Amazon, Flipkart Republic Day Sale: ಅಮೆಜಾನ್, ಫ್ಲಿಪ್‌ಕಾರ್ಟ್ ಗಣರಾಜ್ಯೋತ್ಸವ ದಿನದ ವಿಶೇಷ ಮಾರಾಟ ಜನವರಿ 16 ರಿಂದಲೇ ಆರಂಭ ಸಾಧ್ಯತೆ!

ಹೆಚ್ಚುತ್ತಿರುವ ಕೋವಿಡ್ -19 ಪ್ರಕರಣಗಳಿಂದಾಗಿ ಇ-ಕಾಮರ್ಸ್ ದೈತ್ಯ ಕಂಪೆನಿಗಳಾದ ಅಮೆಜಾನ್ (Amazon) ಮತ್ತು ಫ್ಲಿಪ್‌ಕಾರ್ಟ್ (Flipkart) ಈ ವರ್ಷ ಗಣರಾಜ್ಯೋತ್ಸವದ ಮಾರಾಟವನ್ನು 4-5 ದಿನಗಳವರೆಗೆ ಹೆಚ್ಚಿಸುವ ಸಾಧ್ಯತೆಯಿದೆ. ಓಮಿಕ್ರಾನ್ ಸೋಂಕುಗಳ ಹೆಚ್ಚಳವು ಅಮೆಜಾನ್ ಮತ್ತು ಫ್ಲಿಪ್‌ಕಾರ್ಟ್ ಮಾರಾಟವನ್ನು ಅಪಾಯಕ್ಕೆ ಸಿಲುಕಿಸಿದೆ .ಏಕೆಂದರೆ ಸರಕಾರದ ಗೈಡ್ ಲೈನ್ಸ್ ಸಪ್ಲೈ ಚೈನ್, ಡೆಲಿವರಿ, ಸಮಯಾವಧಿ ಸೇರಿದಂತೆ ಅವರ ಕಾರ್ಯಾಚರಣೆಗಳ ಮೇಲೆ ಪರಿಣಾಮ ಬೀರುತ್ತವೆ. ಆದ್ದರಿಂದ, ಎರಡು ದೊಡ್ಡ ಇ-ಕಾಮರ್ಸ್ ಪೋರ್ಟಲ್‌ಗಳು ಉತ್ತಮ ವ್ಯಾಪಾರಕ್ಕಾಗಿ ಗಣರಾಜ್ಯೋತ್ಸವದ ಮಾರಾಟವನ್ನು ಶೀಘ್ರವಾಗಿ ಅಂದರೆ ಜನವರಿ 16-17 ರಂದು ಪ್ರಾರಂಭಿಸಲು ನಿರ್ಧರಿಸುವ ಸಾಧ್ಯತೆಯಿದೆ. ಬಹುತೇಕ ಅಮೆಜಾನ್ ಮತ್ತು ಫ್ಲಿಪ್‌ಕಾರ್ಟ್ ರಿಪಬ್ಲಿಕ್ ಡೇ ಸೇಲ್ (Amazon Flipkart Republic Day Sale 2022) ಈ ವರ್ಷ ಪ್ರಿಪೋನ್ಆಗುವ ಸಾಧ್ಯತೆಯಿದೆ.

ಇದಲ್ಲದೆ, ದೀಪಾವಳಿಯ ನಂತರದ ಕಡಿಮೆ ವ್ಯಾಪಾರವನ್ನು ಹೆಚ್ಚಿಸಲು ಈ ವರ್ಷ ಸಾಮಾನ್ಯಕ್ಕಿಂತ ಹೆಚ್ಚಿನ ಮಾರಾಟದ ಅವಧಿಯನ್ನು ನಿರೀಕ್ಷಿಸಬಹುದು. ಆನ್‌ಲೈನ್‌ನಲ್ಲಿ ಎಲೆಕ್ಟ್ರಾನಿಕ್ಸ್ ಉಪಕರಣಗಳಾದ ಕೊಡಾಕ್, ಥಾಮ್ಸನ್, ಬ್ಲಾಪುಂಕ್ಟ್ ಮತ್ತು ವೆಸ್ಟಿಂಗ್‌ಹೌಸ್ ಬ್ರಾಂಡ್‌ಗಳ ತಯಾರಕರು ಸೂಪರ್ ಪ್ಲಾಸ್ಟ್ರೋನಿಕ್ಸ್ ಪ್ರೈವೇಟ್ ಲಿಮಿಟೆಡ್‌ನ (SPPL) ಮುಖ್ಯ ಕಾರ್ಯನಿರ್ವಾಹಕ ಅವ್ನೀತ್ ಸಿಂಗ್ ಮರ್ವಾಹ್ “ಆನ್‌ಲೈನ್ ಗಣರಾಜ್ಯೋತ್ಸವ ದಿನದ ಮಾರಾಟವು ಆನ್‌ಲೈನ್‌ನಲ್ಲಿ ಮುಂದುವರೆದಿದೆ. ಮಾರುಕಟ್ಟೆ ಸ್ಥಳಗಳು ಸೋಂಕುಗಳ ಕೇಂದ್ರವಾಗಿದೆ. ಮತ್ತು ರಾಜ್ಯಗಳಿಂದ ಕಟ್ಟುನಿಟ್ಟಾದ ನಿರ್ಬಂಧಗಳನ್ನು ಭಯಪಡುತ್ತವೆ, ಇದು ಸಪ್ಲೈ ಚೈನ್ ಮತ್ತು ವಿತರಣೆಗಳ ಮೇಲೆ ಪರಿಣಾಮ ಬೀರಬಹುದು” ಎಂದಿದ್ದಾರೆ.

ಎರಡೂ ಇ-ಕಾಮರ್ಸ್ ದೈತ್ಯ ಕಂಪೆನಿಗಳು ಇನ್ನೂ ಯಾವುದೇ ಅಧಿಕೃತ ಹೇಳಿಕೆಯನ್ನು ನೀಡದಿದ್ದರೂ, ಡೆಲಿವರಿ ನೀಡುವ ಸಿಬ್ಬಂದಿಗಳು ಸೋಂಕಿಗೆ ಒಳಗಾಗಬಹುದು ಮತ್ತುಕೆಲಸಕ್ಕೆ ಅಡ್ಡಿಪಡಿಸಬಹುದು ಎಂಬ ಭಯದಿಂದಾಗಿ ಮಾರಾಟವನ್ನು ಮುಂದೂಡುವ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ ಎಂದು ಮಾರುಕಟ್ಟೆಯ ಹಿರಿಯ ಕಾರ್ಯನಿರ್ವಾಹಕರು ಹಂಚಿಕೊಂಡಿದ್ದಾರೆ.

ಭಾರತವು ಜನವರಿ 10 ರಂದು 24 ಗಂಟೆಗಳಲ್ಲಿ 159,642 ಹೊಸ ಕೋವಿಡ್ -19 ಪ್ರಕರಣಗಳನ್ನು ವರದಿ ಮಾಡಿದೆ. ರಾಷ್ಟ್ರವು ಕೋವಿಡ್ -19 ಸೋಂಕುಗಳ ನಿರಂತರ ಏರಿಕೆಗೆ ಸಾಕ್ಷಿಯಾಗುತ್ತಿರುವುದರಿಂದ, ದೆಹಲಿ ಮತ್ತು ಕರ್ನಾಟಕ ಸೇರಿದಂತೆ ಹಲವಾರು ರಾಜ್ಯಗಳು ಈಗಾಗಲೇ ಹರಡುವಿಕೆಯನ್ನು ತಡೆಯಲು ವಾರಾಂತ್ಯದ ಲಾಕ್‌ಡೌನ್‌ಗಳು ಮತ್ತು ರಾತ್ರಿ ಕರ್ಫ್ಯೂಗಳನ್ನು ವಿಧಿಸಿವೆ. ಆದಾಗ್ಯೂ, ಇ-ಕಾಮರ್ಸ್ ಪೋರ್ಟಲ್‌ಗಳು ತಮ್ಮ ಕಾರ್ಯಗಳನ್ನು ಮುಂದುವರಿಸಲು ಅನುಮತಿಸಲಾಗಿದೆ.

ವಾರಾಂತ್ಯದ ಲಾಕ್‌ಡೌನ್ ಸಮಯದಲ್ಲಿ ಆಹಾರ ವಿತರಣೆಯನ್ನು ಹೊರತುಪಡಿಸಿ, ಉತ್ಪನ್ನಗಳ ಆನ್‌ಲೈನ್ ವಿತರಣೆಯನ್ನು ಅನುಮತಿಸದ ಏಕೈಕ ರಾಜ್ಯ ತಮಿಳುನಾಡು ಆಗಿದೆ.
ಸಾಂಕ್ರಾಮಿಕ ರೋಗ ಹರಡುವ ಸಮಯದಲ್ಲಿ ಗ್ರಾಹಕರು ಖರೀದಿಸಲು ಆನ್‌ಲೈನ್ ಮಾರಾಟವನ್ನು ಸುರಕ್ಷಿತ ಮಾರ್ಗವೆಂದು ಗಮನಹರಿಸಬೇಕು.

ಇದನ್ನೂ ಓದಿ: Arogya Bharat Health Accounts:ವಿಶಿಷ್ಟ ಆರೋಗ್ಯ ಖಾತೆಗೆ ಮರುನಾಮಕರಣ

ಇದನ್ನೂ ಓದಿ: Buy Gold in Google Pay: ಗೂಗಲ್ ಪೇ ಆ್ಯಪ್‌ನಲ್ಲೇ ಚಿನ್ನ ಖರೀದಿಸಬಹುದು, ಮಾರಬಹುದು! ಹೇಗೆ ಎಂಬ ವಿವರ ಇಲ್ಲಿದೆ

(Amazon Flipkart Republic Day Sale may start from January 16 effect of Covid 19 increase)