ಬಾದಾಮಿ ಹಾಗೂ ಜೇನುತುಪ್ಪಕ್ಕೆ ( almond with honey benefits) ಆರ್ಯುವೇದದಲ್ಲಿ ತುಂಬಾನೇ ಮಹತ್ವವಿದೆ. ಆರೋಗ್ಯದ ದೃಷ್ಟಿಯಿಂದ ಈ ಎರಡೂ ಪದಾರ್ಥಗಳನ್ನು ನೀವು ಶ್ರೇಷ್ಟ ಎಂದು ಪರಿಗಣಿಸ ಬಹುದು. ಬಾದಾಮಿ ಹಾಗೂ ಜೇನುತುಪ್ಪದಲ್ಲಿ ಪ್ರೋಟಿನ್ ಅಗಾಧ ಪ್ರಮಾಣದಲ್ಲಿ ಇರುತ್ತದೆ. ಇದನ್ನು ಸೇವನೆ ಮಾಡುವುದರಿಂದ ದೇಹಕ್ಕೆ ಶಕ್ತಿ ದೊರೆಯುತ್ತದೆ. ಜೇನುತುಪ್ಪದ ಜೊತೆಯಲ್ಲಿ ನೀವು ಬಾದಾಮಿ ಸೇವನೆ ಮಾಡುವುದರಿಂದ ಅನೇಕ ಕಾಯಿಲೆಗಳಿಂದ ದೂರ ಉಳಿಯಬಹುದಾಗಿದೆ. ಹಾಗಾದರೆ ಬಾದಾಮಿ ಹಾಗೂ ಜೇನುತುಪ್ಪ ಒಟ್ಟಾಗಿ ಸೇವನೆ ಮಾಡುವುದರಿಂದ ಆಗುವ ಲಾಭವೇನು ಎನ್ನುವುದರ ಬಗ್ಗೆ ಇಲ್ಲಿದೆ ಮಾಹಿತಿ :
ಮೂಳೆಗಳ ಬಲವರ್ಧನೆಗೆ :
ನೀವು ಬಾದಾಮಿ ಹಾಗೂ ಜೇನುತುಪ್ಪವನ್ನು ಒಟ್ಟಾಗಿ ಸೇವನೆ ಮಾಡುವುದರಿಂದ ಮೂಳೆಗೆ ಅಗಾಧ ಪ್ರಮಾಣದಲ್ಲಿ ಕ್ಯಾಲ್ಸಿಯಂ ಹಾಗೂ ಮ್ಯಾಗ್ನಿಷಿಯಂ ದೊರಕುತ್ತದೆ. ಇದು ಮೂಳೆಗೆ ಸಂಬಂಧಿಸಿದ ಕಾಯಿಲೆಯಾದ ಆಸ್ಟಿಯೋಪೋರೋಸಿಸ್ನಂತಹ ಅನೇಕ ಸಮಸ್ಯೆಗಳನ್ನು ಕಡಿಮೆ ಮಾಡುತ್ತದೆ. ಅಲ್ಲದೇ ಬಾದಾಮಿ ಹಾಗೂ ಜೇನುತುಪ್ಪವನ್ನು ಒಟ್ಟಾಗಿ ಸೇವನೆ ಮಾಡೋದ್ರಿಂದ ನೀವು ಸಂಧು ನೋವಿನ ಸಮಸ್ಯೆಯಿಂದಲೂ ಮುಕ್ತಿ ಪಡೆಯಬಹುದಾಗಿದೆ.
ದೇಹದ ಶಕ್ತಿ ಹೆಚ್ಚುತ್ತದೆ :
ಬಾದಾಮಿ ಹಾಗೂ ಜೇನುತುಪ್ಪಗಳೆರಡರಲ್ಲಿಯೂ ಅಗಾಧ ಪ್ರಮಾಣದಲ್ಲಿ ಪ್ರೋಟಿನ್ , ಫೈಬರ್ ಹಾಗೂ ಸ್ವಲ್ಪ ಪ್ರಮಾಣದಲ್ಲಿ ಕೊಬ್ಬು ಇರುತ್ತದೆ. ಹೀಗಾಗಿ ಇವುಗಳ ಸೇವನೆಯಿಂದ ದೇಹಕ್ಕೆ ಹೆಚ್ಚಿನ ಎನರ್ಜಿ ಸಿಗಲಿದೆ. ನಿಯಮಿತ ಪ್ರಮಾಣದಲ್ಲಿ ಬಾದಾಮಿ ಹಾಗೂ ಜೇನುತುಪ್ಪವನ್ನು ಸೇವನೆ ಮಾಡುವುದರಿಂದ ನಿಮಗೆ ಸುಸ್ತು ಹಾಗೂ ದುರ್ಬಲತೆ ಉಂಟಾಗುವುದಿಲ್ಲ. ಜೇನುತುಪ್ಪದ ಜೊತೆಯಲ್ಲಿ ಬಾದಾಮಿ ಸೇವನೆಯಿಂದ ಮೂಳೆಗಳ ತಾಕತ್ತು ಹೆಚ್ಚಾಗಲಿದೆ. ಇದೆಲ್ಲದರಿಂದ ನಿಮ್ಮ ದೇಹವು ಸದೃಢಗೊಳ್ಳಲಿದೆ.
ತೂಕ ಇಳಿಕೆ ಮಾಡಿಕೊಳ್ಳುವವರಿಗೆ ಸಹಕಾರಿ:
ಬಾದಾಮಿ ಹಾಗೂ ಜೇನುತುಪ್ಪದ ಕಾಂಬಿನೇಷನ್ಗೆ ತೂಕವನ್ನು ಇಳಿಕೆ ಮಾಡುವ ಶಕ್ತಿಯಿದೆ. ಇವರೆಡೂ ಪದಾರ್ಥಗಳು ದೇಹದಲ್ಲಿ ಕೊಬ್ಬಿನ ಅಂಶವನ್ನು ಕಡಿಮೆ ಮಾಡುವ ಸಾಮರ್ಥ್ಯವನ್ನು ಹೊಂದಿವೆ. ಇದರಿಂದ ಹೃದ್ರೋಗ ಸಮಸ್ಯೆಗಳು ದೂರಾಗಲಿವೆ.
ಜೀರ್ಣಶಕ್ತಿ ವೃದ್ಧಿಸಲು ಸಹಕಾರಿ:
ಬಾದಾಮಿ ಹಾಗೂ ಜೇನುತುಪ್ಪದಲ್ಲಿ ಫೈಬರ್ ಅಗಾಧ ಪ್ರಮಾಣದಲ್ಲಿದೆ. ಇದು ದೇಹದಲ್ಲಿ ಜೀರ್ಣಶಕ್ತಿಯನ್ನು ಸುಧಾರಿಸುವಲ್ಲಿ ಅತ್ಯಂತ ಸಹಕಾರಿ. ದೇಹದಲ್ಲಿರುವ ಟಾಕ್ಸಿಕ್ ಅಂಶಗಳನ್ನು ದೂರಮಾಡುವ ಶಕ್ತಿಯು ಈ ಎರಡು ಪದಾರ್ಥಗಳಿಗೆ ಇದೆ.
ಕೂದಲಿನ ಆರೋಗ್ಯಕ್ಕೆ ಒಳ್ಳೆಯದು :
ಬಾದಾಮಿ ಹಾಗೂ ಜೇನುತುಪ್ಪದಲ್ಲಿ ಪ್ರೋಟಿನ್ ಅಂಶ ಹೇರಳವಾಗಿದೆ. ಇದು ಕೂದಲಿನ ಆರೋಗ್ಯಕ್ಕೆ ಸಹಕಾರಿ. ಇದರಿಂದ ಕೂದಲು ರೇಷ್ಮೆಯಂತೆ ಹೊಳೆಯವುದು ಮಾತ್ರವಲ್ಲದೇ ಆರೋಗ್ಯಕರವಾಗಿ ಇರಲಿದೆ.
ಚರ್ಮ ಸಂಬಂಧಿ ಸಮಸ್ಯೆಗಳಿಗೆ ರಾಮಬಾಣ :
ಬಾದಾಮಿ ಹಾಗೂ ಜೇನುತುಪ್ಪದ ಮಿಶ್ರಣವು ಒಣ ಚರ್ಮದ ಸಮಸ್ಯೆಗೆ ಪರಿಹಾರ ನೀಡುವ ಜೊತೆಗೆ ಸೋರಿಯಾಸಿಸ್ ಹಾಗೂ ಎಕ್ಸ್ಜಿಮಾ ಸಮಸ್ಯೆಗಳನ್ನು ಕಡಿಮೆ ಮಾಡುತ್ತದೆ. ಚರ್ಮದ ಸಮಸ್ಯೆಗಳನ್ನು ಹೊಂದಿರುವವರು ಬಾದಾಮಿ ಹಾಗೂ ಜೇನುತುಪ್ಪದ ಪೇಸ್ಟ್ನ್ನು ಮಿಶ್ರಣ ಮಾಡಿ ಹಚ್ಚಿಕೊಳ್ಳಿ. ಇದರಿಂದ ಒಣ ಚರ್ಮಕ್ಕೆ ಕಾಂತಿ ಸಿಗಲಿದೆ.
ಇದನ್ನು ಓದಿ : Asus Chromebook CX1101 : ವರ್ಕ್ ಫ್ರಂ ಹೋಂ ಮಾಡುವವರಿಗೆ ಕೇವಲ 19,999 ರೂ. ಬೆಲೆಯ ಉತ್ತಮ ಲ್ಯಾಪ್‌ಟಾಪ್ ಇಲ್ಲಿದೆ
ಇದನ್ನೂ ಓದಿ : turmeric on skin : ಅರಿಶಿಣವನ್ನು ಮುಖಕ್ಕೆ ಲೇಪಿಸುವ ಮುನ್ನ ನೆನಪಿನಲ್ಲಿಡಿ ಈ ಮುಖ್ಯ ವಿಚಾರ..!
almond with honey benefits : Eat only 3 to 4 almonds by mixing in the limit, these diseases will not break even near