ದೇಶದ ಪ್ರಮುಖ ಕಾರು ತಯಾರಿಕಾ ಕಂಪೆನಿ ಟಾಟಾ ಹೊಸ ಮಾದರಿಯ ಕಾರುಗಳನ್ನು ಗ್ರಾಹಕರಿಗೆ ಪರಿಚಯಿಸುತ್ತಿದೆ. ಅದ್ರಲ್ಲೂ ಇತ್ತೀಚೆಗೆ ಬಿಡುಗಡೆಯಾಗಿದ್ದ ಆಲ್ಟ್ರೋಜ್ ಈಗಾಗಲೇ ಗ್ರಾಹಕರನ್ನು ತನ್ನತ್ತ ಸೆಳೆಯುವಲ್ಲಿ ಯಶಸ್ವಿಯಾಗಿದೆ.
ಕಡಿಮೆ ಬೆಲೆಯಲ್ಲಿ ಗ್ರಾಹಕರಿಗೆ ಅತೀ ಹೆಚ್ಚಿನ ಸುರಕ್ಷತೆಯನ್ನು ನೀಡುವ ಮೂಲಕ ದೇಶದಲ್ಲಿ ಬೇಡಿಕೆಯನ್ನು ಪಡೆದುಕೊಂಡಿರುವ ಆಲ್ಟ್ರೋಜ್ ಇದೀಗ ಅಲ್ಟ್ರೋಜ್ ನ XM+ ಆವೃತ್ತಿಯನ್ನು ಟಾಟಾ ಮೋಟಾರ್ಸ್ ಬಿಡುಗಡೆ ಮಾಡಿದೆ.
ಪ್ರೀಮಿಯಂ ಹ್ಯಾಚ್ ಬ್ಯಾಕ್ ನಲ್ಲಿ ನಲ್ಲಿ ‘XM+’ ಆವೃತ್ತಿ ಬಿಡುಗಡೆ ಮಾಡಿದ್ದು, ಪೆಟ್ರೋಲ್ ಆವೃತ್ತಿಯ ಕಾರಿಗೆ 6.6 ಲಕ್ಷ (ಎಕ್ಸ್ ಶೋರೂಮ್, ದೆಹಲಿ) ರೂಪಾಯಿಗಳ ದರ ನಿಗದಿಪಡಿಸಲಾಗಿದೆ.
“ಟಾಟಾ ಅಲ್ಟ್ರೋಜ್ XM+ ಕಾರಿನ ಬಿಡುಗಡೆ ಗ್ರಾಹಕರಿಗೆ ವಿವಿಧ ರೀತಿಯ ಪ್ರೀಮಿಯಂ ವೈಶಿಷ್ಟ್ಯಗಳ ಅನುಭವ ನೀಡಲಿದೆ ಎಂದು ಟಾಟ ಮೋಟಾರ್ಸ್ ನ ಪ್ರಯಾಣಿಕ ವಾಹನ ಉದ್ಯಮ ವಿಭಾಗದ ಮುಖ್ಯಸ್ಥ ವಿವೇಕ್ ಶ್ರೀವತ್ಸ ಹೇಳಿದ್ದಾರೆ.
XM+ ನಲ್ಲಿ 17.78 ಸಿಎಂ ಟಚ್ ಸ್ಕ್ರೀನ್ ಇನ್ಫೊಟೈನ್ಮೆಂಟ್, ಆಪಲ್ ಕಾರ್ ಪ್ಲೇ ಹಾಗೂ ಆಂಡ್ರಾಯ್ಡ್ ಆಟೋ, ಸ್ಟೀರಿಂಗ್ ಮೌಂಟೆಡ್ ಕಂಟ್ರೋಲ್, ವಾಯ್ಸ್ ಅಲರ್ಟ್ಸ್, ವಾಯ್ಸ್ ಕಮಾಂಡ್ ರೆಕಗ್ನಿಷನ್ ಸೌಲಭ್ಯವನ್ನು ಹೊಂದಿದೆ.
ಮಾತ್ರವಲ್ಲ ರಿಮೋಟ್ ಫೋಲ್ಡೆಬಲ್ ಕೀ ಸೇರಿದಂತೆ ಅತ್ಯುತ್ತಮ ರೀತಿಯ ಅನುಭವಗಳನ್ನು ಈ ಆವೃತ್ತಿಯಲ್ಲಿ ಗ್ರಾಹಕರು ಪಡೆಯಬಹುದಾಗಿದೆ ಎಂದು ಟಾಟಾ ಸಂಸ್ಥೆ ತಿಳಿಸಿದೆ.