ಬಣ್ಣಗಳ ಹಬ್ಬ ಹೋಳಿಯ ಬಗ್ಗೆ ಇಲ್ಲಿದೆ ಇಂಟರಸ್ಟಿಂಗ್‌ ಸ್ಟೋರಿ

(Holi 2023) ಹೋಳಿ ವಸಂತ ಋತುವಿನ ಅತ್ಯಂತ ನಿರೀಕ್ಷಿತ ಮತ್ತು ಸಂತೋಷದಾಯಕ ಹಬ್ಬವಾಗಿದೆ. ಬಣ್ಣಗಳ ಹಬ್ಬವನ್ನು ಭಾರತ ಮತ್ತು ಪ್ರಪಂಚದಾದ್ಯಂತ ಉತ್ಸಾಹದಿಂದ ಆಚರಿಸಲಾಗುತ್ತದೆ. ಇದು ಪ್ರಾಚೀನ ಮತ್ತು ಅತ್ಯಂತ ಜನಪ್ರಿಯ ಹಿಂದೂ ಹಬ್ಬಗಳಲ್ಲಿ ಒಂದಾಗಿದೆ. ಭಗವಾನ್ ಕೃಷ್ಣ ಮತ್ತು ರಾಧೆಯ ಶಾಶ್ವತ ಪ್ರೀತಿಯ ಪ್ರತೀಕವಾಗಿ ಅದ್ದೂರಿಯಾಗಿ ಹೋಳಿ ಹಬ್ಬವನ್ನು ಆಚರಿಸಲಾಗುತ್ತದೆ. ಈ ವರ್ಷ ಹಿಂದೂ ಕ್ಯಾಲೆಂಡರ್‌ನ ಪ್ರಕಾರ, ಫಾಲ್ಗುಣ ಮಾಸದ ಹುಣ್ಣಿಮೆಯ ದಿನದಂದು ಅಂದರೆ ಮಾರ್ಚ್ 8 ರಂದು ಹೋಳಿ ಹಬ್ಬವನ್ನು ಆಚರಿಸಲಾಗುತ್ತದೆ.

ಈ ವರ್ಷ ಭಾರತದಲ್ಲಿ 8 ಮಾರ್ಚ್ 2023 ಬುಧವಾರ ಮತ್ತು 7 ಮಾರ್ಚ್ ಮಂಗಳವಾರದಂದು ಹೋಳಿಯನ್ನು ಆಚರಿಸಲಾಗುತ್ತದೆ. ಗ್ರೆಗೋರಿಯನ್ ಕ್ಯಾಲೆಂಡರ್ ಪ್ರಕಾರ ಫೆಬ್ರವರಿ ಅಥವಾ ಮಾರ್ಚ್‌ನಲ್ಲಿ ಬರುವ ಹಿಂದೂ ತಿಂಗಳ ಫಾಲ್ಗುಣದ ಹುಣ್ಣಿಮೆಯ ದಿನದಂದು (ಪೂರ್ಣಿಮಾ) ಹೋಳಿಯನ್ನು ಆಚರಿಸಲಾಗುತ್ತದೆ. ಈ ಹಬ್ಬವನ್ನು ಎರಡು ದಿನಗಳ ಕಾಲ ಆಚರಿಸಲಾಗುತ್ತದೆ, ಮೊದಲ ದಿನವನ್ನು ಹೋಲಿಕಾ ದಹನ್ ಅಥವಾ ಛೋಟಿ ಹೋಳಿ ಎಂದು ಕರೆಯಲಾಗುತ್ತದೆ ಮತ್ತು ಎರಡನೇ ದಿನವನ್ನು ರಂಗವಾಲಿ ಹೋಳಿ, ಧುಲಂಡಿ ಅಥವಾ ಫಾಗ್ವಾ ಎಂದು ಕರೆಯಲಾಗುತ್ತದೆ. ಪಂಚಾಂಗದ ಪ್ರಕಾರ, ಪೂರ್ಣಿಮಾ ತಿಥಿಯು ಮಾರ್ಚ್ 06 ರಂದು ಸಂಜೆ 4:17 ಕ್ಕೆ ಪ್ರಾರಂಭವಾಗುತ್ತದೆ ಮತ್ತು ಮಾರ್ಚ್ 07, 2023 ರಂದು ಸಂಜೆ 06:09 ಕ್ಕೆ ಕೊನೆಗೊಳ್ಳುತ್ತದೆ.

ಹೋಳಿ ಹಬ್ಬದ ಆಚರಣೆಯ ಹಿಂದಿನ ಇತಿಹಾಸ
ಹಿಂದೂ ಪುರಾಣಗಳಲ್ಲಿ ಮಹತ್ವವಾದ ಕಥೆಗಳನ್ನೊಳಗೊಂಡ ಈ ಹಬ್ಬವು ಪ್ರಹ್ಲಾದ ಮತ್ತು ಹಿರಣ್ಯಕಶ್ಯಪುವಿನ ದಂತಕಥೆಗೆ ಸಂಬಂಧಿಸಿದೆ. ಪ್ರಹ್ಲಾದನು ವಿಷ್ಣುವಿನ ಭಕ್ತನಾಗಿದ್ದನು, ಆದರೆ ಅವನ ತಂದೆ ಹಿರಣ್ಯಕಶ್ಯಪು ರಾಕ್ಷಸನಾಗಿದ್ದನು. ಅಲ್ಲದೇ ಈತ ನಾಸ್ತಿಕನಾಗಿದ್ದನು. ಪ್ರಹ್ಲಾದನಿಗೆ ದೇವರ ಮೇಲೆ ಅಪಾರ ಭಕ್ತಿ. ಅದತೆ ಮಗನ ಭಕ್ತಿಯನ್ನು ಹಿರಣ್ಯಕಶ್ಯಪು ಒಪ್ಪಲಿಲ್ಲ. ನಾಸ್ತಿಕನಾಗಿದ್ದ ಹಿರಣ್ಯಕಶ್ಯಪು ಪ್ರಹ್ಲಾದನನ್ನು ಕೊಲ್ಲಲು ಹಲವಾರು ಬಾರಿ ಪ್ರಯತ್ನಿಸಿದನು ಆದರೆ ಎಲ್ಲಾ ಪ್ರಯತ್ನದಲ್ಲೂ ಕೂಡ ವಿಫಲನಾದನು. ಅಂತಿಮವಾಗಿ ಅವನ ಸಹೋದರಿ ಹೋಲಿಕಾ ಪ್ರಹ್ಲಾದನನ್ನು ಬೆಂಕಿಯಲ್ಲಿ ಸಿಲುಕಿಸಲು ಸಹಾಯ ಮಾಡುತ್ತಾಳೆ.

ಆದರೆ ಭಗವಾನ್ ವಿಷ್ಣುವಿನ ಕೃಪೆಯಿಂದ, ಹೋಲಿಕಾ ಸುಟ್ಟುಹೋದಾಗ ಪ್ರಹ್ಲಾದನು ಯಾವುದೇ ಅಪಾಯವಿಲ್ಲದೆ ಹೊರಬಂದನು. ಆದ್ದರಿಂದ, ಹೋಳಿಯ ಮೊದಲ ದಿನವನ್ನು ಹೋಲಿಕಾ ದಹನ್ ಎಂದು ಆಚರಿಸಲಾಗುತ್ತದೆ. ಅಲ್ಲಿ ದೀಪವನ್ನು ಬೆಳಗಿಸಲಾಗುತ್ತದೆ ಹಾಗೂ ಇದು ಕೆಟ್ಟದ್ದರ ವಿರುದ್ಧ ಹೋರಾಡಿ ವಿಜಯವನ್ನು ಸೂಚಿಸುತ್ತದೆ. ಹೋಳಿಯ ಎರಡನೇ ದಿನವನ್ನು ಬಣ್ಣಗಳು ಮತ್ತು ನೀರಿನಿಂದ ಓಕುಳಿಯಾಡುವ ಮೂಲಕ ಆಚರಿಸಲಾಗುತ್ತದೆ. ಜನರು ಒಬ್ಬರಿಗೊಬ್ಬರು ಬಣ್ಣದ ಪುಡಿಯನ್ನು ಬಳಿದುಕೊಂಡು ನೀರಿನ ಬಲೂನುಗಳನ್ನು ಒಬ್ಬರಿಗೊಬ್ಬರು ಎಸೆಯುತ್ತಾರೆ. ಪರಸ್ಪರ ಬಣ್ಣದ ನೀರನ್ನು ಸಿಂಪಡಿಸಿ ಒಟ್ಟಾಗಿ ವಿಜೃಂಭಣೆಯಿಂದ ಆಚರಿಸುತ್ತಾರೆ. ಇದು ಪ್ರೀತಿ ಮತ್ತು ಮಮತೆಯ ಪ್ರತೀಕವಾಗಿದೆ. ಎಂತಹದೇ ಮನಸ್ಥಾಪಗಳಿದ್ದರೂ ಕೂಡ ಅದೆಲ್ಲವನ್ನು ಮರೆತು ಈ ಹಬ್ಬವನ್ನು ಆಚರಿಸಲಾಗುತ್ತದೆ.

ಇದನ್ನೂ ಓದಿ : Sleeping Hanuman : ಮಲಗಿದ ರೂಪದಲ್ಲಿದ್ದಾನೆ ಹನುಮಂತ ; ಭಕ್ತನ ಕೋರಿಕೆಗಾಗಿ ಈ ರೂಪ

ಹೋಳಿ ಹಬ್ಬದ ಮಹತ್ವ
ಈ ಹೋಳಿ ಹಬ್ಬ ಪ್ರೀತಿ, ಸಂತೋಷದ ಪ್ರತೀಕವಾಗಿದ್ದು, ಕೆಟ್ಟದರ ಮೇಲೆ ಒಳ್ಳೆಯದರ ವಿಜವನ್ನು ಸಾದಿಸುವ ಸಲುವಾಗಿ ಹಬ್ಬವನ್ನು ಆಚರಿಸಲಾಗುತ್ತದೆ. ಆದ್ದರಿಂದ ಇದು ದೇಶದಾದ್ಯಂತ ಜನಪ್ರಿಯ ಹಬ್ಬವಾಗಿ ಹೊರಹೊಮ್ಮಿದೆ. ಇದು ಬಣ್ಣಗಳೊಂದಿಗೆ ಆಟವಾಡುವುದು, ಭಕ್ಷ್ಯಗಳನ್ನು ವಿನಿಮಯ ಮಾಡಿಕೊಳ್ಳುವುದು ಮತ್ತು ಸಂಗೀತಕ್ಕೆ ನೃತ್ಯ ಮಾಡುವುದು ಹೀಗೆ ಮನರಂಜನಾ ಕಾರ್ಯಕ್ರಮವನ್ನು ನೀಡುವುದರ ಮೂಲಕ ವಿಜೃಂಭಣೆಯಿಂದ ಆಚರಿಸಲಾಗುತ್ತದೆ. ಇನ್ನೂ ಈ ದಿನ, ಕೆಲವರು ಭಾಂಗ್ (ಗಾಂಜಾದಿಂದ ತಯಾರಿಸಿದ) ನಂತಹ ಸಾಂಪ್ರದಾಯಿಕ ಪಾನೀಯಗಳನ್ನು ಸೇವಿಸುತ್ತಾರೆ (ಅದು ಅಮಲೇರಿಸುತ್ತದೆ). ಹೋಳಿ ಪುರಾತನ ಹಿಂದೂಗಳ ಧಾರ್ಮಿಕ ಹಬ್ಬವಾಗಿದ್ದು, ಇದನ್ನು ಹಿಂದೂಗಳಲ್ಲದವರು ಮತ್ತು ಭಾರತ ಮತ್ತು ಪ್ರಪಂಚದ ಅನೇಕ ಭಾಗಗಳಲ್ಲಿ ಆಚರಿಸುತ್ತಾರೆ. ಇತ್ತೀಚಿನ ವರ್ಷಗಳಲ್ಲಿ ಹಬ್ಬವು ಯುರೋಪ್ ಮತ್ತು ಉತ್ತರ ಅಮೆರಿಕಾದ ಭಾಗಗಳಿಗೆ ಪ್ರೀತಿ, ಉಲ್ಲಾಸ ಮತ್ತು ಬಣ್ಣಗಳ ವಸಂತ ಆಚರಣೆಯಾಗಿ ಹರಡಿದೆ.

Holi 2023: Here is an interesting story about Holi, the festival of colors