ಕೊರೋನಾ ಸಂಕಷ್ಟದಲ್ಲಿ ಭಾರತ….! 110 ಕೋಟಿ ನೆರವು ಘೋಷಿಸಿದ ಟ್ವಿಟರ್….!!

ಕೊವೀಡ್ -19 ಎರಡನೇ ಅಲೆಗೆ ಭಾರತ ತತ್ತರಿಸಿ ಹೋಗಿದ್ದು, ವೈದ್ಯಕೀಯ ಸೌಲಭ್ಯಗಳ ಕೊರತೆಯಿಂದ ನಲುಗಿ ಹೋಗಿದೆ. ಹೀಗಾಗಿ ವಿಶ್ವದ ಹಲವು ರಾಷ್ಟ್ರಗಳು ಸಹಾಯಹಸ್ತ ಚಾಚಿದ್ದು, ಈಗ ಜಗತ್ತಿನ ಅತ್ಯಂತ ಪ್ರಭಾವಿ ಸಾಮಾಜಿಕ ಮಾಧ್ಯಮ ಟ್ವೀಟರ್ ಕೂಡ ನೆರವು ಘೋಷಿಸಿದೆ.

ಕೊರೋನಾ ಎರಡನೇ ಅಲೆಯಿಂದ ಸಂಕಷ್ಟಕ್ಕಿಡಾಗಿರುವ ಭಾರತಕ್ಕೆ ಟ್ವಿಟರ್ ಇಂಕ್ ಅಂದಾಜು 110 ಕೋಟಿ ನೆರವು ಘೋಷಿಸಿದೆ. 15 ಮಿಲಿಯನ್ ಡಾಲರ್ ನೆರವು ಘೋಷಿಸಿರುವ ಟ್ವಿಟರ್ ಈ ಕುರಿತು ತನ್ನ ಅಕೌಂಟ್ ನಲ್ಲಿ ಅಧಿಕೃತ ಮಾಹಿತಿ ನೀಡಿದೆ.

ಭಾರತಕ್ಕೆ ಅಗತ್ಯ ವೈದ್ಯಕೀಯ ನೆರವು ನೀಡಲು ಮೂರು ಸರ್ಕಾರೇತರ ಸಂಸ್ಥೆಗಳಿಗೆ ಅನುದಾನ ನೀಡಲಾಗಿದೆ ಎಂದು ಟ್ವಿಟರ್ ಇಂಕ್ ನ ಸಿಇಓ ಜಾಕ್ ಪ್ಯಾಟ್ರಿಕ್ ಟ್ವಿಟ್ ಮಾಡಿದ್ದಾರೆ.

ಭಾರತದಲ್ಲಿ ಸಕ್ರಿಯವಾಗಿ ಸೇವಾಕಾರ್ಯದಲ್ಲಿ ನಿರತರಾಗಿರುವ ಕೇರ್, ಏಡ್ ಇಂಡಿಯಾ ಹಾಗೂ ಇನ್ನಿತರ ಸರ್ಕಾರೇತರ ಸಂಸ್ಥೆಗಳಿಗೆ ನೆರವು ನೀಡಲಾಗುತ್ತಿದೆ.

ಕೇರ್ ಸಂಸ್ಥೆಗೆ 73 ಕೋಟಿ, ಏಡ್ ಇಂಡಿಯಾ ಸಂಸ್ಥೆಗೆ ಹಾಗೂ ಸೇವಾ ಸಂಸ್ಥೆಗೆ ತಲಾ 17 ಕೋಟಿ ರೂಪಾಯಿ ನೆರವು ನೀಡಲಾಗುತ್ತಿದೆ. ಈ ಮೂರು ಸಂಸ್ಥೆಗಳು ಕೊರೋನಾ ರೋಗಿಗಳಿಗೆ ಅಗತ್ಯ ಲಸಿಕೆ,ಆಮ್ಲಜನಕ ಪೊರೈಕೆಯಲ್ಲಿ  ಈ ಅನುದಾನ ಬಳಕೆ ಮಾಡಲಿದೆ.