ವಾಹನ ಸವಾರರ ಗಮನಕ್ಕೆ : ಮತ್ತೊಮ್ಮೆ ರಾಜ್ಯದಲ್ಲಿ ಜಾರಿಯಾಗಿದೆ 50% ಸಂಚಾರ ದಂಡ ವಿನಾಯಿತಿ ಆಫರ್

ಟ್ರಾಫಿಕ್​ ದಂಡ ಬಾಕಿ ಉಳಿಸಿಕೊಂಡಿರುವ ವಾಹನ ಸವಾರರಿಗೆ ರಾಜ್ಯ ಕಾಂಗ್ರೆಸ್​ ಸರ್ಕಾರ ಇದೀಗ ಮತ್ತೊಮ್ಮೆ ಗುಡ್​ ನ್ಯೂಸ್​ ನೀಡಿದೆ. ಕೆಲವು ದಿನಗಳ ಹಿಂದೆಷ್ಟೇ ಟ್ರಾಫಿಕ್​ ದಂಡ ಪಾವತಿಯಲ್ಲಿ 50 ಪ್ರತಿಶತ ರಿಯಾಯಿತಿ ಘೋಷಿಸಿದ್ದ ರಾಜ್ಯ ಸರ್ಕಾರ ಇದೀಗ ಮತ್ತೊಮ್ಮೆ ಈ ಆಫರ್​ ನೀಡಿದೆ. ಹೀಗಾಗಿ ಸಂಚಾರ ದಂಡ ಕಟ್ಟಲು ಬಾಕಿ ಇರುವವರಿಗೆ ದಂಡ ಪಾವತಿ ಮಾಡಲು ಇದು ಸರಿಯಾದ ಸಮಯವಾಗಿದೆ.
ಈ ಹಿಂದೆ ವಾಹನ ಸವಾರರಿಗೆ ಈ ರೀತಿ ನೀಡಿದ್ದ ಆಫರ್​ಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಸಾಕಷ್ಟು ಮಂದಿ ವಾಹನ ಸವಾರರು ಈ ವಿನಾಯಿತಿಯ ಲಾಭ ಪಡೆದು ದಂಡ ಪಾವತಿ ಮಾಡಿದ್ದರು. ಇದರಿಂದ ಸರ್ಕಾರದ ಬೊಕ್ಕಸ ಕೂಡ ತುಂಬಿತ್ತು.

ಹೀಗಾಗಿ ಇದೀಗ ವಾಹನ ಸವಾರರಿಗೆ ಮತ್ತೊಮ್ಮೆ ಸಂಚಾರ ದಂಡ ಪಾವತಿ ಸರಳೀಕೃತಗೊಳಿಸಲು ರಾಜ್ಯ ಸರ್ಕಾರ ಈ ಕ್ರಮ ಕೈಗೊಂಡಿದೆ. ರಾಜ್ಯ ಸಾರಿಗೆ ಇಲಾಖೆ ಅಧೀನ ಕಾರ್ಯದರ್ಶಿ ರಂಗಪ್ಪ ಕರಿಗಾರ ಅಧಿಕೃತ ಆದೇಶ ಹೊರಡಿಸಿದ್ದಾರೆ. ಕಳೆದ ಬಾರಿಯಂತೆಯೇ ಈ ಭಾರಿಯೂ ಈ ಸಂಚಾರ ವಿನಾಯಿತಿಗೆ ಭಾರೀ ಬೆಂಬಲ ವ್ಯಕ್ತವಾಗುವ ನಿರೀಕ್ಷೆಯಿದೆ.

ಇದನ್ನೂ ಓದಿ: ಖಾಸಗಿ ಉದ್ಯಮದ ಮಹಿಳಾ ನೌಕರರಿಗೆ ತಿಂಗಳಲ್ಲಿ ಮಾಸಿಕ ಋತುಚಕ್ರ ರಜೆ : ರಾಜ್ಯ ಸರ್ಕಾರದಿಂದ ಮಹತ್ವದ ಆದೇಶ

ಇಂದಿನಿಂದ ರಾಜ್ಯಾದ್ಯಂತ ಸಂಚಾರ ದಂಡ ಪಾವತಿಯಲ್ಲಿ 50 ಪ್ರತಿಶತ ವಿನಾಯಿತಿ ಜಾರಿಗೆ ಬಂದಿದೆ. ಡಿಸೆಂಬರ್​ 12ರವರೆಗೆ ಮಾತ್ರ ಈ ವಿನಾಯಿತಿ ರಾಜ್ಯಾದ್ಯಂತ ಲಭ್ಯವಿರಲಿದೆ. ಹೀಗಾಗಿ ವಾಹನ ಸವಾರರು ಈ ಅವಧಿಯ ಒಳಗಾಗಿ ತಮ್ಮ ಬಾಕಿ ಇರುವ ಸಂಚಾರ ದಂಡವನ್ನು ಪಾವತಿ ಮಾಡಿಕೊಳ್ಳಬಹುದಾಗಿದೆ.