Ola Electric Scooter Offer | ಮನೆಗೆ ತನ್ನಿ ಈ ಎಲೆಕ್ಟ್ರಿಕ್ ಸ್ಕೂಟರ್ ಪಡೆಯಿರಿ 10000 ಡಿಸ್ಕೌಂಟ್ : ಏನಿದು ಸ್ಕ್ಕೀಮ್ ?

ನವದೆಹಲಿ : ಇತ್ತೀಚಿನ ದಿನಗಳಲ್ಲಿ ಮನೆಯಲ್ಲಿ ಎಷ್ಟು ಜನ ಇರುತ್ತಾರೋ ಅವರಿಗೆಲ್ಲಾ ಆಚೆ ಹೋಗಲು ಒಂದು ಗಾಡಿ ಬೇಕು. ಹಾಗಾಗಿ ದೇಶದಲ್ಲಿ (Ola Electric Scooter Offer) ಎಲೆಕ್ಟ್ರಿಕ್ ಸ್ಕೂಟರ್‌ಗಳ ಬೇಡಿಕೆ ನಿರಂತರವಾಗಿ ಹೆಚ್ಚುತ್ತಿದೆ. ಆದ್ದರಿಂದ ನೀವು ಸಹ ಎಲೆಕ್ಟ್ರಿಕ್ ಸ್ಕೂಟರ್ ಖರೀದಿಸಲು ಯೋಚಿಸುತ್ತಿದ್ದರೆ, ನೀವು ಕೂಡ ಸುಲಭವಾಗಿ ತೆಗೆದುಕೊಳ್ಳಬಹುದು. ಏಕೆಂದರೆ ಓಲಾ ಕಂಪನಿಯು ತನ್ನ ಎಲೆಕ್ಟ್ರಿಕ್ ಸ್ಕೂಟರ್‌ನಲ್ಲಿ ಅದ್ಭುತ ಆಫರ್‌ಗಳನ್ನು ನೀಡುತ್ತಿದೆ. ಓಲಾ ಎಲೆಕ್ಟ್ರಿಕ್‌ನಿಂದ ಈ ವರ್ಷದ ಕೊನೆಯಲ್ಲಿ ‘ಡಿಸೆಂಬರ್ ಟು ರಿಮೆಂಬರ್’ ಕೊಡುಗೆಯ ಅಡಿಯಲ್ಲಿ, ನೀವು ಕಂಪನಿಯ ಸ್ಕೂಟರ್‌ಗಳಾದ S1 ಮತ್ತು S1 ಪ್ರೊ ಎರಡನ್ನೂ ಬಂಪರ್ ರಿಯಾಯಿತಿ ಮೇಲೆ ಖರೀದಿ ಮಾಡಬಹುದು. ಶೂನ್ಯ ಡೌನ್ ಪಾವತಿ ಮತ್ತು ಕಡಿಮೆ ಬಡ್ಡಿದರದ ಮೇಲೆ ಸಾಲ ಸೌಲಭ್ಯಗಳೊಂದಿಗೆ ಈ ಸ್ಕೂಟರ್ ಗಳನ್ನು ನೀವು ಮನೆಗೆ ತರಬಹುದು.

ಕಂಪನಿಯು ಶೂನ್ಯ ಡೌನ್‌ಪೇಮೆಂಟ್‌ನಲ್ಲಿ ಮಾತ್ರವಲ್ಲದೆ ತನ್ನ ಸ್ಕೂಟರ್‌ಗಳ ಮೇಲೆ ನಗದು ಹಣದಲ್ಲಿ ಕೂಡ ರಿಯಾಯಿತಿ ನೀಡುತ್ತಿದೆ. ನೀವು ಈ ತಿಂಗಳು Ola S1 Pro ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಖರೀದಿಸಿದರೆ, ನೀವು ಅದರ ಮೇಲೆ 10,000 ರೂಪಾಯಿಗಳ ರಿಯಾಯಿತಿಯನ್ನು ಪಡೆಯಬಹುದು. ಈ ಸ್ಕೂಟರ್‌ನ ಬೆಲೆ 1.30 ಲಕ್ಷ (ಎಕ್ಸ್ ಶೋ ರೂಂ) ಆಗಿದ್ದು, ಇದರ ಮೇಲೆ ನೀವು 10,000 ರೂಪಾಯಿಗಳ ರಿಯಾಯಿತಿಯನ್ನು ಪಡೆಯಬಹುದು.

ಓಲಾ ಎಲೆಕ್ಟ್ರಿಕ್ ಸೆಪ್ಟೆಂಬರ್‌ನಲ್ಲಿ ಎಸ್ 1 ಪ್ರೊನಲ್ಲಿ 10,000 ರೂಪಾಯಿಗಳ ರಿಯಾಯಿತಿ ಕೊಡುಗೆಯನ್ನು ಪರಿಚಯಿಸಿದೆ. ಇದೀಗ ಕಂಪೆನಿ ಆ ಆಫರ್‌ನ್ನು ಡಿಸೆಂಬರ್‌ವರೆಗೆ ವಿಸ್ತರಿಸಿದೆ. ಅಷ್ಟೇ ಅಲ್ಲದೇ S1 ಮತ್ತು S1 Pro ಎಲೆಕ್ಟ್ರಿಕ್ ಸ್ಕೂಟರ್‌ಗಳ ಖರೀದಿಯ ಮೇಲೆ, ನೀವು ಒಂದು ವರ್ಷಕ್ಕೆ 3,999 ರೂ ಮೌಲ್ಯದ ಉಚಿತ ಸೇವೆಯನ್ನು ಪಡೆಯಬಹುದು ಮತ್ತು ಓಲಾ ಹೈಪರ್‌ಚಾರ್ಜರ್ ನೆಟ್‌ವರ್ಕ್‌ಗೆ ಉಚಿತ ಪ್ರವೇಶವನ್ನು ಪಡೆಯಬಹುದು.

ಇದರ ಜೊತೆಯಲಿ ಕಂಪನಿಯು ಸಾಲದ ಮೇಲೆ ಶೂನ್ಯ ಸಂಸ್ಕರಣಾ ಶುಲ್ಕ ಯೋಜನೆಯನ್ನು ಸಹ ಘೋಷಿಸಿದೆ. ಅಂದರೆ ಗ್ರಾಹಕರು ಸಾಲವನ್ನು ಪಡೆಯಲು ಯಾವುದೇ ಪ್ರೊಸೆಸಿಂಗ್ ಶುಲ್ಕವನ್ನು ಪಾವತಿಸಬೇಕಾಗಿಲ್ಲ. ಸ್ಕೂಟರ್ ಖರೀದಿಯ ಮೇಲೆ, ಗ್ರಾಹಕರು ಕೇವಲ 2,499 ರೂಗಳ ಆರಂಭಿಕ EMI ಅನ್ನು ಪಾವತಿಸಬಹುದು ಮತ್ತು ಅದರ ಬಡ್ಡಿ ದರವು ಶೇ.8.99 ರಿಂದ ಆರಂಭವಾಗುತ್ತದೆ.

ಇದನ್ನೂ ಓದಿ : Maruti Suzuki Baleno vs Tata Punch : ಅತೀ ಹೆಚ್ಚು ಮಾರಾಟವಾಗುತ್ತಿರುವ ಮಾರುತಿ-ಟಾಟಾದ ಅಗ್ಗದ ಕಾರುಗಳು ಯಾವುವು ಗೊತ್ತಾ ?

ಇದನ್ನೂ ಓದಿ : Hyundai December Discounts : ಡಿಸೆಂಬರ್‌ ತಿಂಗಳಿನಲ್ಲಿ ಭರ್ಜರಿ ಡಿಸ್ಕೌಂಟ್‌ ನೀಡಿದ ಹುಂಡೈ

ಇದನ್ನೂ ಓದಿ : Volkswagen Tiguan : ಫೋಕ್ಸ್‌ವ್ಯಾಗನ್‌ ಎಕ್ಸ್‌ಕ್ಲೂಸಿವ್‌ ಎಡಿಷನ್‌ ಟಿಗಾನ್‌ ಅನಾವರಣ

ಕ್ರೆಡಿಟ್ ಕಾರ್ಡ್ ಬಳಸಿ ಖರೀದಿಸಿದರೆ ಹೆಚ್ಚುವರಿ ಶೇ.5ರಷ್ಟು ರಿಯಾಯಿತಿ :
ನೀವು Ola ಎಲೆಕ್ಟ್ರಿಕ್ ಸ್ಕೂಟರ್‌ಗಳನ್ನು ಕ್ರೆಡಿಟ್ ಕಾರ್ಡ್ ಮೂಲಕ EMI ನಲ್ಲಿ ಖರೀದಿಸಿದರೆ, ನೀವು ಶೇ.5 ರಷ್ಟು ಹೆಚ್ಚುವರಿ ರಿಯಾಯಿತಿಯನ್ನು ಪಡೆಯಬಹುದು. ಈ ಆಫರ್‌ ಕೆಲವು ಬ್ಯಾಂಕ್‌ಗಳ ಕ್ರೆಡಿಟ್ ಕಾರ್ಡ್ ಗಳಿಗೆ ಮಾತ್ರ ಲಭ್ಯವಿದೆ ಎನ್ನುವುದನ್ನು ಗ್ರಾಹಕರು ಗಮನಿಸಬೇಕಾಗಿದೆ.

Ola Electric Scooter Offer | Bring Home Get This Electric Scooter 10000 Discount : What is the Scheme ?