Covid Cases Drop : ಬರೋಬ್ಬರಿ 1 ತಿಂಗಳ ಬಳಿಕ ದೇಶದಲ್ಲಿ ದೈನಂದಿನ ಕೋವಿಡ್​ ಪ್ರಕರಣದಲ್ಲಿ ಭಾರೀ ಇಳಿಕೆ

ಕಳೆದ 24 ಗಂಟೆಗಳಲ್ಲಿ ದೇಶದಲ್ಲಿ 83,876 ಹೊಸ ಕೋವಿಡ್​ ಪ್ರಕರಣಗಳು ವರದಿಯಾಗಿವೆ. ಈ ಮೂಲಕ ದೇಶದಲ್ಲಿ ಪಾಸಿಟಿವಿಟಿ ದರವು 7.25 ಪ್ರತಿಶತಕ್ಕೆ ಇಳಿಕೆ (Covid Cases Drop) ಕಂಡಿದೆ. ಜನವರಿ ಆರನೇ ತಾರೀಖಿನ ಬಳಿಕ ದೇಶದಲ್ಲಿ ದೈನಂದಿನ ಕೋವಿಡ್​ ಪ್ರಕರಣಗಳ ಸಂಖ್ಯೆ ಒಂದು ಲಕ್ಷದ ಗಡಿ ದಾಟದೇ ಇರುವುದು ಇದೇ ಮೊದಲಾಗಿದೆ.

ದೇಶದಲ್ಲಿ ಪ್ರಸ್ತುತ ಸಕ್ರಿಯ ಪ್ರಕರಣಗಳ ಸಂಖ್ಯೆ 11,08,938 ಆಗಿದೆ. ಅಂದರೆ ಒಟ್ಟು ಕೊರೊನಾ ಪ್ರಕರಣಗಳ 2.62 ಪ್ರತಿಶತ ಸಕ್ರಿಯ ಕೋವಿಡ್​ ಪ್ರಕರಣಗಳು ದೇಶದಲ್ಲಿ ಇದೆ. ದೇಶಾದ್ಯಂತ ಕೋವಿಡ್​ ರಿಕವರಿ ದರವು 96.19 ಪ್ರತಿಶತಕ್ಕೆ ಏರಿಕೆ ಕಂಡಿದೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯವು ಹೇಳಿದೆ.
ದೇಶದಲ್ಲಿ ಕೊರೊನಾ ಪಾಸಿಟಿವಿಟಿ ದರವು 7.25 ಪ್ರತಿಶತಕ್ಕೆ ತಲುಪಿದೆ. ಪ್ರತಿ 100 ಕೋವಿಡ್​ ಪರೀಕ್ಷೆಯಲ್ಲಿ ಎಷ್ಟು ಮಂದಿಯ ಕೋವಿಡ್​ ವರದಿಯು ಪಾಸಿಟಿವ್​ ಬಂದಿದೆ ಎಂಬುದನ್ನು ಆಧರಿಸಿ ಕೋವಿಡ್​ ಪಾಸಿಟಿವ್​ ದರವನ್ನು ನಿರ್ಧರಿಸಲಾಗುತ್ತದೆ.

ಈ ನಡುವೆ ಡ್ರಗ್​ ಕಂಟ್ರೋಲರ್​ ಜನರಲ್​ ಆಫ್​ ಇಂಡಿಯಾ ನಿನ್ನೆಯಷ್ಟೇ ಸಿಂಗ್​ ಶೋ ಸ್ಪುಟ್ನಿಕ್​ ಲೈಟ್​ ಲಸಿಕೆಗಳಿಗೆ ಅನುಮೋದನೆಯನ್ನು ನೀಡಿದೆ. ದೇಶದಲ್ಲಿ ಅನುಮೋದನೆಯನ್ನು ಪಡೆದುಕೊಂಡ 9ನೇ ಕೋವಿಡ್​ ಲಸಿಕೆ ಇದಾಗಿದೆ.

ಕಳೆದ 24 ಗಂಟೆಗಳಲ್ಲಿ 1,99,054 ಮಂದಿ ಕೊರೊನಾದಿಂದ ಗುಣಮುಖರಾಗಿ ಆಸ್ಪತ್ರೆಗಳಿಂದ ಡಿಸ್ಚಾರ್ಜ್​ ಆಗಿದ್ದಾರೆ. ಈ ಮೂಲಕ ದೇಶದಲ್ಲಿ ಕೊರೊನಾದಿಂದ ಒಟ್ಟು ಗುಣಮುಖರಾದವರ ಸಂಖ್ಯೆ 4,06,60,202 ಆಗಿದೆ . ದೇಶದಲ್ಲಿ ವಾರದ ಪಾಸಿಟಿವಿಟಿ ದರವು 9.18 ಪ್ರತಿಶತವಾಗಿದೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ಹೇಳಿದೆ.

ಇದನ್ನು ಓದಿ : Hijab Explainer: ಹಿಜಾಬ್ ಎಂದರೇನು? ಬುರ್ಖಾ, ನಿಕಾಬ್‌ಗೂ ಹಿಜಾಬ್‌ಗೂ ಇರುವ ವ್ಯತ್ಯಾಸವೇನು?

ಇದನ್ನೂ ಓದಿ : Best Smartphones Under 5000: ಕಡಿಮೆ ಬೆಲೆಗೆ ಹೆಚ್ಚು ಫೀಚರ್ಸ್‌; 5 ಸಾವಿರದೊಳಗಿನ ಉತ್ತಮ ಸ್ಮಾರ್ಟ್‌ಫೋನ್‌ಗಳಿವು

ಇದನ್ನೂ ಓದಿ : Hyundai Boycott: ಹುಂಡೈ ಬಾಯ್ಕಾಟ್‌ಗೆ ಅಭಿಯಾನ; ಪಾಕಿಸ್ತಾನದ ಹುಂಡೈ ಘಟಕದ ವಿರುದ್ಧ ಆಕ್ರೋಶ, ದೇಶವಿರೋಧಿಯಾಯಿತೇ ಹುಂಡೈ?

ಇದನ್ನೂ ಓದಿ : 22 students wearing hijab : ಕುಂದಾಪುರದಲ್ಲಿ ಸರಕಾರದ ಆದೇಶಕ್ಕೆ ದೋಂಟ್‌ ಕೇರ್‌ : ಹಿಜಾಬ್‌ ಧರಿಸಿ ಬಂದ 22 ವಿದ್ಯಾರ್ಥಿನಿಯರು

India’s Daily Covid Cases Drop Below 1 Lakh (83,876) After A Month