KGF-2: ಕೆಜಿಎಫ್ ಮೊದಲ ಶೋ ಗೆ ಉಚಿತ ಟಿಕೇಟ್…! ಟಿಕೇಟ್ ಪಡೆಯುವ ಅದೃಷ್ಟಶಾಲಿ ಯಾರು? ಯಾಕೆ ? ಇಲ್ಲಿದೆ ಡಿಟೇಲ್ಸ್…!!

ಕೆಜಿಎಫ್-2 ಪ್ಯಾನ್ ಇಂಡಿಯಾ ಸಿನಿಮಾಗೆ ಭಾರತದ ಚಿತ್ರರಂಗ ಕಾಯುತ್ತಿದೆ. ಸಿನಿಮಾ ರಿಲೀಸ್ ಆದ ದಿನ ಟಿಕೇಟ್ ಗಾಗಿ ಜನ ಮುಗಿಬೀಳೋದು ಗ್ಯಾರಂಟಿ. ಆದರೆ ಈ ಬಾಲಕನಿಗೆ ಮಾತ್ರ  ಕೆಜಿಎಫ್-2 ಮೊದಲ ಶೋದ ಫ್ರೀ ಟಿಕೇಟ್ ಸಿಗಲಿದ್ದು, ಸ್ವತಃ ನಿರ್ದೇಶಕ ಪ್ರಶಾಂತ್ ನೀಲ್ ಇಂತಹದೊಂದು ಲಕ್ಕಿ ಆಫರ್ ನೀಡಿದ್ದಾರೆ.

ಹೌದು ವೈವಸ್ವತ್ ತಾಂಡುಲ್ ಎಂಬ  12 ನೇ ತರಗತಿಯ ಬಾಲಕ ಕೆಜಿಎಫ್-2 ನಿರ್ಮಿಸಿರುವ ಹೊಂಬಾಳೆ ಫಿಲ್ಸ್ಮಂಗೆ  ಪ್ರೀತಿಯಿಂದ ಪತ್ರವೊಂದನ್ನು ಬರೆದಿದ್ದಾನೆ. ಮಾತ್ರವಲ್ಲ ಅಕ್ಕಿ ಕಾಳಿನ ಮೇಲೆ ಕೆಜಿಎಫ್-2 ಹಾಗೂ ಹೊಂಬಾಳೆ ಎಂದು ಸೂಕ್ಷ್ಮವಾಗಿ ಕೆತ್ತನೆ ಮಾಡಿ ಕಳುಹಿಸಿದ್ದಾನೆ. ‘

ಪತ್ರದಲ್ಲಿ ಹೊಂಬಾಳೆ ಸಿನಿಮಾ ಸಂಸ್ಥೆಯಿಂದ  ಹೊರಬರುತ್ತಿರುವ ಸಿನಿಮಾಗಳ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿರುವ ವೈವಸ್ವತ್, ನಿಮ್ಮ ಎಲ್ಲ ಸಿನಿಮಾಗಳನ್ನು ನೋಡಿದ್ದೇನೆ. ಮೆಚ್ಚಿಕೊಂಡಿದ್ದೇನೆ. ಕೆಜಿಎಫ್-2 ಸಿನಿಮಾವೂ ದೊಡ್ಡ ಯಶಸ್ಸು ಗಳಿಸಲಿ ಎಂದು ಹಾರೈಸಿದ್ದಾನೆ.

ಈ ಪುಟ್ಟ ಬಾಲಕನ ಹಾರೈಕೆ ಹಾಗೂ ಗಿಫ್ಟ್ ನಿಂದ ಖುಷಿಯಾಗಿರುವ ನಿರ್ದೇಶಕ ಪ್ರಶಾಂತ್ ನೀಲ್, ಕೆಜಿಎಫ್-2 ಮೊದಲ ಶೋದ ಟಿಕೇಟ್ ಉಚಿತವಾಗಿ ನೀಡುವುದಾಗಿ ಟ್ವೀಟ್ ನಲ್ಲಿ ಘೋಷಿಸಿದ್ದಾರೆ.

ಅಲ್ಲದೇ ವೈವಸ್ವತ್ ಕಳಿಸಿರುವ ಪತ್ರ ಹಾಗೂ ಗಿಫ್ಟ್ ಹಂಚಿಕೊಂಡಿದ್ದಾರೆ.

ವೈವಸ್ವತ್ ತಾಂಡುಲ್ ಅಕ್ಕಿಕಾಳಿನ ಮೇಲೆ ಬರವಣಿಗೆ ಮಾಡುವ ಅಪರೂಪದ ಕಲಾವಿದನಾಗಿದ್ದು, ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ ಹಾಗೂ ರಾಜ್ಯ ಪ್ರಶಸ್ತಿ ಗೌರವಕ್ಕೂ ವೈವಸ್ವತ್ ಪಾತ್ರನಾಗಿದ್ದಾನೆ.