 ಭಾರತದ ವೇಟ್‌ಲಿಫ್ಟರ್‌ಗಳು ಸ್ಟಾರ್ ಪರ್ಫಾರ್ಮರ್‌ಗಳಾಗಿದ್ದು 3 ನೇ ದಿನವೂ ಟ್ರೆಂಡ್ ಮುಂದುವರೆಯಿತು.){kind=link}
2022 ರ ಕಾಮನ್ವೆಲ್ತ್ ಗೇಮ್ಸ್‌ನಲ್ಲಿ (CWG 2022) ಭಾರತದ ವೇಟ್‌ಲಿಫ್ಟರ್‌ಗಳು ಸ್ಟಾರ್ ಪರ್ಫಾರ್ಮರ್‌ಗಳಾಗಿದ್ದು 3 ನೇ ದಿನವೂ ಟ್ರೆಂಡ್ ಮುಂದುವರೆಯಿತು. 20 ವರ್ಷದ ಅಚಿಂತಾ ಶೆಯುಲಿ ಪುರುಷರ 73 ಕೆಜಿಯಲ್ಲಿ ವಿಭಾಗದಲ್ಲಿ ಒಟ್ಟು 313 ಕೆಜಿ ಎತ್ತಿ ದಾಖಲೆ ಮಾಡುವುದರ ಮೂಲಕ ಚಿನ್ನದ ಪದಕ ಗೆದ್ದುಕೊಂಡರು. ಗೇಮ್ಸ್‌ನಲ್ಲಿ ಅಚಿಂತಾ ಶೆಯುಲಿ 140 ಕೆಜಿ ಮತ್ತು 143 ಕೆಜಿ ಎತ್ತುವ ಮೂಲಕ ಸ್ನ್ಯಾಚ್ ಸುತ್ತಿನಲ್ಲಿ ಎರಡು ಬಾರಿ ದಾಖಲೆ ಮಾಡಿದರು. ನಂತರ ಅವರು ಕ್ಲೀನ್ ಮತ್ತು ಜರ್ಕ್ ಸುತ್ತಿನಲ್ಲಿ 166 ಕೆಜಿ ಮತ್ತು 170 ಕೆಜಿ ಎತ್ತುವ ಮೂಲಕ ಕಾಮನ್ವೆಲ್ತ್ ಗೇಮ್ಸ್ ನಲ್ಲಿ ದಾಖಲೆಯನ್ನು ಬರೆದರು.
ಭಾರತದ ವೇಟ್‌ಲಿಫ್ಟರ್‌ ಅಚಿಂತಾ ಶೆಯುಲಿ ಭಾನುವಾರ ಎನ್‌ಇಸಿ ಹಾಲ್‌ನಲ್ಲಿ ಚಿನ್ನವನ್ನು ಪಡೆಯಲು 313 ಕೆಜಿ (143 ಕೆಜಿ ಮತ್ತು 170 ಕೆಜಿ) ಭಾರ ಎತ್ತಿದರು.
ಶೆಯುಲಿ ಅವರಿಗೆ ಕಠಿಣ ಪೈಪೋಟಿ ನೀಡಿದ ಮಲೇಷ್ಯಾದ ಎರ್ರಿ ಹಿದಾಯತ್ ಮುಹಮ್ಮದ್ ಅವರು ಕಾಮನ್ವೆಲ್ತ್ ಈವೆಂಟ್‌ನಲ್ಲಿ ಎರಡನೇ ಅತ್ಯುತ್ತಮ ಲಿಫ್ಟರ್ ಆಗಿ ಹೊರಹೊಮ್ಮಿದರು. ಅವರು ಒಟ್ಟು 303 ಕೆಜಿ (138 ಕೆಜಿ ಮತ್ತು 165 ಕೆಜಿ) ಭಾರ ಎತ್ತುವ ಮೂಲಕ ಉತ್ತಮ ಪ್ರದರ್ಶನ ತೋರಿದರು.
ಕೆನಡಾದ ಶಾದ್ ಡಾರ್ಸಿಗ್ನಿ ಒಟ್ಟು 298 ಕೆಜಿ (135 ಕೆಜಿ ಮತ್ತು 163 ಕೆಜಿ) ಭಾರ ಎತ್ತುವ ಮೂಲಕ ಮೂರನೇ ಸ್ಥಾನ ಪಡೆದರು.
ಜೂನಿಯರ್ ವಿಶ್ವ ಚಾಂಪಿಯನ್‌ಶಿಪ್ ಬೆಳ್ಳಿ ಪದಕ ವಿಜೇತ ಶೆಯುಲಿ, ಸ್ನ್ಯಾಚ್ ವಿಭಾಗದಲ್ಲಿ 137 ಕೆಜಿ, 140 ಕೆಜಿ ಮತ್ತು 143 ಕೆಜಿ — ಮೂರು ಕ್ಲೀನ್ ಲಿಫ್ಟ್‌ಗಳನ್ನು ಪ್ರದರ್ಶಿಸಿದರು.
ಸ್ನಾಚ್‌ ವಿಭಾಗದಲ್ಲಿ ಶೆಯುಲಿ ಅವರ 143 ಕೆಜಿ ಪ್ರಯತ್ನವು ಕಾಮನ್ವೆಲ್ತ್ ಗೇಮ್ಸ್ ನಲ್ಲಿ ದಾಖಲೆಯನ್ನು ಮಾಡಲು ಮತ್ತು ಅವರ ವೈಯಕ್ತಿಕ ಅತ್ಯುತ್ತಮ ಸಾಧನೆಗೆ ಸಹಾಯ ಮಾಡಿತು.
ಅಚಿಂತಾ ಶೆಯುಲಿ ಮೂರನೇ ಪ್ರಯತ್ನದಲ್ಲಿ 170 ಕೆಜಿ ಗಿಂತಲೂ ಹೆಚ್ಚು ತೂಕವನ್ನು ಹೆಚ್ಚಿಸುವಲ್ಲಿ ವಿಫಲವಾದರು. ಒಟ್ಟಾರೆ 313 ಕೆಜಿ ಎತ್ತುವ ಮೂಲಕ ಹೊಸ ದಾಖಲೆಯನ್ನು ನಿರ್ಮಿಸಿದರು.
ಮಲೇಷಿಯಾದ ಆಟಗಾರ ತನ್ನ ಕೊನೆಯ ಎರಡು ಬಾರಿ 176 ಕೆಜಿ ಎತ್ತುವ ಪ್ರಯತ್ನದಲ್ಲಿ ವಿಫಲರಾದ ಕಾರಣ, ಅವರು ಯಾವ ಪದಕವನ್ನು ಗೆಲ್ಲಬಹುದು ಎಂಬುದನ್ನು ಕಂಡುಹಿಡಿಯಲು ಭಾರತೀಯ ಲಿಫ್ಟರ್ ಕೊನೆಯವರೆಗೂ ತಾಳ್ಮೆಯಿಂದ ಕಾಯಬೇಕಾಯಿತು.
ಶೆಯುಲಿ ಅವರ ಚಿನ್ನದೊಂದಿಗೆ, ಭಾರತೀಯ ವೇಟ್‌ಲಿಫ್ಟಿಂಗ್ ತಂಡವು ಕ್ರೀಡಾಕೂಟದ ಆರನೇ ಪದಕವನ್ನು ಪಡೆದುಕೊಂಡಿದೆ. ಇದಕ್ಕೂ ಮುನ್ನ ಪುರುಷರ 67 ಕೆಜಿ ವಿಭಾಗದಲ್ಲಿ 19 ವರ್ಷದ ಜೆರೆಮಿ ಲಾಲ್ರಿನ್ನುಂಗಾ ಚಿನ್ನದ ಪದಕ ಗೆದ್ದಿದ್ದರು.
ಇದನ್ನೂ ಓದಿ : Jeremy Lalrinnunga: ಕಾಮನ್ವೆಲ್ತ್ ಗೇಮ್ಸ್ ಚಿನ್ನದ ಪದಕ ವಿಜೇತ ಜೆರೆಮಿ ಲಾಲ್ರಿನ್ನುಂಗಾ ಬಗ್ಗೆ ಇಲ್ಲಿದೆ ಒಂದಿಷ್ಟು ಕುತೂಹಲಕಾರಿ ಸಂಗತಿ
ಇದನ್ನೂ ಓದಿ : IND-W vs PAK-W : ಪಾಕ್ ಮಹಿಳೆಯರ ವಿರುದ್ಧ ಭಾರತದ ವನಿತೆಯರಿಗೆ ಭರ್ಜರಿ ಜಯ
(CWG 2022 India’s Achinta Sheuli won gold in men’s 73kg weightlifting)