handbags from orange peels : ಕಿತ್ತಳೆ ಹಣ್ಣಿನ ಸಿಪ್ಪೆಯಿಂದ ತಯಾರಾಯ್ತು ಹ್ಯಾಂಡ್ಬ್ಯಾಗ್
handbags from orange peels : ಫ್ಯಾಷನ್ ಜಗತ್ತಿನಲ್ಲಿ ಏನೆಲ್ಲ ಹೊಸ ಆವಿಷ್ಕಾರಗಳು ಬರುತ್ತವೆ ಎಂದು ಹೇಳಲು ಸಾಧ್ಯವಿಲ್ಲ. ಟ್ರೆಂಡ್ಗೆ ತಕ್ಕಂತೆ ನಾನಾ ಉತ್ಪನ್ನಗಳು ಮಾರುಕಟ್ಟೆಯನ್ನು ಪ್ರವೇಶಿಸುತ್ತಲೇ ಇರುತ್ತವೆ . ಕಡಿಮೆ ದರದಿಂದ ಹಿಡಿದು ಚಿನ್ನದ ಬೆಲೆಯವರೆಗೂ ನಿಮಗೆ ಫ್ಯಾಷನ್ ವಸ್ತುಗಳು ಸಿಗುತ್ತವೆ. ಅದರಲ್ಲೂ ಹ್ಯಾಂಡ್ ಬ್ಯಾಗ್ಗಳು ಎಂದಿಗೂ ಫ್ಯಾಷನ್ ಟ್ರೆಂಡ್ನಿಂದ ಹೊರಗೆ ಹೋಗುವುದೇ ಇಲ್ಲ. ಹ್ಯಾಂಡ್ ಬ್ಯಾಗ್ಗಳಲ್ಲಿ ಅನೇಕ ಮಾದರಿಗಳು ಇವೆ. ಈ ಸಾಲಿಗೆ ಇನ್ನೊಂದು ಸೇರ್ಪಡೆ ಎಂಬಂತೆ ಫುಡ್ ಕಲಾವಿದರೊಬ್ಬರು ಕಿತ್ತಳೆ ಹಣ್ಣಿನ ಸಿಪ್ಪೆಯಿಂದ ಹ್ಯಾಂಡ್ ಬ್ಯಾಗ್ವೊಂದನ್ನು ತಯಾರಿಸಿದ್ದು ಇದನ್ನು ನೋಡಿದ ಫ್ಯಾಷನ್ ಪ್ರಿಯರು ಮೂಗಿನ ಮೇಲೆ ಬೆರಳಿಟ್ಟಿದ್ದಾರೆ.
ಖ್ಯಾತ ಆಹಾರ ಕಲಾವಿದ ಹಾಗೂ ಮಾಲಿಕ್ಯೂಲಾರ್ ಗ್ಯಾಸ್ಟ್ರೊನಿಮಿಸ್ಟ್ ಓಮರ್ ಸರ್ತವಿ ಕಿತ್ತಳೆ ಹಣ್ಣಿನ ಸಿಪ್ಪೆಗಳಿಂದ ಹ್ಯಾಂಡ್ ಬ್ಯಾಹ್ ತಯಾರಿಸ್ದಾರೆ. ಡಿಜಿಟಲ್ ಫ್ಯಾಬ್ರಿಕೇಷನ್ ಎಂದು ಕರೆಯಲ್ಪಡುವ ಒಂದು ತಂತ್ರವನ್ನು ಬಳಕೆ ಮಾಡಿಕೊಂಡು ಲೇಸರ್ ಹಾಗೂ ಕಿತ್ತಳೆ ಹಣ್ಣಿನ ಸಿಪ್ಪೆಯಿಂದ ಇಂತಹದ್ದೊಂದು ಐಷಾರಾಮಿ ಬ್ಯಾಗ್ನ್ನು ತಯಾರಿಸಿದ್ದಾರೆ. ಈ ಹ್ಯಾಂಡ್ ಬ್ಯಾಗ್ ತಯಾರು ಮಾಡಲು ಸುಮಾರು 2 ವಾರಗಳ ಸಮಯವನ್ನು ತೆಗೆದುಕೊಳ್ಳಲಾಗಿದೆ.
ಹ್ಯಾಂಡ್ ಬ್ಯಾಗ್ ತಯಾರಿಸುವ ಹಂತಗಳನ್ನು ವಿಡಿಯೋ ಮೂಲಕ ತೋರಿಸಿದ್ದು ಇದನ್ನು ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದ್ದಾರೆ. ಈ ವಿಡಿಯೋದಲ್ಲಿ ಮಾತನಾಡುವ ಓಮರ್, ನಾನು ಹಣ್ಣುಗಳು ಹಾಗೂ ತರಕಾರಿ ಸಿಪ್ಪೆಗಳನ್ನು ಹೊಸ ರೀತಿಯಲ್ಲಿ ಬಳಕೆ ಮಾಡುವ ಉದ್ದೇಶವನ್ನು ಹೊಂದಿದ್ದೇನೆ. ಪರಿಸರ ಸ್ನೇಹಿ ವಸ್ತುಗಳನ್ನು ಐಷಾರಾಮಿ ವಸ್ತುಗಳನ್ನಾಗಿ ಪರಿವರ್ತನೆ ಮಾಡುವುದು. ಅತ್ಯಾಧುನಿಕ ತಂತ್ರಜ್ಞಾನಗಳನ್ನು ಬಳಕೆ ಮಾಡಿ ನಾನು ಪರಿಸರ ಸ್ನೇಹಿ ತಂತ್ರಜ್ಞಾನಗಳ ಮೂಲಕ ಫ್ಯಾಷನ್ ವಸ್ತುಗಳು, ಉತ್ತಮ ಗುಣಮಟ್ಟದ ಬ್ಯಾಗ್ಗಳು ಹಾಗೂ ವಸ್ತುಗಳನ್ನು ತಯಾರಿಸಿದ್ದೇನೆ ಎಂದು ಹೇಳಿದ್ದಾರೆ.
ಅಂದಹಾಗೆ ಓಮರ್ ಹಣ್ಣು ಅಥವಾ ತರಕಾರಿ ಸಿಪ್ಪೆಗಳನ್ನು ಬಳಕೆ ಮಾಡಿ ಫ್ಯಾಶನ್ ವಸ್ತುಗಳನ್ನು ತಯಾರಿಸಿದ್ದು ಇದೇ ಮೊದಲೇನಲ್ಲ. ಈ ಹಿಂದೆ ಅವರು ಬದನೆ ಕಾಯಿ ಸಿಪ್ಪೆಗಳನ್ನು ಬಳಕೆ ಮಾಡಿ ಮಾಸ್ಕ್ ತಯಾರಿಸಿದ್ದರು. ಫ್ಯಾಷನ್ ಲೋಕದ ಟ್ರೆಂಡ್ ಪಾಲಿಸುವ ದೃಷ್ಟಿಯಿಂದ ಪರಿಸರಕ್ಕೆ ಹಾನಿ ಮಾಡುವ ವಸ್ತುಗಳನ್ನು ತಯಾರಿಸುವ ಬದಲು ಸಾವಯವ ವಸ್ತುಗಳಿಂದ ಫ್ಯಾಷನ್ ವಸ್ತುಗಳನ್ನು ತಯಾರಿಸರೆ ಪ್ರಕೃತಿಗೂ ಯಾವುದೇ ಹಾನಿ ಇಲ್ಲ ಎಂಬುದು ಓಮರ್ ವಾದವಾಗಿದೆ.
Designer creates luxury handbags from orange peels
ಇದನ್ನು ಓದಿ : Woman marries pink colour : ಗುಲಾಬಿ ಬಣ್ಣದ ಜೊತೆ ವಿವಾಹವಾದ ಮಹಿಳೆ
ಇದನ್ನೂ ಓದಿ : Shilpa Shetty: ಟ್ರೆಂಡಿ ಫ್ಯಾಷನ್ನಲ್ಲಿ ಕಂಗೊಳಿಸುತ್ತಿರುವ ಬಾಲಿವುಡ್ ಬೆಡಗಿ ಶಿಲ್ಪಾ ಶೆಟ್ಟಿ
Comments are closed.