಂಚೂರಿ ಹೆಸರು ಕೇಳಿದ್ರೆ ಸಾಕು ಬಾಯಲ್ಲಿ ನೀರು ಬರುತ್ತೆ. ಸಾಕಷ್ಟು ಜನರ ಮನಸ್ಸು ಕದ್ದಿರುವ ಗೋಬಿ ಮಂಚೂರಿಯನ್ನು ಮನೆಯಲ್ಲೇ ತಯಾರಿಸ ಬಹುದು. ಸಂಜೆ ಸಮಯದಲ್ಲಿ ಏನಾದರೂ ಬಿಸಿ ಬಿಸಿಯಾದ ಸ್ನ್ಯಾಕ್ಸ್ ತಿನ್ನಬೇಕು ಎನಿಸುವುದು ಸಹಜ. ಕ್ಯಾಬೇಜ್ ನಿಂದ ರುಚಿಕರವಾದ ಡ್ರೈ ಮಂಚೂರಿಯನ್ ಮಾಡಿಕೊಂಡು ಮನೆಮಂದಿಯೆಲ್ಲಾ ಸವಿಯಬಹುದು.
ಬೇಕಾಗುವ ಸಾಮಾಗ್ರಿಗಳು : 2 ಕಪ್ -ಕ್ಯಾಬೇಜ್ ಚಿಕ್ಕದ್ದಾಗಿ ಕತ್ತರಿಸಿಕೊಂಡಿದ್ದು, ಮೈದಾ ಹಿಟ್ಟು -1 ಕಪ್, ಕಡಲೇ ಹಿಟ್ಟು -3 ಟೇಬಲ್ ಸ್ಪೂನ್, ಹಸಿಮೆಣಸು -ಸಣ್ಣದ್ದಾಗಿ ಹಚ್ಚಿಕೊಂಡಿದ್ದು-2, 1 ಟೀ ಸ್ಪೂನ್ – ಗರಂ ಮಸಾಲಾ, ಕೊತ್ತಂಬರಿ ಸೊಪ್ಪು -1/4 ಕಪ್, ರೆಡ್ ಫುಡ್ ಕಲರ್ -ಚಿಟಿಕೆ, ಶುಂಠಿ ಬೆಳ್ಳುಳ್ಳಿ ಪೇಸ್ಟ್ -1 ಟೇಬಲ್ ಸ್ಪೂನ್, ಖಾರದ ಪುಡಿ -2 ಟೀ ಸ್ಪೂನ್, ಉಪ್ಪು -ರುಚಿಗೆ ತಕ್ಕಷ್ಟು, ಕರಿಯಲು ಎಣ್ಣೆ.
ಇದನ್ನೂ ಓದಿ: Bread Pakoda : ರುಚಿ ರುಚಿ ಬ್ರೆಡ್ ಪಕೋಡಾ ನೀವೂ ಟ್ರೈ ಮಾಡಿ
ಮಾಡುವ ವಿಧಾನ: ಮೊದಲಿಗೆ ಒಂದು ದೊಡ್ಡ ಬೌಲ್ ಗೆ ಕ್ಯಾಬೇಜ್, ಹಸಿಮೆಣಸು, ಖಾರದ ಪುಡಿ, ಫುಡ್ ಕಲರ್, ಗರಂ ಮಸಾಲ, ಕೊತ್ತಂಬರಿ ಸೊಪ್ಪು, ಉಪ್ಪು ಹಾಕಿ ಚೆನ್ನಾಗಿ ಕಲಸಿಕೊಳ್ಳಿ. ನಂತರ 5 ಟೇಬಲ್ ಸ್ಪೂನ್ ಮೈದಾ ಹಿಟ್ಟು, ಕಡಲೇ ಹಿಟ್ಟು ಹಾಕಿ ಮಿಕ್ಸ್ ಮಾಡಿಕೊಳ್ಳಿ. ನಂತರ ಸ್ವಲ್ಪ ಸ್ವಲ್ಪವೇ ನೀರು ಹಾಕಿ ಗಟ್ಟಿಯಾಗಿ ಕಲಸಿಕೊಳ್ಳಿ. ನಂತರ ಗ್ಯಾಸ್ ಮೇಲೆ ಎಣ್ಣೆ ಕಾಯಲು ಇಡಿ.
ನಂತರ ಇದನ್ನು ಚಿಕ್ಕ ಚಿಕ್ಕ ಉಂಡೆ ಮಾಡಿಕೊಂಡು ಕರಿಯಿರಿ. ಸಾಸ್ ಜತೆ ಸವಿಯಿರಿ. ಇದನ್ನು ಒಮ್ಮೆ ತಿಂದರೆ ಮತ್ತೆ ನೀವು ಹೊರಗಡೆ ಹೋಗಿ ಹೊರಗಿನ ತಿನಿಸುಗಳನ್ನು ತಿನ್ನುವುದನ್ನೇ ಮರೆಯುತ್ತಿರಿ. ಅಷ್ಟು ರುಚಿಕರವಾಗಿ ಆರೋಗ್ಯವಾಗಿರುತ್ತೆ ಈ ಕ್ಯಾಬೇಜ್ ಗೋಬಿ ಮಂಚೂರಿ.
ಇದನ್ನೂ ಓದಿ: vegitable cutlet : ಸುಲಭವಾಗಿ ಮಾಡಬಹುದು ವೆಜಿಟೆಬಲ್ ಕಟ್ಲೆಟ್‌