ಹಿಂದುತ್ವವೇ ಜಾತ್ಯತೀತತೆ; ಭಟ್ಕಳದಲ್ಲಿ ಘರ್ಜಿಸಿದ ಹಿಂದೂ ಹುಲಿ ಅನಂತ್‌ ಕುಮಾರ್‌ ಹೆಗಡೆ

ಭಟ್ಕಳ: ಲೋಕಸಭಾ ಚುನಾವಣೆಯ ಟಿಕೆಟ್ ಕೈತಪ್ಪಿದ ನಂತರ ಸುಮಾರು ಎರಡು ವರ್ಷಗಳ ಕಾಲ ಸಾರ್ವಜನಿಕವಾಗಿ ಮೌನಕ್ಕೆ ಶರಣಾಗಿದ್ದ ಮಾಜಿ ಸಂಸದ ಅನಂತ್‌ ಕುಮಾರ್ ಹೆಗಡೆ (Ananth Kumar Hegde), ಇಂದು ಭಟ್ಕಳದಲ್ಲಿ ನಡೆದ ‘ಹಿಂದೂ ಸಂಗಮ’ ಸಮಾವೇಶದ ಮೂಲಕ (Bhatkal Hindu Sangam Event) ಭರ್ಜರಿಯಾಗಿ ಕಾಣಿಸಿಕೊಂಡಿದ್ದಾರೆ. ಅವರ ಈ ಆಕ್ರಮಣಕಾರಿ ಭಾಷಣವು ರಾಜ್ಯ ರಾಜಕೀಯದಲ್ಲಿ ಹೊಸ ಚರ್ಚೆಗೆ ನಾಂದಿ ಹಾಡಿದ್ದು, ಹೆಗಡೆ ತಮ್ಮ ಎರಡನೇ ಇನ್ನಿಂಗ್ಸ್ ಆರಂಭಿಸಲು ಸಜ್ಜಾಗಿದ್ದಾರೆಯೇ ಎಂಬ ಕುತೂಹಲ ಮೂಡಿಸಿದೆ.

• ಜಾತಿಗಿಂತ ಯೋಗ್ಯತೆ ಮುಖ್ಯ:
  ಸಮಾವೇಶದಲ್ಲಿ ಮಾತನಾಡಿದ ಅವರು, “ನಮ್ಮ ದೇಶದಲ್ಲಿ ಜಾತಿಗೆ ಎಂದಿಗೂ ಬೆಲೆಯಿರಲಿಲ್ಲ, ಯೋಗ್ಯತೆಗೆ ಮಾತ್ರ ಬೆಲೆಯಿತ್ತು. 90% ಋಷಿಗಳು ಬ್ರಾಹ್ಮಣರಲ್ಲ, ವಾಲ್ಮೀಕಿ ಮತ್ತು ವಿಶ್ವಾಮಿತ್ರರೂ ಬ್ರಾಹ್ಮಣರಲ್ಲ. ಇತಿಹಾಸ ಓದಿದರೆ ಸತ್ಯ ತಿಳಿಯುತ್ತದೆ,” ಎಂದು ಪ್ರತಿಪಾದಿಸಿದರು.

• ಹಿಂದುತ್ವವೇ ಜಾತ್ಯತೀತತೆ:
  ಜಾತ್ಯತೀತತೆಯ ಬಗ್ಗೆ ಮಾತನಾಡುತ್ತಾ, “ನೈಜ ಜಾತ್ಯತೀತತೆ ಎಂದರೆ ಅದು ಹಿಂದುತ್ವ. ಬೇರೆ ರಾಷ್ಟ್ರಗಳಿಂದ ಬಂದವರಿಗೆ ಇಲ್ಲಿ ಆರಾಧನಾ ಮಂದಿರ ಕಟ್ಟಲು ಅವಕಾಶ ನೀಡಿದ್ದೇವೆ ಎಂದರೆ ನಮಗಿಂತ ದೊಡ್ಡ ಜಾತ್ಯತೀತರು ಯಾರಿದ್ದಾರೆ? ತಾಕತ್ತಿದ್ದರೆ ಬಾಂಗ್ಲಾದೇಶಕ್ಕೆ ಹೋಗಿ ಜಾತ್ಯತೀತತೆಯ ಪಾಠ ಮಾಡಿ,” ಎಂದು ಸವಾಲು ಹಾಕಿದರು.

  ಯುದ್ಧ ಆದ್ರೆ ಸರ್ಕಾರ ಎಲ್‌ಐಸಿ ಹಣ ಬಳಸಬಹುದಾ? ನಿಮ್ಮ ಹಣ ಸುರಕ್ಷಿತವೇ? ಇಲ್ಲಿದೆ ಅಧಿಕೃತ ಮಾಹಿತಿ

• ಒಗ್ಗಟ್ಟಿನ ಕರೆ:
  “ನಮ್ಮನ್ನು ಮುಸ್ಲಿಮರು ಅಥವಾ ಕ್ರಿಶ್ಚಿಯನ್ನರು ಸೋಲಿಸಿಲ್ಲ, ಬದಲಾಗಿ ನಮ್ಮವರೇ ಆದ ಜಯಚಂದ ಮತ್ತು ಮಲ್ಲಪ್ಪ ಶೆಟ್ಟಿಯಂತಹ ದ್ರೋಹಿಗಳು ಸೋಲಿಸಿದ್ದಾರೆ. ಹಿಂದೂಗಳು ಒಂದಾಗದಿದ್ದರೆ ವಿನಾಶ ಖಂಡಿತ,” ಎಂದು ಎಚ್ಚರಿಸಿದರು.

• RSS ಕುರಿತು ಹೆಮ್ಮೆ:
  ಆರ್.ಎಸ್.ಎಸ್ ಮುಗಿಸುತ್ತೇವೆ ಎನ್ನುವವರು ಭ್ರಮೆಯಲ್ಲಿದ್ದಾರೆ ಎಂದು ಗುಡುಗಿದ ಅವರು, “ಹುಲಿ-ಸಿಂಹವನ್ನು ಯಾರೂ ಬಲಿ ಕೊಡಲ್ಲ, ಕುರಿಯನ್ನಷ್ಟೇ ಬಲಿ ಕೊಡೋದು. ನಮ್ಮ ಸಂಘಟನೆಯನ್ನು ನಿಲ್ಲಿಸಲು ಯಾರಿಂದಲೂ ಸಾಧ್ಯವಿಲ್ಲ,” ಎಂದರು.

• ಸಂಸ್ಕಾರಯುತ ಬದುಕು:
  ಶಿಕ್ಷಣ ಕೇವಲ ಹಣ ಮಾಡುವುದಕ್ಕಷ್ಟೇ ಸೀಮಿತವಾಗಬಾರದು, ಸಂಸ್ಕಾರಯುತ ಬದುಕಿಗೆ ಒತ್ತು ನೀಡಬೇಕು ಎಂದು ಕರೆ ನೀಡಿದರು.

ಬರೋಬ್ಬರಿ 3,000ಕ್ಕೂ ಹೆಚ್ಚು ಜನರು ಭಾಗವಹಿಸಿದ್ದ ಈ ಸಮಾವೇಶದಲ್ಲಿ ಹೆಗಡೆಯವರ ಹಳೇ ಶೈಲಿಯ ಘರ್ಜನೆ ಮರುಕಳಿಸಿದ್ದು, ಅವರು ಮತ್ತೆ ಸಕ್ರಿಯ ರಾಜಕೀಯದಲ್ಲಿ ತೊಡಗಿಸಿಕೊಳ್ಳುವ ಸ್ಪಷ್ಟ ಸೂಚನೆ ನೀಡಿದ್ದಾರೆ.