ಐಸಿಸಿ ಟಿ 20 ವಿಶ್ವಕಪ್ ಟೂರ್ನಿಯಿಂದ ಆಸ್ಟ್ರೇಲಿಯಾ ಹೊರಕ್ಕೆ : ಅಭಿಮಾನಿಗಳಿಗೆ ಆಘಾತ
ಐಸಿಸಿ ಟಿಂ 20 ವಿಶ್ವಕಪ್ ಪಂದ್ಯಾವಳಿಯ ಜಿಂಬಾಬ್ವೆ ಮತ್ತು ಐರ್ಲೆಂಡ್ ನಡುವಿನ ಪಂದ್ಯವು ಮಳೆಯಿಂದ ರದ್ದಾಗಿದ್ದು ಆಸ್ಟ್ರೇಲಿಯಾ ತಂಡವು ಇದರ ಬೆಲೆ ತೆರುವಂತಾಗಿದೆ. ಪಂದ್ಯ ರದ್ದಾದ ಕಾರಣ ಎರಡೂ ತಂಡಗಳಿಗೆ ಒಂದೊಂದು ಅಂಕ ದೊರಕಿದೆ. ಇದರಿಂದಾಗಿ ಸೂಪರ್ 8 ಹಂತಕ್ಕೆ ಜಿಂಬಾಬ್ವೆ ನೇರ ಅರ್ಹತೆ ಪಡೆದುಕೊಂಡಿದ್ದು ಅಚ್ಚರಿಯ ಬೆಳವಣಿಗೆಯಲ್ಲಿ ಆಸ್ಟ್ರೇಲಿಯಾ ಈ ಟೂರ್ನಿಯಿಂದ ಹೊರಬಿದ್ದಿದೆ.
ಶ್ರೀಲಂಕಾ ಈಗಾಗಲೇ ಸೂಪರ್ 8 ಹಂತ ತಲುಪಿದೆ. ಆಸ್ಟ್ರೇಲಿಯಾ ಬಳಿ ಕೇವಲ 2 ಅಂಕ ಮಾತ್ರವಿತ್ತು . ಆದರೆ ಜಿಂಬಾಬ್ವೆ 5 ಅಂಕಗಳನ್ನು ಗಳಿಸಲು ಶಕ್ತರಾದ ಹಿನ್ನೆಲೆಯಲ್ಲಿ ಆಸ್ಟ್ರೇಲಿಯಾ ತಂಡವು ವಿಶ್ವಕಪ್ನಿಂದ ಅಧಿಕೃತವಾಗಿ ಹೊರಬಿದ್ದಿದೆ. ಇತ್ತ 2 ಅಂಕ ಹೊಂದಿರುವ ಐರ್ಲೆಂಡ್ ಕೂಡ ವಿಶ್ವಕಪ್ ಟೂರ್ನಿಯಿಂದ ಹೊರಗುಳಿದಿದೆ.
ಇದನ್ನೂ ಓದಿ: IND vs PAK T20 World Cup results: ಸೂರ್ಯನ ಶಾಖಕ್ಕೆ ಪಾಕಿಸ್ತಾನ ಭಸ್ಮ: ಭಾರತಕ್ಕೆ 61 ರನ್ಗಳ ಭರ್ಜರಿ ಜಯ
ಕ್ರಿಕೆಟ್ ಇತಿಹಾಸದಲ್ಲಿ ಬಲಿಷ್ಠ ತಂಡವಾಗಿ ಗುರುತಿಸಿಕೊಂಡಿದ್ದ ಆಸ್ಟ್ರೇಲಿಯಾ ಟೂರ್ನಿಯಿಂದಲೇ ಹೊರಬಿದ್ದಿರುವುದು ಅಭಿಮಾನಿಗಳಿಗೂ ಆಘಾತ ತಂದಿದೆ. ಇತ್ತ ಜಿಂಬಾಬ್ವೆ ಮುಂದಿನ ಹಂತದಲ್ಲಿ ಟೀಂ ಇಂಡಿಯಾವನ್ನು ಎದುರಿಸಲಿದೆ.
