ಚೀನಾ : ಚೀನಾದ ಆಗ್ನೇಯ ಗುವಾಂಗ್‌ಡಾಂಗ್ ಪ್ರಾಂತ್ಯದ ಶಿಶುವಿಹಾರದಲ್ಲಿ (China Crime News) ನಡೆದ ಚೂರಿ ಇರಿತದಿಂದ ಆರು ಜನರು ಸಾವನ್ನಪ್ಪಿದ್ದು, ಒಬ್ಬರು ಗಾಯಗೊಂಡಿದ್ದಾರೆ ಎಂದು ಬಿಬಿಸಿ ಸುದ್ದಿ ವರದಿ ಉಲ್ಲೇಖಿಸಿದೆ.
ಈ ಪ್ರಕರಣದಲ್ಲಿ 25 ವರ್ಷದ ಯುವಕನನ್ನು ಬಂಧಿಸಲಾಗಿದ್ದು, ಪೊಲೀಸರು ದಾಳಿಯ ಕಾರಣಕ್ಕಾಗಿ ಪ್ರಸ್ತುತ ತನಿಖೆ ನಡೆಸುತ್ತಿದ್ದಾರೆ. ಪೊಲೀಸ್‌ ಅಧಿಕಾರಿಗಳು ಇದನ್ನು ಉದ್ದೇಶ ಪೂರ್ವಕ ಹಲ್ಲೆ ಎಂದು ಹೇಳಿದ್ದಾರೆ. ಆದರೆ ಹೆಚ್ಚಿನ ವಿವರಗಳನ್ನು ಬಹಿರಂಗಪಡಿಸಲಾಗಿಲ್ಲ. ಸೋಮವಾರ ಬೆಳಗ್ಗೆ ದಾಳಿ ನಡೆದಿದೆ.
ಚೂರಿ ಇರಿತದಲ್ಲಿ ಬಲಿಯಾದವರಲ್ಲಿ ಒಬ್ಬ ಶಿಕ್ಷಕ, ಇಬ್ಬರು ಪೋಷಕರು ಮತ್ತು ಮೂವರು ವಿದ್ಯಾರ್ಥಿಗಳು ಎಂದು ಗುರುತಿಸಲಾಗಿದ್ದು, ಒಬ್ಬ ಶಂಕಿತನನ್ನು ಬಂಧಿಸಲಾಗಿದೆ, ”ಎಂದು ನಗರ ಸರಕಾರದ ವಕ್ತಾರರು ತಿಳಿಸಿದ್ದಾರೆ.
ಚೀನಾ ಕಳೆದ ವರ್ಷ ಕೂಡ ಶಿಶುವಿಹಾರದಲ್ಲಿ ಇರಿತ ನಡೆದಿದೆ :
ಕಳೆದ ವರ್ಷ, ಆಗ್ನೇಯ ಚೀನಾದ ಜಿಯಾಂಗ್ಕ್ಸಿ ಪ್ರಾಂತ್ಯದ ಶಿಶುವಿಹಾರದಲ್ಲಿ ನಡೆದ ಮತ್ತೊಂದು ಚಾಕು ದಾಳಿಯಲ್ಲಿ ಮೂವರು ಸಾವನ್ನಪ್ಪಿದರು ಮತ್ತು ಆರು ಮಂದಿ ಗಾಯಗೊಂಡಿದ್ದರು. AFP ವರದಿಯ ಪ್ರಕಾರ, “ಕ್ಯಾಪ್ ಮತ್ತು ಮುಖವಾಡ ಧರಿಸಿದ ದರೋಡೆಕೋರ” ಖಾಸಗಿ ಶಿಶುವಿಹಾರಕ್ಕೆ ನುಗ್ಗಿ ದಾಳಿಗೆ ಕಾರಣವಾಯಿತು.
ಇದನ್ನೂ ಓದಿ : Toxic Gas Leak : ಅನಿಲ ಸೋರಿಕೆ 3 ಮಕ್ಕಳು ಸೇರಿದಂತೆ 16 ಮಂದಿ ಸಾವು
ಇದನ್ನೂ ಓದಿ : Nehal Death Case : ನೇಹಾಲ್ ಯಾರು? ಆತನ ಸಾವು ಫ್ರಾನ್ಸ್‌ನಲ್ಲಿ ಹಿಂಸಾತ್ಮಕ ಪ್ರತಿಭಟನೆಗೆ ಏಕೆ ಪ್ರಚೋದಿಸಿತು ?
ಏಪ್ರಿಲ್ 2022 ರಲ್ಲಿ ಇದೇ ರೀತಿಯ ಮತ್ತೊಂದು ದಾಳಿಯಲ್ಲಿ, ದಕ್ಷಿಣ ಚೀನಾದ ಶಿಶುವಿಹಾರಕ್ಕೆ ಚಾಕು ಹಿಡಿದ ವ್ಯಕ್ತಿ ಪ್ರವೇಶಿಸಿದಾಗ ಇಬ್ಬರು ಮಕ್ಕಳು ಸಾವನ್ನಪ್ಪಿದರು ಮತ್ತು 16 ಇತರರು ಗಾಯಗೊಂಡರು. ಕಟ್ಟುನಿಟ್ಟಾದ ಬಂದೂಕು ನಿಯಂತ್ರಣಗಳು ಮತ್ತು ಬಿಗಿಯಾದ ಭದ್ರತೆಯಿಂದಾಗಿ ಚೀನಾದಲ್ಲಿ ಹಿಂಸಾತ್ಮಕ ಅಪರಾಧವು ಅಪರೂಪವಾಗಿದೆ, ಆದರೆ ಇತ್ತೀಚಿನ ವರ್ಷಗಳಲ್ಲಿ ಶಾಲೆಗಳು ಸೇರಿದಂತೆ ಹಲವಾರು ಚಾಕು ಮತ್ತು ಕೊಡಲಿ ದಾಳಿಗಳು ನಡೆದಿವೆ. ವರದಿಗಳ ಪ್ರಕಾರ, ಕಳೆದ ದಶಕದಲ್ಲಿ ಸುಮಾರು 100 ಮಕ್ಕಳು ಮತ್ತು ವಯಸ್ಕರು ಕೊಲ್ಲಲ್ಪಟ್ಟಿದ್ದಾರೆ ಮತ್ತು ನೂರಾರು ಹೆಚ್ಚು ಗಾಯಗೊಂಡಿದ್ದಾರೆ.
China Crime News: 6 dead, 1 injured in kindergarten stabbing