KGF Chapter 2 : ವೀಕ್ಷಣೆಯಲ್ಲೂ ದಾಖಲೆ ಬರೆದ ಕೆಜಿಎಫ್‌ : ದೇಶದಲ್ಲಿ ಕೆಜಿಎಫ್‌ ಸಿನಿಮಾ ನೋಡಿದ್ದು ಎಷ್ಟು ಕೋಟಿ ಜನರು ಗೊತ್ತಾ ?

ತೆರೆಗೆ ಬಂದಾಗಿನಿಂದಲೂ ದಾಖಲೆ‌ ಮೇಲೆ ದಾಖಲೆ ಬರೆಯುತ್ತಿರೋ ಕೆಜಿಎಫ್-2 (KGF Chapter 2) ಸಿನಿಮಾ ಈಗ ಕನ್ನಡಿಗರು, ಸ್ಯಾಂಡಲ್ ವುಡ್ ಸೇರಿದಂತೆ ಎಲ್ಲರೂ ಹೆಮ್ಮೆ ಪಡುವಂತ ಸಾಧನೆ ಮಾಡಿದೆ. ಹೌದು, ಕೆಜಿಎಫ್-2 ಭಾರತದಲ್ಲೇ ಅತ್ಯಧಿಕ ಅಂದ್ರೇ ಬರೋಬ್ಬರಿ 5 ಕೋಟಿ ಜನರು ವೀಕ್ಷಿಸಿದ್ದು ಆ ಮೂಲಕ ಈ ಸಿನಿಮಾ ಹಲವು ಹಳೆಯ ದಾಖಲೆ‌ಸರಿಗಟ್ಟಿದೆ.

ರಿಲೀಸ್ ಆದ 26 ದಿನದಲ್ಲಿ ಸಿನಿಮಾ ಒಟ್ಟು 5.05 ಕೋಟಿ ಜನರಿಂದ ವೀಕ್ಷಿಸಲ್ಪಟ್ಟಿದ್ದು ಬರೋಬ್ಬರಿ 1020 ಕೋಟಿ ಆದಾಯ ಗಳಿಸಿದೆ ಎನ್ನಲಾಗಿದೆ. ಉತ್ತರ ಮತ್ತು ದಕ್ಷಿಣ ಭಾರತದಲ್ಲೂ ಈ ಸಿನಿಮಾ ದಾಖಲೆಯ ವೀಕ್ಷಣೆಯನ್ನು ಪಡೆದುಕೊಂಡಿದೆ. ಇಂಗ್ಲೀಷ್ ಮಾಧ್ಯಮಗಳು ವರದಿ ಮಾಡಿರುವಂತೆ ಪ್ರಶಾಂತ್ ನೀಲ್ ನಿರ್ದೇಶನದ ಕೆಜಿಎಫ್-2 ಸಿನಿಮಾ ರಾಕಿಂಗ್ ಸ್ಟಾರ್ ಯಶ್ ನಾಯಕತ್ವದಲ್ಲಿ ಸಿನಿ‌ ಪ್ರಿಯರನ್ನು ಚುಂಬಕದಂತೆ ಸೆಳೆಯುತ್ತಿದ್ದು, ಉತ್ತರ ಭಾರತದಲ್ಲಿ ಸಿನಿಮಾ 2.35 ಕೋಟಿ ಜನರಿಂದ ವೀಕ್ಷಿಸಲ್ಪಟ್ಟಿದೆಯಂತೆ.

ಇನ್ನೊಂದೆಡೆ ಸೌತ್ ಇಂಡಿಯಾದಲ್ಲಿ ಇದುವರೆಗೂ ಕೆಜಿಎಫ್-2 ವೀಕ್ಷಿಸಿದವರ ಸಂಖ್ಯೆ 2.35 ಕೋಟಿ. ಹಲವು ಭಾಷೆಗಳಲ್ಲಿ ರಿಲೀಸ್ ಆಗಿರೋ ಕೆಜಿಎಫ್-2 ಆಂಧ್ರಪ್ರದೇಶದ ಜನರ ಮನಸ್ಸನ್ನು ಗೆದ್ದಿದ್ದು ರಿಲೀಸ್ ಆದ ತಿಂಗಳಲ್ಲೇ ಕೆಜಿಎಫ್-2 ಆಂಧ್ರದಲ್ಲಿ 85 ಲಕ್ಷ ಜನರನ್ನು ಸೆಳೆದಿದೆಯಂತೆ. ಇನ್ನು ಯಶ್ ತವರು ಕರ್ನಾಟಕ ಹಾಗೂ ಪಕ್ಕದ ರಾಜ್ಯ ತಮಿಳುನಾಡಿ ನಲ್ಲಿ ತಲಾ 70 ಲಕ್ಷ ಜನರು ಯಶ್ ಕೆಜಿಎಫ್-2 ಸಾಮ್ರಾಜ್ಯವನ್ನು ಕಣ್ತುಂಬಿ ಕೊಂಡಿದ್ದಾರಂತೆ. ಇನ್ನು ಕೇರಳದಲ್ಲಿ ಕೆಜಿಎಫ್-2 ನೋಡಿದವರ ಸಂಖ್ಯೆ ಬರೋಬ್ಬರಿ 46 ಲಕ್ಷ.

ಇನ್ನು ಭಾರತದ ಸಿನಿ ಇತಿಹಾಸದಲ್ಲಿ ಗದ್ದರ್ ಹಾಗೂ ಬಾಹುಬಲಿ ಬಳಿಕ ಐದು ಕೋಟಿ ಜನರಿಂದ ವೀಕ್ಷಿಸಿಲ್ಪಟ್ಟ ಮತ್ತೊಂದು ಸಿನಿಮಾ ಕೆಜಿಎಫ್-2 ಆಗಿದ್ದು, ಇಂತಹದೊಂದು ದಾಖಲೆ ಬರೆಯುತ್ತಿರುವ ಮೂರನೇ ಸಿನಿಮಾ ಎಂಬ ಖ್ಯಾತಿಗೂ ಕೆಜಿಎಫ್-2 ಭಾಜನವಾಗಿದೆ. ಇನ್ನೂ 2000 ನಂತರ ಭಾರತದಲ್ಲಿ ಅತ್ಯಂತ ಹೆಚ್ಚು ವೀಕ್ಷಿಸಲಾದ ಸಿನಿಮಾಗಳೇ ಬೆರಳೆಣಿಕೆಯಷ್ಟು. ಬಾಹುಬಲಿ-2 ಸಿನಿಮಾವನ್ನು 10.80 ಕೋಟಿ ಜನ ವೀಕ್ಷಿಸಿದ್ದರೇ, ಗದರ್ 8-9 ಕೋಟಿ ಜನರು ವೀಕ್ಷಿಸಿದ್ದರು. ಈಗ ಭಾರತದ ಮತ್ತೊಂದು ಚಿತ್ರ ಕೆಜಿಎಫ್-2 ಸಿನಿಮಾವನ್ನು 5.05 ಕೋಟಿ ಜನ ಕಣ್ತುಂಬಿಕೊಂಡು ಹರಸಿದ್ದಾರೆ.

ಇದಾದ ಬಳಿಕದ ಸ್ಥಾನದಲ್ಲಿ ಬಾಹುಬಲಿ ಹಾಗೂ ಆರ್ ಆರ್ ಆರ್ ಪಾಲಾಗಿದೆ. ಇನ್ನೂ ಯಶ್ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ‌ಮೆರೆದಿರೋ ಕೆಜಿಎಫ್-2 ಸಿನಿಮಾವನ್ನು ಭಾರತದಲ್ಲೇ 5.5 ಕೋಟಿ ಜನರು ವೀಕ್ಷಿಸಿದ್ದು ವಿಶ್ವದಲ್ಲಿ ಈ ಸಂಖ್ಯೆ ಇನ್ನಷ್ಟು ದೊಡ್ಡದಿದೆ. ಒಟ್ಟಿನಲ್ಲಿ ಕೆಜಿಎಫ್-2 ಸಿನಿಮಾ ಭಾರತೀಯ ಹಾಗೂ ಕನ್ನಡ ಚಿತ್ರರಂಗದಲ್ಲಿ ಹೊಸ ಮೈಲಿಗಲ್ಲಾಗೋ ಮುನ್ಸೂಚನೆ ನೀಡಿದೆ.

ಇದನ್ನೂ ಓದಿ : KGF Chapter 2 OTT : ಕೆಜಿಎಫ್ ಚಾಪ್ಟರ್ 2 ಮತ್ತೊಂದು ದಾಖಲೆ : OTT ಹಕ್ಕು ದಾಖಲೆಯ ಮೊತ್ತಕ್ಕೆ ಸೇಲ್‌

ಇದನ್ನೂ ಓದಿ : Sonakshi Sinha : ಸದ್ದಿಲ್ಲದ್ದೇ ಎಂಗೇಜ್​ಮೆಂಟ್​ ಮಾಡಿಕೊಂಡ ಬಾಲಿವುಡ್​ ನಟಿ ಸೋನಾಕ್ಷಿ ಸಿನ್ಹಾ

KGF new record 5 crore Indians views KGF Chapter 2 Movie