Good Health Beauty : ಸೌಂದರ್ಯ ಮತ್ತು ಆರೋಗ್ಯದ ಕಾಳಜಿ ಹೀಗಿರಲಿ

• ಅಂಚನ್ ಗೀತಾ

(Good Health Beauty) ಈಗಿನ ಲೈಫ್ ಸ್ಟೈಲ್ ಬದಲಾವಣೆಯಿಂದ ಸೌಂದರ್ಯ ಮತ್ತು ನಮ್ಮ ಆರೋಗ್ಯ ಹದಗೆಡುತ್ತೆ. ಹಾಗಾಗಿ ಇವೆರಡನ್ನು ಒಟ್ಟಿಗೆ ಕಾಪಾಡಿ ಕೊಳ್ಳುವ ಅನಿವಾರ್ಯತೆ ಇದೆ. ನಮ್ಮ ದೇಹದ ಆರೋಗ್ಯ (Health ) ಮತ್ತು ಬಾಹ್ಯ ಸೌಂದರ್ಯಕ್ಕೆ (Beauty)ಒಂದು ರೀತಿಯ ನಂಟಿದೆ. ನಮ್ಮ ಸೌಂದರ್ಯ ವನ್ನು ಹೆಚ್ಚಿಸಿಕೊಳ್ಳಲು ನಾವು ಇಂದು ಅನೇಕ ರಾಸಾಯನಿಕಯುಕ್ತ ಕ್ರೀಮ್ ಗಳ ಬಳಕೆ ಮಾಡುತ್ತೇವೆ.

ಆದರೆ ಇವುಗಳು ಎಷ್ಟು ಆರೋಗ್ಯಕರ ಎಂಬುದು ಕೆಲವು ದಿನಗಳ ನಂತರವಷ್ಟೆ ತಿಳಿದು ಬರುತ್ತದೆ. ನಮ್ಮ ದಿನ ನಿತ್ಯದ ಆಹಾರ ಶೈಲಿಯಲ್ಲಿ ಕೆಲವೊಂದು ಆರೋಗ್ಯ ಕ್ರಮಗಳನ್ನು ಅನುಸರಿಸುವ ಮೂಲಕ ನಮ್ಮ ಸೌಂದರ್ಯ ಮತ್ತು ನಮ್ಮ ಆರೋಗ್ಯ ಎರಡನ್ನೂ ಅಚ್ಚುಕಟ್ಟಾಗಿ ಕಾಪಾಡಿಕೊಳ್ಳಬಹುದು. ಈ ಲೇಖನದಲ್ಲಿ ಅಂತಹ ಕೆಲವು ಅತ್ಯವಶ್ಯಕವಾದ ವಿಚಾರಗಳ ಬಗ್ಗೆ ತಿಳಿದುಕೊಳ್ಳೋಣ…
ಒಳ್ಳೆಯ ನಿದ್ರೆ ಮಾಡಿ

ಇಡೀ ದಿನ ಶ್ರಮ ವಹಿಸಿ ಸ್ವಲ್ಪವೂ ಬಿಡುವಿಲ್ಲದೆ ದುಡಿದು ದಣಿದಿರುವ ನಮ್ಮದೇಹಕ್ಕೆ ರಾತ್ರಿಯ ಸಮಯದಲ್ಲಿ ಕನಿಷ್ಠ ಪಕ್ಷ ಎಂಟು ಗಂಟೆಗಳ ಕಾಲ ಒಳ್ಳೆಯ ನಿದ್ರೆ ಅವಶ್ಯಕತೆ ಇರುತ್ತದೆ. ಇದು ನಮ್ಮ ದೇಹಕ್ಕೆ ಎದುರಾಗಿರುವ ಮಾನಸಿಕ ಒತ್ತಡ ಮತ್ತು ದೈಹಿಕ ಆಯಾಸವನ್ನು ದೂರ ಮಾಡಲು ಅತ್ಯಂತ ಅವಶ್ಯಕವಾಗಿ ಬೇಕಾಗಿರುತ್ತದೆ. ಏಕೆಂದರೆ ಈ ಸಮಯದಲ್ಲಿ ನಮ್ಮ ದೇಹ ಆಂತರಿಕವಾಗಿ ಹಾನಿಯಾದ ಸಣ್ಣ – ಪುಟ್ಟ ಪ್ರಮಾಣವನ್ನು ಸರಿ ಪಡಿಸಿಕೊಳ್ಳುತ್ತದೆ ಎಂದು ಹೇಳುತ್ತಾರೆ ಈ ಸಂದರ್ಭದಲ್ಲಿ ನಮ್ಮ ಸೌಂದರ್ಯ ಹೆಚ್ಚಾಗಲು ನಾವು ಮಾಡುವ ನಿದ್ರೆ ಒಂದು ಸಕಾರಣ ಆಗಬಲ್ಲದು. ಹಾಗಾಗಿ ಒಳ್ಳೆಯ ಆರೋಗ್ಯದ ಜೊತೆಗೆ ಬೇರೆಯವರನ್ನು ಬೆರಗುಗೊಳಿಸುವ ಸೌಂದರ್ಯ ನಮ್ಮದಾಗಬೇಕಾದರೆ ಗುಣ ಮಟ್ಟದ ನಿದ್ರೆ ಮಾಡುವುದನ್ನು ಯಾವುದೇ ಕಾರಣಕ್ಕೂ ಕೈ ಬಿಡಬಾರದು.

Good Health Beauty : ತ್ವಚೆಗೆ ಆರೋಗ್ಯಕರ ಎನಿಸುವ ಆಹಾರಗಳನ್ನು ಸೇವಿಸಿ

ಆಧುನಿಕ ಜೀವನ ಶೈಲಿಯಲ್ಲಿ ಬದುಕುತ್ತಿರುವ ನಾವೆಲ್ಲರೂ ಸಾಂಪ್ರದಾಯಿಕ ಅಡುಗೆಗಳನ್ನು ಬಿಟ್ಟು ಬೀದಿ ಬದಿಯ ಜಂಕ್ ಫುಡ್ ಗಳಿಗೆ ಮೈ ಮರೆತು ಹೋಗಿದ್ದೇವೆ. ಇದು ಹೇಗಾಗಿದೆ ಎಂದರೆ ಒಬ್ಬ ಶ್ರೀಮಂತ ವ್ಯಕ್ತಿ ಎಲ್ಲಾ ಕಳೆದುಕೊಂಡು ಮನೆ ಬಿಟ್ಟು ಬೀದಿಗೆ ಬಂದಂತಿದೆ. ನಾವು ರಸ್ತೆ ಬದಿಯಲ್ಲಿ ಸೇವನೆ ಮಾಡುವ ಅನಾರೋಗ್ಯಕರ ಮತ್ತು ಕಲುಷಿತ ಆಹಾರಗಳಲ್ಲಿ ನಮ್ಮ ದೇಹಕ್ಕೆ ಅಗತ್ಯವಾಗಿ ಬೇಕಾದಂತಹ ಪೌಷ್ಟಿಕ ಸತ್ವಗಳು ಯಾವುದೇ ರೀತಿಯಲ್ಲಿ ಸಿಗುವುದಿಲ್ಲ.

ಇದರ ಜೊತೆಗೆ ನಮ್ಮ ದೇಹದ ಆರೋಗ್ಯ ಮತ್ತು ಸೌಂದರ್ಯ ಎರಡೂ ಹಾಳಾಗುವುದರಲ್ಲಿ ಎರಡು ಮಾತಿಲ್ಲ. ಮುಖ್ಯವಾಗಿ ನಾವು ಸೇವನೆ ಮಾಡುವ ಆಹಾರಗಳಲ್ಲಿ ನಮಗೆ ವಿಟಮಿನ್ ‘ ಸಿ ‘ ಅಂಶಗಳು ಒಮೆಗಾ – 3 ಫ್ಯಾಟಿ ಆಸಿಡ್ ಮತ್ತು ಒಮೆಗಾ – 6 ಫ್ಯಾಟಿ ಆಸಿಡ್ ಅಂಶಗಳು ಇರಬೇಕಾಗುತ್ತದೆ.

ಇವುಗಳು ನಮ್ಮ ದೇಹದಲ್ಲಿ ವಿಶೇಷವಾಗಿ ಚರ್ಮದ ಭಾಗದಲ್ಲಿ ನೈಸರ್ಗಿಕವಾದ ಎಣ್ಣೆಯ ಅಂಶಗಳನ್ನು ಉತ್ಪತ್ತಿ ಮಾಡುವಲ್ಲಿ ಹೆಚ್ಚು ಸಹಾಯ ಮಾಡಿ ನಮ್ಮ ಚರ್ಮ ಸದಾ ತೇವಾಂಶದಿಂದ ಕೂಡಿರುವಂತೆ ನೋಡಿಕೊಳ್ಳುತ್ತವೆ. ಪೌಷ್ಟಿಕಾಂಶ ಪೂರಕಗಳ ಕಡೆ ಮುಖ ಮಾಡಿ. ನಮ್ಮ ದೇಹಕ್ಕೆ ನಾವು ನಿಜವಾಗಲೂ ಪೌಷ್ಟಿಕಾಂಶಗಳನ್ನು ಒದಗಿಸಬೇಕು ಎಂದರೆ ಕೇವಲ ಅವುಗಳನ್ನು ಒಳಗೊಂಡ ಆಹಾರಗಳನ್ನು ಸೇವನೆ ಮಾಡಬೇಕು ಎಂದೇನಿಲ್ಲ. ನಮ್ಮ ದೇಹ ಸೌಂದರ್ಯಕ್ಕೆ ಮತ್ತು ಚರ್ಮದ ಆರೋಗ್ಯಕ್ಕೆ ಅನುಕೂಲವಾಗುವಂತಹ ಪೌಷ್ಟಿಕಾಂಶಗಳು ಪೂರಕಗಳು ನಮಗೆ ಇಂದು ಸಾಕಷ್ಟು ಸಿಗುವುದರಲ್ಲಿವೆ.

ನಮ್ಮ ಜೀವನದ ಗುಣ ಮಟ್ಟವನ್ನು ಹೆಚ್ಚು ಮಾಡುವಂತಹ ಮತ್ತು ಇಸುಬು ಸಮಸ್ಯೆಯನ್ನು ದೂರ ಮಾಡುವಂತಹ ವಿಟಮಿನ್ ‘ ಇ ‘ ಅಂಶದ ಪೂರಕವನ್ನು ಒಣಗಿಸಬಹುದು. ಚರ್ಮ ಸುಕ್ಕುಗಟ್ಟಿದಂತಹ ಮತ್ತು ವಯಸ್ಸಾಗುವಿಕೆ ಸಮಸ್ಯೆಯನ್ನು ಎದುರಿಸುತ್ತಿರುವವರು ವಿಟಮಿನ್ ‘ ಎ ‘ ಅಂಶಗಳ ಪೂರಕವನ್ನು ಪಡೆಯಬಹುದು. ಇನ್ನು ಚರ್ಮದ ಮೇಲೆ ಮೂಡಿ ಬಂದಿರುವ ಮೊಡವೆಗಳು ಮತ್ತು ಕಲೆಗಳ ನಿವಾರಣೆಗೆ ವಿಟಮಿನ್ ‘ ಬಿ ‘ ಪೂರಕಗಳನ್ನು ಪಡೆಯಬಹುದು.

ಮಾನಸಿಕ ಒತ್ತಡದ ನಿವಾರಣೆ

ನಮ್ಮ ಚರ್ಮದ ಸೌಂದರ್ಯ ಹಾಳಾಗಲು ಇನ್ನೊಂದು ಮುಖ್ಯ ಕಾರಣ ಎಂದರೆ ನಾವು ಮಾನಸಿಕವಾಗಿ ಬಹಳಷ್ಟು ನೊಂದು – ಬೆಂದು ಹೋಗುವುದು. ಹೌದು ಮಾನಸಿಕ ಯಾತನೆ ನಮ್ಮ ಸೌಂದರ್ಯವನ್ನು ಹಾಳು ಮಾಡುತ್ತದೆ ಎಂಬುದು ಸಂಶೋಧನೆಗಳಿಂದ ದೃಢ ಪಟ್ಟಿದೆ.

ಹಾಗಾಗಿ ದಿನದಲ್ಲಿ ಸ್ವಲ್ಪ ಸಮಯ ಆದರೂ ನಾವು ನಮ್ಮ ಮಾನಸಿಕ ಒತ್ತಡವನ್ನು ಕಡಿಮೆ ಮಾಡಿಕೊಳ್ಳುವ ಸಲುವಾಗಿ ಆಲೋಚನೆ ಮಾಡಬೇಕು. ‘ ಅರೋಮಾಥೆರಪಿ ‘ ಸದ್ಯ ಈಗ ಮಾನಸಿಕ ಯಾತನೆಯನ್ನು ದೂರಗೊಳಿಸುವ ಪ್ರಕ್ರಿಯೆಯಲ್ಲಿ ನಿರತವಾಗಿದೆ.

ಲ್ಯಾವೆಂಡರ್ ಸುವಾಸನೆ ಬೀರುವ ಒಂದು ಕ್ಯಾಂಡಲ್ ಹಚ್ಚಿ ಅದರ ಮುಂದೆ ಸುಮಾರು ಅರ್ಧ ಗಂಟೆಗಳ ಕಾಲ ಸುಮ್ಮನೆ ನೋಡುತ್ತಾ ಕುಳಿತರೆ ಮಾನಸಿಕವಾಗಿ ನಮಗೆ ಸಾಕಷ್ಟು ಉತ್ತಮ ಅನುಭವ ಉಂಟಾಗುತ್ತದೆ ಮತ್ತು ನಮ್ಮ ಖಿನ್ನತೆ ಕೂಡ ದೂರವಾಗುತ್ತದೆ. ಮಾನಸಿಕ ಒತ್ತಡ ಕಡಿಮೆ ಮಾಡಲು ಧ್ಯಾನ ಸಹಕಾರಿ.

ನಮ್ಮನ್ನು ನಾವು ನಿರ್ಜಲೀಕರಣದಿಂದ ಕಾಪಾಡಿಕೊಳ್ಳುವುದು :

ನಮ್ಮ ಸೌಂದರ್ಯ ಹೆಚ್ಚಾಗಿ ಸಿಕೊಳ್ಳಲು ಮತ್ತು ನಾವು ನಮ್ಮ ಚರ್ಮದ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಹೆಚ್ಚಾಗಿ ನೀರು ಕುಡಿಯಬೇಕು ಎಂದು ವೈದ್ಯರು ಹೇಳುತ್ತಾರೆ.

ಇದು ಸತ್ಯ ಕೂಡ ಒಬ್ಬ ಆರೋಗ್ಯವಂತ ವ್ಯಕ್ತಿ ಪ್ರತಿ ದಿನ ತನ್ನ ದೇಹದ ಅಗತ್ಯತೆಗೆ ತಕ್ಕಂತೆ ನೀರು ಅಥವಾ ಆರೋಗ್ಯಕರವಾದ ಹಣ್ಣಿನ ರಸ ಮತ್ತು ಇತ್ಯಾದಿ ಆರೋಗ್ಯಕರ ಪಾನೀಯಗಳನ್ನು ಸೇವನೆ ಮಾಡಿದರೆ ಉತ್ತಮ

ಇದರಿಂದ ನಮ್ಮ ದೇಹದಲ್ಲಿರುವ ವಿಷಕಾರಿ ತ್ಯಾಜ್ಯಗಳು ನಮ್ಮ ಬೆವರು ಮತ್ತು ಮೂತ್ರ ವಿಸರ್ಜನೆಯ ಮೂಲಕ ಹೊರ ಬರುತ್ತದೆ. ಇದರಿಂದ ನಮ್ಮ ಸೌಂದರ್ಯ ಹೆಚ್ಚಾಗುವುದರಲ್ಲಿ ಬೇರೆ ಮಾತಿಲ್ಲ…

ಇದನ್ನೂ ಓದಿ : ಪ್ರತಿದಿನ ಮಲಗುವ ಮುನ್ನ ಪಾದಗಳಿಗೆ ಮಾಡಿ ಮಸಾಜ್‌ : ಬೆನಿಫಿಟ್ಸ್‌ ಕೇಳಿದ್ರೆ ನೀವೂ ಖಂಡಿತಾ ಮಿಸ್‌ ಮಾಡಲ್ಲ

ಇದನ್ನೂ ಓದಿ : Aloe Vera Tips : ಚರ್ಮದ ಕಾಂತಿಗಷ್ಟೇ ಅಲ್ಲಾ, ತೂಕವನ್ನು ಇಳಿಸುತ್ತೆ ಅಲೋವೆರಾ

Good Health Beauty Avoid Junk food Water Vitamin